البارحه ما بين وشلون يمديك
في يوم واحد يا حبيبي تغيّرت
الليل خلاني و خلا طواريك
تلعب بقلبي كل ماداخلي ثرت
سويت شي ٍ حدني غصب ما جيك
و إلا قبل لاسير الليل سيرت
هدمت كل اللي بنيت بتجافيك
هدمت لا و الله بالعون دمرت
خليتني ماقلت لي شلون اخليك
ليتك بحالي قبل مارحت ناظرت
الله كريم يصبر اشواق مغليك
لا قام ينثرني غلاك و تناثرت
و الله يسامح قلبي اللي مواليك
اخذت كل اللي تبي منه و انكرت
منهار جيت العام تسبق خطاويك
و اليوم ما كنك قبل جيت و انهرت
في ذمتك لا من تذكرت ماضيك
من يطري في بالك اليا من تذكرت ؟
من كثر ما فكرت وشلون اراضيك
وياك في نفسي و لا يوم فكرت
على كثر ماكنت متمسك ٍ فيك
وعلى كثر ماحتجتني ماتعذرت
جيتك وعندي حاجة ٍ بين اياديك
والمشكله تقدر عليها و قصرت
رح بشر اللي ملتفت لك يناديك
قله تركته لخاطرك ماتأخرت
صدقني انها غلطتي يوم اداريك
ولا انت لولا غلطتي كان ماصرت
كبرتك بعين البعيد وحواليك
ابيك تكبر والمصيبه تكبرت
حاولت اغيّر فيك من كثر مغليك
قدرت لكنك عليّه تغيّرت
للشاعـــر المبدع ثامر شبيب ..
المواضيع المتشابهه
البارحه ما بين وشلون يمديك
العرض المتطور
