السلام عليكم
اعضاء منتديات الرايديه
اعتذر عن الغياب
اليكم الجديد
اوراق العمـــر
سفينٍة تلعب بها زرق الامــــواج
كم عام عجزت لا تحصـــل مواني
وقبطانها عيبه إذا صابه إحراج
مابين إحراجــه لقاصي وداني
يضحك وللنيران بالقلب وهاج
ويقول للركاب سهل وهواني
وإذا بدى له بالمساء نور وإسراج
اتعــب مجاديفه وراهـا يعــاني
نفد وقود الصبر من كل الأدراج
ولا عاد يمديني على صبر ثاني
ســلام يامــن حبها بالحشــا راج
ياللي على طول السنين احتواني
ماجف نهره بس من دونها سياج
تنهار من فوقه جميع الاماني
جيش المشاعر يمها..أفواج و أفواج
كل ماغفــت عيني خياله غـــزاني
من دونها حط القدر كم مـــزلاج
واقفيت عنها مانصفــني زماني
تتساقط اوراق العمر والامل تاج
على امل لاماها\\ عل وعساني
تطويني سنين البطا يابو ريتاج
طي السمان اللي طوتها السواني
ابخل على خدي من الدمع لاراج
واصد والحسره تحرق المحاني
ماكل جرحن ينفعه طب واعلاج
ولاكل زول يعوضه زول ثاني
سيف الراشـــــد
المواضيع المتشابهه
العرض المتطور
