الحب شايب والفراق ابنه العاق
والوصل غايـه والقصايـد وسيلـه
اثر المفارق له علاقـه بالاخـلاق
ويقصر طويلة صدر راعي الطويلـه
مافيه اشرّ من الهواوي ليا ضـاق
من ضيقته حتى البزر يشتكـي لـه
ياللي غضبت وكانت حلولك فـراق
الغيـض ولعـه والمجـادل فتيلـه
ابليـس للفتنـه وللشـر سـبّـاق
يجيك في صـورة رذيـل ورذيلـه
العيـن مايغـدي بهـا كـل بـرّاق
والاذن ماكـل الحكـي ترتخيـلـه
راعي الكلام يزّود الطـاق بالطـاق
يحكي بشخص وياصله ويحكي لـه
خص ٍ ليا كان الحكي بيـن عشّـاق
ماله سوا: مالـك دخـل والفشيلـه
لو شفت وش قيمة غرامك بالاعماق
ماطعت لـو لامـوك فينـي قبيلـه
ماهو تضيّق صدرك وتركز السـاق
كنّـي كفـرت وقاتـل ٍ لـي قتيلـه
وشلون حسّك ناعم وعودك دقـاق
والوجـه ياحلـوه وياحبنـي لــه
وتشيل في قلبك حمـول ٍ ماتنطـاق
وشلون عافرت الحمـول الثقيلـه؟؟
وانا احسبنك طيّـب وقلبـك رقـاق
يامـدرّس فنـون القسـاوه لجيلـه
رح والشقا على الهواجس والاوراق
ياللي عقب فرقـاه شوقـه بديلـه
اشتاق وادري مانت راجع لو اشتاق
مير العـوض بالذكريـات الجميلـه
مما راق على إعجابي
المواضيع المتشابهه
(( مير العوض بالذكريات الجميله ))
العرض المتطور
