(( أنا وأم ناصر )) قصة عجوووووز ... !!!

[أبو فهاد]

( أنا ......وأم ناصر.....)قصه عجوز


شف ربيع العمر قفى وإنت ماتسأل عليـه
……………………………. ناسـي أو أنـت تناسـى ماتبـي تتذكـره
هـو دلـع والا تغلـي أوكبـرت وماتبيـه
…………………………….أولقيت قلوب غيري بالوفـاء لـك ممطـره
صرت مثل الي ولدها راح وظلت تحتريـه
…………………………….تاركٍ أربع خوات وغـاب وطـول بسفـره
والعجوز اللي تركهـا مالهـا مـن تنتخيـه
…………………………….زوجها مبطـي توفـى وإحتوتـه المقبـره
ساكنه بأقصى المدينه وعندهـا جـارٍ سفيـه
…………………………….وصاحب البيـت إمتحنهـا بيتهـا بيئجـره
الأكل حسره عليها كيـف تقـدر تشتريـه
…………………………….وكل ماتطحن دقيـق جاء الهواء ثم بعثـره
..............
..................وبعد ذلك.
..........................


أنعمت ذيك العجـوز كثـر ماتبكـي عليـه
……………………………. حزن وغربال ومآسي وليل أقشـر تسهـره
كانت تصلـي وتدعـي يا الله أنـك تحميـه
……………………………. يالله أنك لا تضيع زهـر عمـري وثمـره
يالله الفـرد الصمـد واحـدٍ مالـه شبـيـه
……………………………. واحـدٍ كـل الخلايـق لا أذنبـت تستغـفـره
عالم بحـال اليتامـا وما فـي شـيٍ يخفيـه
……………………………. يارفيـع الشـأن رده وقلـب أمـه صبـّـره
كلهم عني تخلـوا وإنـت منهـو أرتجيـه
……………………………. راضيـه يـارب باللـي تقسمـه وتـقـدّره
...........


.............
............................... وبعد تسع سنين
........


وبعد تسع سنين جاها منهو كانـت تحتريـه
……………………………. وكانت المسكينه تغزل جالسه تحت شجـره
قال يمه ..يمه .. يمه .. يمه ناصـر تذكريـه
…………………………….طاحت الحرمه وقامت ....بس قامت مبصره
ناظـرت هـذا ولدهـا والجواهـر تعتليـه
……………………………. خمته وصارت تـردد أحمـد الله وأشكـره
حبته وحبت جبينه وضمهـا براحـه يديـه
…………………………….وقال يمه سامحينـي ووعـدك مـا أكـرره
ووعدك أنـي لأسـوّي كـل شـيٍ تطلبيـه
…………………………….واسعدك وأسعد خواتي وخاطرك ما أكسـره
الله الـلي هـو رحـم أم ناصـر لاتتـيـه
...............................................وفض ل ربي ياجماعه مستحيـل بننكـره
..............
....................


عاد أنا هالحين حالي صار لأم ناصر شبيـه
.................................................م ن هجرتيني وروحي عقب مزنـك مقفـره
ليه تتمنى عذابي..... ليه مـع مليـون ليـه..؟؟؟
................................................لي ه قبري فـي يدينـي ودك انـي أحفـره
ودام هذا اللي يردك ومـن فهـد هـذا تبيـه
........................................أكتبي فوق النصايب مات والسبه ...( مره)



الشاعر /فهد الغاطي الشمري

[أبو رائد]

صح لسان الشاعر



وشكرا لك يا بوفهاد



على هذا النقل .. وهذا الاختيار ..

[عبدالعزيز الجلعود]

صح لسان

فهد الشمري


وكل الشكر

لأبو فهااااااد