اتمنى القى منو يساعدني

[روزآ بيلآ]

السلام عليكم

ترددت كثير انزل الموضوع مو عارفه اي قسم مناسب له
واخترت هالقسم ان شالله تفيدوني

منتدى حلو وتو ادري عنه واحلا شي انو للخفجي

مشكلتي يالغوالي اني محتاجه لوظيفه

بس مو عارفه شلون احصل على وظيفه تناسبني او تتوفر لي

وماعندي معارف عشان ينفعوني بالي ابيه

اولا انا مطلقه وساكنه ببيت ابوي
واحس اني عاله عليه

حتى بوجود راتب الضمان الاجتماعي الي ابد مو مكفيني
والله يطول بعمر ابوي مايقصر معاي باي شي

بس المشكله قاعده افكر بأشياء كثيره وان الوالد من بعد عمر طويل مو باقي لي طول العمر اذا الله اعطانا عمر
واذا طلبت منه ابي وظيفه يقول ماانتي محتاجه اذا بغيتي شي انا موجود

والزواج ماقدر انتظر حتى يجي نصيبي هذا اذا جا

وحافز رفضوا قبولي

ابي اشتغل واعين ابوي بدال مايصرف علي

انا مو مكمله دراستي

بس عندي شهادات حاسب

ونفسي اشتغل بوظيفه بنك لانو مدري في بالي انها شغلات كمبيوتر ادخل بيانات وكذا وتوقع راح تناسبني


ياريت القى الي يوجهني ويساعدني بالحصول على وظيفه مناسبه

والله يجزاكم خير

بانتظاركم

[عبدالعزيز الحاوي]

اسئل الله العلي القدير لكي بالتوفيق
اختي الفاضلة ربنا يخلي ليكي الوالد وتعيشين بظلة بعزك وكرامتك دائما
اختي لاتحسين أنك ثقيلة علي أبوكي ابدا مستحيل أنه يوما من الأيام يفكر بهالتفكير
وربنا يرزقك بابن الحلال والذرية الصالحة
اختي اي عمل اقبلي فية ولا تختارين شئ معين
انسخي ملفك وجهزية وقدمي علي اي مكان يناسبك وتشوفين انه مافية اختلاط
اختي ترا التدريس الخاص الابتدائي تراه له دخل كويس اذا قدرتي تحطين ليكي غرفة بالبيت تستقبلي فيها كم طالبة
وتسلين نفسك وتكسبي شي وانتي معززه بمنزل ابوكي العامر
ترا فية شغلات كثيرة جدا يقدر الانسان يسويها مثل انه يكمل تعليمة لو بالانتساب
واستعيني بالله ثم بقرايبك وتلقين خير كثير
واهل المنتدي انشالله مايقصرون وبالتوفيق يارب

[عبدالمنعم]

الله يكون بعونك بالخفجي حتى الشباب ماعندهم وظايف
لو شركة ارامكو تفتح قسم نسائي زي المناطق الثانيه كان انحلت مشكلة البطاله النسائيه بالخفجي
اقترح عليك تقدمين على المستوصفات الاهليه زي مملكة الطب والمناروالأراك بما أن عندك شهادات حاسب يحتاجونك كثير


والله يوفقك ويطول بعمر الوالد

[روزآ بيلآ]

اقتباس المشاركة الأصلية كتبت بواسطة عبدالمنعم الله يكون بعونك بالخفجي حتى الشباب ماعندهم وظايف لو شركة ارامكو تفتح قسم نسائي زي المناطق الثانيه كان انحلت مشكلة البطاله النسائيه بالخفجي اقترح عليك تقدمين على المستوصفات الاهليه زي مملكة الطب والمناروالأراك بما أن عندك شهادات حاسب يحتاجونك كثير والله يوفقك ويطول بعمر الوالد

الله يرزقنا وإياكم ويبعد عننا الحاجه

يس فكرت كثير فيهم بس مثل ماقلت من قبل مو عارفه شلون ماعندي احد اعرفه
عشان يقول لي اذا محتاجين موظفات او لاء

على العموم اذا ابي اقدم شلون وشنو مطلوب مني؟
بانتظار ردك اخوي الكريم

[عبدالمنعم]

اقتباس المشاركة الأصلية كتبت بواسطة روزآ بيلآ الله يرزقنا وإياكم ويبعد عننا الحاجه يس فكرت كثير فيهم بس مثل ماقلت من قبل مو عارفه شلون ماعندي احد اعرفه عشان يقول لي اذا محتاجين موظفات او لاء على العموم اذا ابي اقدم شلون وشنو مطلوب مني؟ بانتظار ردك اخوي الكريم

المطلوب على حسب علمي الشهادات جميعها توضع في ملف وتعملين سيرة ذاتية الشهادات واذا فيه خبرات توضع بشكل مرتب وأهم شي لاتحطين الشهادات الاصلية حطي نسخ وقدمي على كل مستوصف تروحين الى أدارة المستوصف أوقسم التوظيف وتضعين الملفات عندهم والخفجي ملينه مستوصفات تفوق 10 وشوفي مستشفى الشركة أرسلي لهم ملفاتك يمكن يحتاجونك خلي الوالد يروح الى مدير المستشفى راح يساعدك تراه طيب ويقدر الضروف

والله يكون بعونك

[روزآ بيلآ]

اقتباس المشاركة الأصلية كتبت بواسطة ساري الليل اسئل الله العلي القدير لكي بالتوفيق اختي الفاضلة ربنا يخلي ليكي الوالد وتعيشين بظلة بعزك وكرامتك دائما اختي لاتحسين أنك ثقيلة علي أبوكي ابدا مستحيل أنه يوما من الأيام يفكر بهالتفكير وربنا يرزقك بابن الحلال والذرية الصالحة اختي اي عمل اقبلي فية ولا تختارين شئ معين انسخي ملفك وجهزية وقدمي علي اي مكان يناسبك وتشوفين انه مافية اختلاط اختي ترا التدريس الخاص الابتدائي تراه له دخل كويس اذا قدرتي تحطين ليكي غرفة بالبيت تستقبلي فيها كم طالبة وتسلين نفسك وتكسبي شي وانتي معززه بمنزل ابوكي العامر ترا فية شغلات كثيرة جدا يقدر الانسان يسويها مثل انه يكمل تعليمة لو بالانتساب واستعيني بالله ثم بقرايبك وتلقين خير كثير واهل المنتدي انشالله مايقصرون وبالتوفيق يارب

شاكره لك على وجودك وردك الجميل
بس مشكلتي أنا مو راعية تدريس عارفة نفسي وامكانياتي

الله يجزاك خير ودمت بود

[عذب خافقي ذكراك]

اقتباس المشاركة الأصلية كتبت بواسطة روزآ بيلآ السلام عليكم ترددت كثير انزل الموضوع مو عارفه اي قسم مناسب له واخترت هالقسم ان شالله تفيدوني منتدى حلو وتو ادري عنه واحلا شي انو للخفجي مشكلتي يالغوالي اني محتاجه لوظيفه بس مو عارفه شلون احصل على وظيفه تناسبني او تتوفر لي وماعندي معارف عشان ينفعوني بالي ابيه اولا انا مطلقه وساكنه ببيت ابوي واحس اني عاله عليه حتى بوجود راتب الضمان الاجتماعي الي ابد مو مكفيني والله يطول بعمر ابوي مايقصر معاي باي شي بس المشكله قاعده افكر بأشياء كثيره وان الوالد من بعد عمر طويل مو باقي لي طول العمر اذا الله اعطانا عمر واذا طلبت منه ابي وظيفه يقول ماانتي محتاجه اذا بغيتي شي انا موجود والزواج ماقدر انتظر حتى يجي نصيبي هذا اذا جا وحافز رفضوا قبولي ابي اشتغل واعين ابوي بدال مايصرف علي انا مو مكمله دراستي بس عندي شهادات حاسب ونفسي اشتغل بوظيفه بنك لانو مدري في بالي انها شغلات كمبيوتر ادخل بيانات وكذا وتوقع راح تناسبني ياريت القى الي يوجهني ويساعدني بالحصول على وظيفه مناسبه والله يجزاكم خير بانتظاركم

هلابك اختي روحي لمعهد الموارد البشريه قدام المتوسطه السادسه طالبين معلمات حاسب وانقلشش وتجميل وبالتوفيق لك ودعووووووووووووووووووواتك لي

[روح البداوه]

قدمي ع الكليه طالبين معيدات
شوفي الروضات والمدارس الخاصه
او قدمي ع الكويت

والله يرزقك ويرزق الجميع

[العطيعط]

ااهلين سيدتى فيه وظائف عند المستشفى التخصصى باصناعيه وتحياتى لكى

[روزآ بيلآ]

اقتباس المشاركة الأصلية كتبت بواسطة عذب خافقي ذكراك هلابك اختي روحي لمعهد الموارد البشريه قدام المتوسطه السادسه طالبين معلمات حاسب وانقلشش وتجميل وبالتوفيق لك ودعووووووووووووووووووواتك لي

اهلا فيك اخوي
بس مافي غير معلمات لأني ماانفع للتدريس
وشهادتي ماتساعد

بانتظار ردك