مساعده من اهل الخفجي ..

[ال سعود 2012]

مسائكم الله بالخير
ياشباب حبيت استفسر عن منتجع الامير سلطان براس مشعاب ( تبع مدينه الملك خالد العسكريه ) اللي قريب من الخفجي .. طبعا ركن الضباط
لان انشاء الله بعد اسبوع جايه مع العايله وابي اعرف وش وضعه من ناحيه نظافه المكان والبحر والشاليه والاماكن اللي فيه من خدمات بقالات مطاعم وكذا اشياء
والله عنده اي معلومات عنه لا يبخل عننا لو بمعلومه
انتظر ردودكم يالنشاما

[عائض الدشن]

حياك الله ..بين اهلك وناسك ....وان ماشالك المنتجع تشيلك عيونا...

المنتجع اسمع فيه بس ولامرة شفته ....

اتمنى غيري من الاعضاء يفيدونك

[خفجاوية مخلصة]

أختي مع الأسف لا يوجد فيه إلا محل واحد للكوفي شوب كوستا كوفي وفرع لمطعم ماكدونالدز و شيليز وسوبر ماركت ميد

واكوا بارك نسائية والأخرى رجاليه وهناك مسابقات وجوائز كل ليله

ههههههههه هذا في الأحلام طبعاً لكن نقلت لك شاليهات الخيران في الكويت ... المهم لا تجون وتتعنون إلا إذا كنتوا تريدون البحر من أجل البحر فغيرها انسوى ... يئسفني ذلك

تعالوا لشواطي الخفجي جميلة واسكنوا شققها بس تكفون اذا جيتوا البحر اوقفوا سياراتكم في المواقف لا تجيبونها على الارصفه المخصصه للمشاه

[عبدالله العوفي]

اقتباس المشاركة الأصلية كتبت بواسطة ال سعود 2012 مسائكم الله بالخير ياشباب حبيت استفسر عن منتجع الامير سلطان براس مشعاب ( تبع مدينه الملك خالد العسكريه ) اللي قريب من الخفجي .. طبعا ركن الضباط لان انشاء الله بعد اسبوع جايه مع العايله وابي اعرف وش وضعه من ناحيه نظافه المكان والبحر والشاليه والاماكن اللي فيه من خدمات بقالات مطاعم وكذا اشياء والله عنده اي معلومات عنه لا يبخل عننا لو بمعلومه انتظر ردودكم يالنشاما

منتجع الامير سلطان براس مشعاب ..... تابع للقوات المسلحه ولا يسمح لااحد بالاستجار الى ضباط وافراد وموظفي ومتقاعدي القوات المسلحه عن طريق الحجز من مكتب الاداره بمدينة الملك خالد العسكرية بحفر الباطن .... رقم التلفون ...
(037874307)

قيمة الايجار . من جندي الى رقيب اول ( 100 ريال لليوم الواحد

من رتبة رئيس رقباء والمرتبه السادسه وما فوق( 150 ريال لليوم الواحد

الضباط بجميع الرتب ( 150 ريال لليوم الواحد )

لا يوجد خدمات مطاعم والخ ....



وبالتوفيق

[شايل]

هو مكان منسي يصلح للي يريد الراحة وعدم الازعاج لانه منقطع عن العالم

[شمس الرائدية]

’’
حيآكم الله
و


إجآبة وآفيه من عبدالله آلعوفي .. ..’’

[بـــ صدقــــــ]

أنا سمعت ان " ركن الضباط " متوفر فية كل شي وخدمتة خمسة نجوم , وتقدم لك الخدمة وانت على الشاطئ أيضاً !!
قالت أيش قالت ركن الضباط !!! ضباط ولا جنود صف طابور الله لا يهينك الين يرزعونك في مرتبل تعيس , ولا تنسين تأخذين صحونك معك وحوافظك والاهم لا تنسين الاساتك مرو اقرب بنشر وخذو لكم اساتك وانتبهو لا تكون مرقوعة بس , على بالها العسكري موظف ارامكوا " ركن الضباط قالت !! "