احبابي
اعجبتني هذه القصيده الساخرة
واردت ان انقلهالكم عسى ان تحوز على رضاكم
زكـــيـّــه... زكـــريـّـا
تحملتـهـا فـتـره طـويـلـه ثـــلاث سـنـيـن
تـواعــد وتـخـلـف واتـحـمــل وجـامـلـهـا
وحاولـت اقابلهـا وقـالـت بـعـد شهـريـن
وشهـريـن فــي شهـريـن دايـــم تأجـلـهـا
تقول انت قصدك زين ياشيخ كلـي زيـن
جـمــال ومـواهــب فـيـنـي الله مكـمـلـهـا
دلع ليليان وعود شمس وشعـر شيريـن
وفـيـنــي مــلامــح بـاسـكــال وتـأمـلـهــا
ترجـيـتـهـا تـكـفـيـن أبـاقـابـلـك تـكـفـيــن
وبشويـش اخـاف اقــول كلـمـه تزعلـهـا
بعـد وقـت مستقطـع وتفكيـر قالـت زيـن
تجيني بوصف حارتـي وأنـت روح الهـا
مكاني تعرف الشيشه الي على السيدين
اذا جيتهـا شـف بـاب بيتـي قريـب الـهـا
تعد المحطـه وأمـش رجلـي ولـف يميـن
وعنـدك بقالـه فاتـح(ن) شـرق مدخلـهـا
سولـف مـع البـائـع وفـتـح وركــز زيــن
ابـدخــل وأدف الـطـاولـه ونـــت عـدلـهـا
وجيـت المكـان الـي تخيلـت فيـه الـزيـن
ومـن وصفهـا شفـت المحـطـه ومنزلـهـا
نزلـت اتمـشـى للبقـالـه عـلـى الرجلـيـن
وصـلـت البقـالـه والـوعـد لازم ادخـلـهـا
قبل لسأل الهندي عن البيع كاش وديـن
تـفـأجــأت فـيـهــا صـــــورةً ماتـخـيـلـهـا
يجي طولها متر ويجي عرضهـا متريـن
تلفـت وانــا الــي كـنـت واقــف مقابلـهـا
على الطاوله تظغط وتأشر تقـول اهليـن
انايالـحـبـيـب الـحـلــوه الــــي تـغـازلـهـا
زكـيــه زكـريــا طلـعـتـي عــلــي مـنـيــن
وش الـي بلانـي فـي زكـيـه مــن اولـهـا
بغيت انسحب قالت على وين رايح وين
تكـلـم وسـولـف مــع حبيـبـتـك وسـألـهـا
وقلت اسمحيلي ربع ساعه وجيك الحين
اجـيــب الـهـديــه والـسـوالــف نكـمـلـهـا
وفي غفلـةً منهـا بسرعـه ورمشـة عيـن
تنـاولـت انـــا سـيـارتـي قـبــل تاصـلـهـا
للشاعر مشعل القشعان
المواضيع المتشابهه
العرض المتطور
