يـقـول من عـدّا على راس عـالي...

[عواد العنزي]

يقــــــول من عدا على رأس عالي
رجمن طويــــــــلٍ يدهله كل قرناس

في راس مرجو من عسير المنالي
تلعب به الأريــــــاح مع كل نسناس

في مهمهن قفرن من الناس خالي
يشتاق له من حس بالقلب هوجاس

قعــــــــــدت في راسه وحيدٍ لحالي
براس الطويـــل ملا بقه تقل حراس

متذكرٍ في مرقبــــــــي وش غدالي
وصفقت بالكفيـــــن ياس على ياس

اخذت اعد ايامهـــــــــــــا والليالي
دنيــــــــــــا تقلب ماعرفنا لها قياس

كم فرقت مابيـــــــــن غالي وغالي
لوشفت منهـــــا ربح ترجع للافلاس

ياما هفا به من رجــــــــــال مدالي
ماكنهم ركبـــــــوا على قب الافراس

ولا قلطـــــــــــوهن للكمين الموالي
ولا صار فوق ظهورهن قطف الانفاس

ولا ردد واصم الرمــــــــك للتوالي
كلن يبـــــــــــــي من زايد الفعل نوماس

من بينهم سمر القنا والســــــلالي
مثل البروق برايحــــــــــن ليله أدماس

يقطعك دنيا مالهـــــــــا اول وتالي
لو اضحكت للغبــــــن تقرع بالاجراس

المستريح اللــــــي من العقل خالي
ماهو بلجـــــــــات الهواجيس غطاس

ماهو بمثلي مشكــــــــــلاتة جلالي
ازريت اسجلهـــــــن بحبرن وقرطاس

حملي ثقيـــــــــل وشايله باحتمالي
واصبــــــر على مر الليالي والاتعاس

وارسي كما ترسي رواسي الجبالي
ولا يشتكي ضلع عليه القدم داس

يا بجاد شب النــــــــار وادن الدلالي
واحمس لنا يا بجاد ما يقعد الراس

ودقه بنجـــــــــرن ياظريف العيالي
يجذب لنا ربعن على اكوار جلاس

وزله ليامنـــــــــــــــه رقد كل سالي
وخله يفـــــوح وقنن الهيل بقياس

وصبه ومده يا كريــــــــــم السبالي
يبعد همومي يــوم اشفه بالانفاس

فنجال يغدي ماتصــــــــــــور اببالي
روابع ناخذ بها اخماس واسداس

لا خاب ظنـــــــــــي بالرفيق الموالي
مالــي مشاريهن على نايد الناس

يا عل قصــــــــــرٍ ما يجي له ظلالي
ينهار من عالــــــي مبانيه للساس

لا صـــــــــــار ما هو مدهل للرجالي
وملجا لمنهو يشكي الظيم والباس

بحسناك يا منشـــــي حقوق الخيالي
يا خالق اجنلسٍ ويا مفني اجناس

تجعل مقره دارس العهـــــــــــد بالي
صحصاح دو دارس مابه اوناس

البوم في تالـــــــــــــي هدامه ايلالي
جزاك يا قصر الخنا وكر الانداس

متى تربــــــــّــــــــــع دارنا والمفالي
وتخضر افياض عقب ماهي ابيباس

نشـــــــــــوف فيها الديدحان متوالي

مثل الرعاف بخصر مدقوق الالعاس

وينثر علـــــــى البيدا سوات الزوالي
يشرق حماره شرقة الصبغ بالكاس

وتكبـــــــــر دفوف معبسات الشمالي
ويبني عليهن الشحم مثل الاطعاس


محمد الأحمد السـديري

[الهايم]

صح لسان الشاعر وهو غني عن التعريف


وأنت لا تعبت ياعواد وأبداعك نشوفه بكل شي

والقصيده من أجمل قصائد السديري

لاهنت وماقصرت.

[عواد العنزي]

الهايم

الف شكر يالغالي

على تواصلك الجميل

ومرورك الرائع

وتقبل مني كل الحب والاحتراااااااام

[قمر الليل]

صح لساااااااان الشاااااااعر على ما كتب


ربي يعطيك العافيه عوااااااد على أختيااااارك القصيده الرائعه


تسلم أيدك

مشكوووووووور ما تقصر

[عواد العنزي]

اقتباس المشاركة الأصلية كتبت بواسطة قمر الليل صح لساااااااان الشاااااااعر على ما كتب ربي يعطيك العافيه عوااااااد على أختيااااارك القصيده الرائعه تسلم أيدك مشكوووووووور ما تقصر

قمرالليل

الف شكر على مرورك الجميل

وتقبلي مني كل الحب والاحترااااااام

[نواف الفهاد]

الله ..

الله ..

وين خذيتنا .. يــ أبو عزوز !!

/
\

والله ..

ماهي قصيدة ..

هذي .. رواية خالدة ..

/
\

أبو عزوز ..

مدري ليه .. إليا قرينا .. مثل هــ لقصايد ..أحس .. كأني .. بــ لي بر .. لــ حالي ؟؟؟؟

لا ونيس .. ولا جليس !!

/
\

تسلم يمينك ..

على هـــــــــ النقل ..

اللي .. اطالبك ..

أنك تثبت هــ القصيدة ..

على طول ..

وإن شاء الله ماتردني !!

/
\

سلالالالالالام

[عواد العنزي]

اقتباس المشاركة الأصلية كتبت بواسطة نواف الفهاد الله .. الله .. وين خذيتنا .. يــ أبو عزوز !! / \ والله .. ماهي قصيدة .. هذي .. رواية خالدة .. / \ أبو عزوز .. مدري ليه .. إليا قرينا .. مثل هــ لقصايد ..أحس .. كأني .. بــ لي بر .. لــ حالي ؟؟؟؟ لا ونيس .. ولا جليس !! / \ تسلم يمينك .. على هـــــــــ النقل .. اللي .. اطالبك .. أنك تثبت هــ القصيدة .. على طول .. وإن شاء الله ماتردني !! / \ سلالالالالالام

هلا وغلا

نواف الفهاد

الف شكرعلى كلامك الجميل

والقصيدة فعلآ تحسسك انك بالبر مثل ماقلت

وطلبك بتثبيت القصيدة

غالي والطلب رخيص لعيونك كل شي يصير

اهم شي رضاك يابعد قلبي

[أبو رائد]

الله يعطيك العافية يا عواد


على هذه القصيدة المميزة

[عواد العنزي]

اقتباس المشاركة الأصلية كتبت بواسطة أبو رائد الله يعطيك العافية يا عواد على هذه القصيدة المميزة

هلا وغلا

ابورائد

الله يعافيك يالغالي

وشاكرلك هذا التواصل الله لايحرمنا منه

وتقبل مني كل الحب والاحترااااااام

[فهدالقحطاني]

الف شكر الغالي عواد العنزي

على القصيدة الرائعة