[align=center]علموني من يطيق العيش في سجن إنفرادي؟
لا جليس ولا ونيس ولا رفيـق ولاأصدقـا؟
خبروني من هو مثلي في وفاي وفي ودادي؟
بعت كل الكون لأجله \وباعني يومـه رقـا
كنت أعدّه نور عيني غايتي قلبي \مـرادي
كان يلعب بي وأنا مـن نيتـي فيـه أوثقـا
حسبي الله يازماني ضعت أنا عقبه بـوادي
مظلمٍ موحش \دروبه تحـرق أقـدام الشقـا
كان لي كل الأماني كان ماي\ وكـان زادي
كنت أشوف الكون كله في عيونـه مشرقـا
مير حظي أعرفه قاسي ولايرحـم فـؤادي
لعنبو حظٍ عجزت أقول يـا حظـي إرفقـا
لعنبو حبٍ ذبحني من عذابي قمـت أنـادي
ليش من دون البشر حظي عديـمٍ مرهقـا؟
حكمةٍ في الحب يعرفها الحضر ويّا البوادي
لا تصون الحب وإلعب في المشاعر وإحرقا
الوفا عمله قديمه صاحت أسهمهـا تنـادي
وينه إللي دوم مخلص في المشاعر يصدقا؟
وين مجنون الهوى يومه يزوّد فـي العنـادِ
ضاع عمره مالقى من هـو بحالـه يشفقـا
المواجه والصراحه \خير من طعنة معـادي
في الظهر ما ظنتي تبرى ولـو تـم اللقـا
إبتعد وإنسى وأنا بنسى وبشـرّ هالأعـادي
قول لهم لحظة وداعي مثـل روحٍ تزهقـا
عطهم إللي كنت تعطيني ومدّ لهـم أيـادي
من دمي فيها بقايـا ومـن عذاباتـي بقـا [/align]
العرض المتطور
