لولا الرد ياناس مابين الطيب=ولولا المحيا ماعرفنا الجبله
دام اللحا تحفظ حقوق الاشانيب=زلتك ماكانت ولا صار زله
وللخوه حقوقن علينا ومواجيب=وعقب يمين اللي مايوفيك كله
وانا اعرف العيب واجنب العيب=ولا واخذ اللي فيه وشه وخله
وانا علي هقوة رفيقي وماخيب=ان شتكا شمس الزمن صرت ظله
وان قالي ازهمك او ازهم الذيب=قلت ازهمن والذيب خله محله
اجيك كلي ادحم الجمع ماهيب=بوقف به عظام الردي ماتشله
وان عاب بالخوه اجنبه تجيب=مالي وماله ماني تباع شله
هو البطل بالفلم مايخطي مصيب=دامه مايفرق ويش عزه وذله
ولو الاوادم تعلم السر والغيب=وتعرف خافي هالصدقات والله
مابه صحيبٍ يضمر الشر لصحيب=ومابه خيانات بصداقة لله
ولولا الردا مانعرف العلم والطيب=ولولا المحيا ماعرفنا الجبله
المواضيع المتشابهه
العرض المتطور
