يازيد
يازيد لاتكثّر علي المشاريه
شرهات ربعي في زماني تكفّي
لو قلت للواحد نعم سم لبيه
واعطيه من قلبي وعيني وكفّي
تكشف لي الأيام شيٍ يْخفيه
ضدي واحسبه حسب الاعراف صفّي
يازيد هف ومثل راسك مهفيه
هفت مْقيط اللي معَ رشاه هفّي
من يتبع الظالم بشيٍ يْسويه
عليه دورات الليالي تلفّي
نهج المجامل ماتعزز مباديه
بالوقت ماحقق طموحي وشفّي
ماعشت عمري في تسلي وترفيه
ومخامسي ماينخدع بالتحفّي
حتى ضلالي مازرعت الثقه فيه
من كثر ماواجهت ضدي واعفّي
شذابة العرقوب تحتاج تسفيه
هرج القفى من يوم عنهم اقفّي
خذيت مْن كل التجاريب تنبيه
نظفت من رديان الامه ملفي
شعر - حمد الدليهي
المواضيع المتشابهه
العرض المتطور
