::.. أي عضو قبل ان يسافر للخارج .. أتمنى الدخولـ هنا ..::

[نصراوي]

هذي القصيده تتكلم عن عن الصيف والسفر في الصيف الي يروح لبنان او سوريا ........الخ




يجينا الصيف وننتظره واذا عدى نبيه يعود ...... ونفرحبه اذا جانا ونقول الصيف لا يعدي

نحسب احسابنا بدري نفكر في الليالي السود ..... نفكر كيف نستانس وكيف نجيب ونودي

ندور للـــوناسه وين شبــــاب قدهـــا وقدود ...... نسولف مع نجوم الليل ذوات المبسم الوردي

نغير موجه اللهجه حسب جنسيه الموجود ...... مابين اشلون وعاوز ايه وشوبدك ومابدي

بعضنا فلوسه اكثيره وبعضنا بين نقص وزود.... وبعضنا مسافر بسلفه وفيزا بس متحدي

يبي اينقط على هذي ويلبس ذيك عقد ورود ...... يظحكها وهي تظحك عشان يقول من قدي

يظن انه ملك دنياه وودع حظه المقرود ......... مايدري انه بوضعه غدى في حال متردي

يفاخر بلخطا الي يصده عن طريق الجود ....... يضيع نفسه بنفسه ويظن انه بعد مقدي

غلط والغلطه بعشره لرجل يعرف المنقود ...... خطا وكبر خطا اني اضيع نفسي بيدي

مادام ان العمر يمشي وتالي ذا الجسم للدود ..... اجل بالله وش حالي اذا حطوني بلحدي



قصيده الشاعر : فيصل اليامي

[الضيغم]

[mark=0000FF]

صح الله لسان اليامــــي وسلمت يمينك على النقل يا نصراوي .....!!






إبداع والله إبداع هالشاعــــر .........!![/mark]

[نصراوي]

هلا وغلا .. عادل


نورت الموضوع ياكل الغلا .. يسعدني تواجدكـ هنا يالغالي ,,

[جوااهر]

صح لسان الشاعر



القصيده رائعه بقووووووة



ولاهنت عالنقل يا نصراوي