سنـه مـن عمري وانـا فـي لعبتك غرقان
أشيل الشـوك من دربك وجرحي كان يدميني
وكنت أبكي إذا تبكي وأكون لبسمتك فرحان
وكنت اقرب من رموشك لعينك يـوم تبغيني
عرفتك للآسف صحـراء وحولتك إلى بستـان
وشلتيني غصن أخضر وفي صخرك زرعتيني
حفرتك داخلي وظني تصوني عشرتـي أزمـان
وكنت أحفر قبر موتيـ على ساحل شرايينـي
على كف الشقا نامت جروحي والألم سهـران
يحطمني .. يبعثرني .. وفي صحراك يرمينـي
ولكن عـزتــي تفـرض أكـون بدنيتـي سلطان
وإن ظنك أجي أركع لرجلـك... مـا عرفتينـي
انا ما عادتي اشحذ من أمثالك رضـا وإحسـان
امـوت بعزتـي ارحم ولا ذلك يغطيـنـي
وما دام الوفـا عنـدك يـدور لـه علـى عنـوان
بدور لي على قلـب يصـون الحـب وسنينـي
ولو قلبـي رجـع حَبـك بولـع فيـه بالنيــران
وبكسـرهـا أنـا رجلـي إذا صوبـك توديـنـي
ولو دار الزمن ضدك وجيتـي تطلبـي الغفـران
وجبتي الشمــس فـي كفـك لعندي..مـا بتلقينـي
تقول الناس في وصفك:جميله مثل عـود البــان
وإنك أجمل وأحلى بشــر مخلـوق مـن طينـي
وإنك غاليـة وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينــي
حــسافه غرهم شكلك ويـا مـا تخـدع الألــوان
عموماً .. بقت كلمة أخيرة لك على قلبي وسمعيني
إذا كنتي بنظر غيري مــلاك على هيئـة إنسـان
قسم بالله ما تسوين شعـره مـن رمـش عينـي
منقوووووووووول
المواضيع المتشابهه
العرض المتطور
