[align=center]
[align=center]
السلام عليكم ورحمة الله وبركاته
هذه ِ الأبيات اُسندت لي من شخص بأسم مستعار أسمه(معدل العوجا )في احد المنتديات , والأسم المستعار الذي لاتُعرف الشخصيه التي من وراءه لايُحرص على تدوين مايأتي به وخصوصاً في مثل هذه ِ الأسنادات الشعريه , ولكن شبه أنني اعجبت بموضوع القصيدة والذي تداخل به (معدل العوجا) بحالة الشعر في الوقت الراهن على حسب مايرى من وجهة نظره , ولذلك تم الرد عليه , بغض النظر عن ماتم التطرق منّه بالتمكن أو غير التمكن بوصف ذالك الحر العماني الموجه بحمل الرساله!!!! [/align][/align]
[align=center]
[/align]
[poem=font="Simplified Arabic,6,black,bold,normal" bkcolor="transparent" bkimage="" border="solid,4,black" type=2 line=0 align=center use=ex num="0,black"]
ياراكب اللي راكبه ما يوديه = الا ان تجود باليدين بسنامه
حرً عري حبل الرسن مايدانيه =ولا ركبوا فوقه شداد و مسامه
من دار قابوس العماني ((مجانيه)) =من طيب ساسه يستحق العمامه
حرً مغابيشه تلاحق مساريه = لامن سرح من نجد يوصل تهامه
ياصلك ياللي للمهمات حاسيه =دايم لميلات الدهر و احتدامه
يا(حَمد) انظر وقتنا و ش حصل فيه= الشعر( ضاعت) هيبته و احترامه
باعت قنوات الفضاء و اشترت فيه = وكل ٍ على حيده يسيل ( ايدامه )
من اول (لمثلك )و شرواك نهديه =نتعب مراسيل نوصل سلامه
و اليوم ماودك وان اخوك نوحيه= صرنا نتمنى( يالدليهي) عدامه
صحيح من لا يعرف الصقر يشويه = و من لايعرف البوم يرفع مقامه
يابن( الدليهي )ودي انك تدوايه =ليتك تجبر مانكسر من عظامه
حيث انت( بيطار ٍ) مفسر معانيه = اللي يحلل ماصعب من كلامه
اما نسنع وقتنا من بلاويه =و لانسوي مثل فعل النعامه[/poem]
[align=center]رابط القصيده[/align]
[align=center]
الرد
[/align]
[poem=font="Simplified Arabic,6,darkblue,bold,normal" bkcolor="transparent" bkimage="" border="solid,4,darkblue" type=2 line=0 align=center use=ex num="0,black"]
ياراكب اللي زين لونه محليه=وكله على بعضه جمال وُفخامه
من طوكيو .. حضرة وزارة معاليّه=جابه وكيله عزه الله وُدامه
جابه وعبّْرّه الخليج وُموانيه=مخصوص (لاهل)الطيب (وهل) الزعامه
اصفار للي للمهمات شاريه=والسمكري مابعد ناشه لحامه
ماداج في جوف الشمال وضواحيه = وماداج من حول القطيف وعتامه
وماداج بااحياء الجبيل وصحاريّة=وجسر الملِك ماشيف وسط ازدحامه
ماهو عمان ٍ مضيّع مفاليه=وان راح في لازم يضده خطامه
لكزس تويوتا (جيب) في (أسم) راعيّه=ماهو على التأجير ... كاش أستلامه
الدرب لامن طال لابد يطويه= اسبق من اللي طار والجو حامه
(نجوى كرم ) .. لامن مشى وانت .. قافيه=واليّا عطاك الوجه (فاتن حمامه)
صنّْعة خبير ٍ مايعرف المشاريّه=وحكم الشريعه جاهل ٍ في نظامه
فرض الصلاة محرم ٍ مايصليه=وشهر رمضان ان جاه مايوم صامه
سلم العرب يسمع بذكره وطاريه=بوذي وفي راسه شموخ وقرامه
ولدولته ينفع .. ويقهر معاديّه=مشهور علم ومااشتهر بالنمامه
ماهو من اللي هم بطنه مشقيه=حقود .. لو ... بالوجه طق ابتسامه
(والجيب)من فوقه شقردي مُوصيه=سمى قبل يمشي ويربط حزامه
ومعدل العوجا .. على طول ناصيه=مندوب وافي لو عنا الدرب ضامه
ومعدل العوجا .. عسى الله يحييّه= يامرحبا .. والضيف حقه كرامه
واسمه قبل رسمه علامه مخفّيّه=مايدري ان هذي عليها علامه
ذلحين مدري !! وشسموه أسميّه=أجهل خوال الشافعي من عمامه
والشعر زخرفته وحافظ مباديّه=وابدع حلاله واتجنب حرامه
والسيل طبعه مايجنّب مجاريّه= والشاعر الحريّف مابه غشامه
واللي ذبح واللي سلخ في قوافيّه=بالحكي والا الفعل غادي مرامه
خله على حبله يشدّْه ويرخيّه=وينطح جهامه من وراها جهامه
خلى الرُعاة شيوخ والفقر حاديه=فقير نفس ومااكتاساه احتشامه
ماعنده الا .. هزة الراس ويديّه=وجمهور مثله ماعليهم ملامه
واللي مشّيد في قناته مبانيّه=مهما بَنى .. لابد يلقى هدامه
شعر الرسايل كاشفين ٍ تواليّه=مهما تقدم من يعلق وسامه
يروح مثل مقيط مانيب حاميّه=نهجي لحالي محتفط بالتزامه
محشوم عن كل ((الوجيه)) المكاريه=والمسك دهن ابدايته لاختامه[/poem]
[align=center]
تنويّه
محشوم عـن كـل الوجيـه المكاريـه
هنا لاأجهل أن توظيف مفردة الوجيه ليس بالأصح وأنما صحيح والمقصود الوجوه بالجمع ووجه بالمفرد
ولكن بما أن الشعر نبطي ومفردة وجيه متعارف عليها باللهجه العاميه تبقى صحيحه وليس الأصح,والأصح وجوه . ووجيه بالشده فوق الياء اي الفعل الصائب ولكن توظيفها هنا عكس الفعل الصائب والقصد بتوظيفها الوجه اي في مقدمة الرأس للأنسان
[/align]
المواضيع المتشابهه
[/align]
العرض المتطور
