[rams]http://www.freewebtown.com/khazbaz/khazbazabalkoailighl2.ra[/rams]
[FRAME="11 70"]الشاعر الكبير ابالقوايل يعاود نشاطه من جديد ولكن بطريقة مختلفة يحدثكم عنها بنفسه في هذه المسرحية
التى صاغها شعرا وعنونها ب0 اسواق العثيم مول[/FRAME]
[POEM="font="Simplified Arabic,5,darkblue,bold,italic" bkcolor="transparent" bkimage="./images/backgrounds/15.gif" border="none,4,gray" type=2 line=0 align=center use=ex num="0,black""]يجهل الجـاهل على جـــــــهل الجهول=ويتحمل من جـهل جـــــــهل الجــهال
لا سقا الله ســاعة بالعثـــــيم مـــــول=رحت اودي حـــــــرمتي عقب الــزوال
واختبرت القــلب فـــي ساعة فضـــول=كنت اظنــــــــه راسين مـــــثل الجبال
مادريت انــــــه على الفلس محــــبول=وقيــده اللي مـــــايرده والعقـــــــال
جيت ســوقن جــــامعن من كل زول=الكــــداري والقـــــــماري والـــــغزال
قمت اطـــــــالع واتمشى في ذهــــول=واتلفـــت من يمـــين ومـن شــــــمال
وارتبشت وطـــــحت في باب الدخـول=طــــحت مابين المحــــاسب والســـلال
والســــبب من داعــــــج العين البتول=فوق رمشه حـــــــاجبه كـــنه اهــــلال
سيف خشـــمه والوجـــن وردن ذبول=ومن ورا الشـــــيله لخـــــديه اشتعال
والثنـــــايا فــــي تبســـمها الخــجول= ســــاطعاتن ســـــــــابحاتن بالــزلال
وعنـقها مـــــفهوق والكتف مهدول=والمشـي مشــــــي الرزينـــات الثقال
والخصــــــــر ملهوف والردف معزول=يابـو نـــايـــف كنها بعــــــــض الدلال
وصـــــدرها مزمـــوم والجيب محلول=وان مشت جــــــــاني من الهز اختلال
والردايف لامشــــت شــــــــــي يهول=من تحت ثوبــــــه غــــدا لهن اجتوال
كن ردفه بالطــــــــــــــلوع وبالنزول=لامشـــــــــت يعطـــي دروسن للضلال
او يحـــرج من يســــــوم وكم نقول=او بــــروقن مرهشــــــاتن في خيال
وشــفت شــين بس مــــــاودي اقول=وشـــــــفت شــــــين غير هذا مايقال
اشـــهد انه ســـــــــــجلت بالقلب قول=وكبرين بالكــــــــبد من تحت الطحال
تلعب الفتبـول وايضــــــا الهارت بول=مايجــاريها النصـــــــــــــر وإلا الهلال
وارسـل الشـــيطان من عنده رسـول=امتخـصص في علــــــــــوم الانـــحلال
قـــال يالله قــــم تحــرك ياكــــسول=ماتــــــلاقي غــــيرها في هالكمــــال
وجيتها خــايف ولا ادري ويش اقول=واســتحت هـــي وابـــعدت بنت الحلال
وجــيت اكلمـــها وإ يــلا تقل إمغيول=وراح صـوتي وصــــار بالعين احولال
واتشـجع قلــت يابــــنت إمعقــــول ؟=كل هذا فــيك من زيـــن وجـــــــمال
قالــــت ابـــعد قلت ماشـــين يحـــول=بيـــــننا واللـي تـــــبين بلا ســــــؤال
قالت اسـمع مــــــــانت جاهل بالاصول=ضف وجـــــهك لافضــحك بين الرجال
قلت يــالله بس هرجـــــــــك لايطـول=وادفـــــع فلــوس المقاضـــي بالريال
بالمـرق وجــــــهي مع الناس مغسول=ماســتحى قالت اجــــــــــل قرب تعال
واخــــطفت قوطـــي من الادراج فول=المــدمس الــعريـــض من الطـــــوال
وصكتن بــه صــــكت القـــرم الكتول=وشــــقت الجــــبهه ودم الراس ســال
ثــــــم قامــت تضــــربن باللي تطول=وافزعــت مــــــــــــعها علي ام العيال
وافزعـــن كل الحــريم بـــــدون قول=يضربنن بالقواطــــــي والحــــــــــلال
وبالمكانس والصـــواني والســـطول=والعجــــــايز يفزعـــــــــن لو بالتفال
اخلطني خــــــلط عجــــــــان إمعمول=واضربني ضــــرب قـــــــــوات احتلال
واطلعوني ســـــحب مانيب إمحمـــول=ســـاعتن بالشمس مانــــــــي بالظلال
الشـــــعر منحــــاس والوجه إمعفول=والثيـــــــاب امقطعاتن والنـــــــــعال
كنـــــــــي اللــــــي آكلن كيلو هلول=ريحتن ماهيب حــــــــــتى بالخـــــيال
وعقب هـــــذا صـــرت اذل من الذلول=تركــبن ام العـــــــــــــــيال بلا إحبال
وكل يومــــن تركبن مــــثل الرحول=مشـــــــــيتي ســــيده ولا فيها ميال
وقالت اركب واعــــتمر بي يالبــطول=واســــأل الله يغفر إذنــــــوبن إثقال
وبالمـطــــاف النــــاس يطافون حول=بيت رب البيت ربـــي ذا الجـــــــــــلال
إلا انا من بـــــدهم تــــــــقل إمهبول=ما أطـــــوف امـــــشي من الذله عدال
ودق قلـــــبي مثل دقــــــــات الطبول=لا حكوا بالســـــوق او جـــــا له مجال[/POEM]
ايه وربي يستاهل 
اتريا حضوركم 
.
.
المواضيع المتشابهه
العرض المتطور
