لوحه غريبه من بلديه الخفجي؟؟؟

[سمح المحيا]

[align=center]


بلديه الخفجي وما ادراك ما هي بلديه الخفجي

الكلام يطول معها صراحه

بدايه من شوارع اقل ما يقال عنها تعبانه

يعني يبيلك تربيط وتشحيم وتبديل ركب واذرعه كل شهر

والسبه هالشوارع

والحين البلديه طالعه بشغله جديده وغريبه

والمشكله الاكبر انها خصت هالشئ بمحل واحد ولم تعممه على كل المحلات

اتمنه اذا كان احد من الاخوان من الاعضاء شغال بالبلديه يفسر لي هالشئ

لانه ما يخش المخ


اخليكم مع اللوحه وعطوني رايك بالله











مطعم مواقف والكل يعرفه بالخفجي ومن سكنت بالخفجي وانا اعرف هالمطعم

ليش هالمطعم فقط يمنع العامل من الذهاب للسيارات

والكل يعرف ان الزبون اول ما يوقف عند مطعم يدق بوري واذا ما جاء يروح مطعم ثاني


ليش قطع الارزاق يا بلديه الخفجي



وتحياتي لكم


سمح المحيا[/align]

[طليفيح]

[align=center]والله شي غريب صراحه

يعني حتى المطعم مافيه الا طاولتين داخل

وسمه مطعم مواقف

ومطعم ماشاءلله مزحوم دايم

ودنا نعرف السبب

يايحطون بكل المطاعم مثل اللوحه ولا مايصير على مطعم والباقي لا

تسلم ياسمح على الخبر الطازج[/align]

[ديما]

[align=center]

فعلاً لوحه غريبه

اتوقع انها حركه من واحد حاقد على صاحب المطعم ويبي يطفش رواد المطعم

وإذا كانت فعلاُ من البلدية فـ هذي مصيبة


شكراً لك سمح المحيا على الموضوع [/align]

[مبروك زايد]

هههههههههههههههههههههههههههههههه

والله مشكله الخفجي

الظاهر أن بنقلادش تبي تجاكر دبي وحنا زي ماحنا

[سهم المنايا]

اللوحة صحيحة 100% وهذا هو النظام الصحيح ....

أي عامل بمطعم والا غيرة حتى البقالات ممنوعين من الشي هذا ...

لا كن مايطبقونه .... بالدمام انا شفت اللوحة هذي والرياض وحايل ... وعليها عقوبات

[عشق الشمال]

كل هذا كسل ؟؟


ما تبون تنزلوون للمطعم !!


الله يرضى على الشعب السوداااني عندكم

[غيلان]

[overline]احسن ما سوو والفكرة مطبقة في بعض المدن 0[/overline]

[عايش وحيد]

ههههههههههههههههههههههههههههههه


والله شي عجيب


لكن انصح الازوال مثلي بخدمة توصيل الطلبات


بدال ماتوقف عند المحل اتصل عليه من البيت يجيك


هههههههههههههههههههههههههههههههه

[أحمد عجب]

صراحة شي غريب من البلدية

المفروض تلغي هذا القراار أو أنها تحطه على جميع المطاعم

مع أنه الناس لو يشوفون اللوحة يستغربون مو لازم يحطون القرااار

[سائـر للمعـالي]

السلام عليكم ورحمه الله وبركاته

اخي سمح المحيا اشكر لك هذا الطرح واريد ان اعقب بشكل موضوعي ,,

بالنسبه لخروج عامل المطعم من المحل ليستقبل الطلبات هذا ممنوع ويوجد تعميم من وزاره الشؤون البلديه والقرويه ومطبق هذا النظام

في جميع مدن المملكه ولكن لدي عتب بسيط للبلديه .....

هل قام مشرف قسم صحة البيئه في البلديه في جولات ميدانيه علي المطاعم لكي يرى مابداخلها من التجاوزات

وذلك تأسياً مع ماقامت به باقي بلديات مدن المملكه اذا كان هذا النظام شامل علي المملكه ؟؟ لماذا لاتقوم بلديه الخفجي بهذا الدور؟؟

لماذا لاتطبق بلديه الخفجي أنظمه مكتب العمل علي قطاع الخدمات(الاسواق) ؟؟

تروح للحلاق تلقى اقامته مكتوب عليها : المهنه : كهربائي؟؟؟؟؟!!!!!!!

تروح لمحل خضرة تلقى العامل البائع مهنته : دهان !!!!!!!!!!!!

والمشكله يصدروا لهم رخص بلديه وهم في غايه السعاده !!! ياللعجب .. ا لانظمه الحكوميه تطبق في جميع مدن المملكه ... والخفجي لا؟؟؟؟

لايكون الخفجي تتبع كازاخستان << وحنا ماندري !!!!!


ولك مني اجمل تحية وعذرا علي الاطاله