ارجو اهل الخير با الخفجي وخاصه مكتبه الجاليات الاسلاميه با الخفجي ؟

[بنت الشيخ]

السلام عليكم ورحمه الله وبركاته


الي اخوتي في الله ......

تحيه عطره
عندي مشكله كبيره وهي ان وجود بعض الاجنبيات من الخادمات وبعض العاملات في مجالات شتي في الخفجي يردون التعرف علي الاسلام ولما سالت هل يوجد مكان مخصص للنساء من الجنسيات الاخري للتعرف علي الاسلام فاجابوني انه مافيه روحي للمكتب اخذي كتب وبس المشكله اخوواني ان بعض ها الاجنبات جايات من القصيم والرياض وووووالدمام والخ وموجود مكتب مخصص للدعاه فسالتني وحده من العاملات با المشغل تبي مكان با الخفجي يهتم بها المواضيع واهي عندها رغبه وحابه ومعرف ايش مافيه اخواني وش اسوي الي قدرت اني اجيب بعض الكتب الموجوده با المكتب وعلي فكره يعني بصراحه حتا انقلش ما اعرف ولا عندي خليفه ولا اني موهله ولا اعرف اساسن شي
فتمنا من محبي الخير ومن اصحاب الايادي البيضاء التدخل والله شي حلو ان شخص يقدر يساعدهم انا والله ما اقدر واتمنا اذا شخص يقدر ارجو من الجميع بصراحه التسابق للخير واتمنا يجبون ناس موهلين لللدعوه الصحيحه للاسلام وبليز نبي ناس صدق فاهمه للدين مو مايدرون وين الله قاطهم ومؤهلين الله يرضا عليكم اتمنا من الجميع انهم يبادون بها الموضوع والله يجعله بمزان حسناتكم

[أبو رائد]

يا هلا فيك يا بنت الشيخ

هناك مكتب جاليات نسائي

وهو بآخر شارع سوق الذهب

ولا أعلم هل مازال موجود أم لا ...؟؟


وإن شاء الله الأخوان يفيدك بالردود ..


ولك التحية ،،

[بــ الخفجي ـنت]

ربي يجزاكـ خ ـير يالغ ـلا ع اهتمـامك

بس انا اللي ع ـرفته مكتب الجاليـات الخاص بالقسـم النسـائي تقفل

بس نسـأل لك ونشووف

تقبلي مرووري

بـ الخفجي ـنت

[أبو رائد]

بعد سؤال مدير مكتب الجاليات

كان هذا رده برسالة جوال

اقتباس سلام عليكم دعوة غير المسلمين تكون بعدة طرق منها الكتاب إذا كان يستطيع القراءة والشريط والقرص المرن السي دي للذين لايعرفون القراءة والمناقشة مع الدعاة إذا كانوا رجال في المكتب أو مقراتهم وإذا كانت امرأة فعبر الهاتف مع الدعاة وإذا كانت تتحدث انجليزي يوجد بعض الأخوات ولكن في نطاق ضيق .

[الداعي للخير]

بنت الشيخ
أكبر فيك هذا الهم و الهمة الكبير على دين الله
نعم هاكذا نكون و إلآ فلا نحمل هم الدين وهم نشره
ما يحزنا و جود الكفار بيننا و في بيوتنا بحجت أنهم أفضل من المسلمات و ليس هذا مبرر لنا في مخالفة شرع الله
لكن ما يجب علينا الأن و مع وجودهم دعوتهم وحمل هم إسلامهم
( و اتقوا الله ما استطعتم )
الدعوة على حسب الأستطاعة
اللي ما يعرف للغة الكافر يعطيه كتاب أو شريط
حسب معرفتي بمكتب الجاليات أن القسم النسائي شغال على برنامج وليس مقفل و أنه لا يوجد به داعيات مثل الدمام و الأحساء
لقلة الموار المالية
و كذلك أعرف أن الجاليات يدعون النساء عن طريق الهاتف إما على
هاتف المكتب 7661969
أو جوال المكتب 0555942003

[بنت الشيخ]

اخوي ابو رائد مافيه مكتب الله يرضا عليك علي قولت المصاريا كوشك مكتب تقول صندوووق مرات المطاوعه الله يجزاهم خير يجلسون فيه ايام قبل الاعياد ورمضان عشان الشباب الي مهم صاحين ويغازلون بس مافيه ممكتب للحريم انا ما اطلب مكان مجهز بحريم داعئات انا اقول تسوون مثل الشبكه زي الجامعات الرجال يحدث والحرم بغرفه ينقل لهم هن يبن كذا يقولون مثل الرياض القصيم انا والله اول مره ادري اصلن يعني معقوله محد مهتم بها المساكين طيب ولله انها فرصه لو احد يبادر بها الموضوع وبعدين والله الاسلام بصروره صحيحه لو يقدم لللاجانب يمكن الله يهديهم انا والله مدري مدري كيف اذا مكان مافيه والتلفون تعرف اجانب جوال مو ثابت يعني وانا والله كان فيه ورقه فيها دعاه للاسلام لمكتب للدعوه والارشاد با الدمام منزلين كم داعي فيهم ارقام عطيتها اياها بس هذولي مايقدرون يدقون فلوووس الاتصالت ماشا الله وسواء وموبالي مو مقصيرين سحب سحب بها الارصده وحنا نبي مبادره لو غرفه اذا فيه ماشا الله مكتب با الخفجي للدعاه خلو بس غرفه فيها تلفزيون زي الجامعات لو ساعه تكلمو عن الاسلام وناقشو والله الحلول الي قدمتوها ماتفيد والشكوي للله ماقدرت الا بكتب من مكتبكم بس محس تفيد والله لازم فيه مخاطبه اجوبه عشان الناس تستفيد واهل الخير والله موجودين بس ساعدو ا الله يرضا عليكم انا والله اخاف من الذنب ان شخص طلنبي يبي يتعرف علي الاسلام والله فشله انا مسلمه والحمدلله كلنا مسلمين بس شلون وش نسوي اذا مافيه اماكن مانعرف لغتهم فلبينيه مدري اندونسيه وبعدين خلو اللغه علي جنب انا اصلن مدري وش اقولها ما اعرف شي اقوله وش اقول لها عن الاسلام شلونا قولها صلي وصومي وحجي وتشهدي وزكي وش هذا والله تهج هذا الي اعرفه انا معلوماتي علي قدي وهذا الي حنا نسويه ماعندي حوار وش اسوي ماعندي ثقافه ماعرف علموني وش اقول اذذا تعرفون من وين نبداء وبعدين انا اعترف ما اعرف وش اقولها كلمو المكتب كلمو احد يتكفل فيهم طيب حطو اعلان با الجريد اذا احد يقدر يحط اعلان يمكن احد يهتم بموضوعهم انا والله غير كتب المكتب والله مقدر اسوي شي او اعلمهم شي ماااااااااااااااااعرف قولو للمكتب لو يوم او يومين با الاسبوع خلوه للحريم ترا كثار فيه با المستشفا العام وفيه با المشاغل وفيه با مستشفي الشركه يعني لو مكان صغير ولو يوم يعرفون شي بسيط يحببهم با الدين تراهم بينا وعايشين معنا خدامات وجيران وبا المستشفيات بكل مكان اخاف نسال عنهم ليه ماعلمناهم والله يمكن الله يهديهم ماتدرون بعدين والله فشلتني جتني تطلبني يعني هي المهتمه مو انا والله فشلتني هم المهتمين وحنا ولاهمنا تعالو اشتغلوا كرفو طسووو ويلاه تراكم خدامين اجانب منتم مسلمين ونسينا انهم بيننا ونسينا اننا ماقدرنا نقولهم لو مره حنا مسلمين ولافكرنا نعلمه شي عن الاسلام اصلن ماهتمينا اصلن همشنا وجودهم بس نطالع لهم انهم عمال عندنا وبس وهم يجون يعرفون ااننا مسلمين وعاشو بيننا وماكنا المسلمين الي يرفعون الراس مختلفنا عن الاجانب بشي الا مارحم ربي مالقو شي شافو فيه اننا مسلمين لاصلاه زي الناس ولا احترام زي الناس ولا شي كنا صوره مشوهه للاسلام فشلنا حتا بتعاملنا اذا كان الرسول صلي الله عليه وسلم (يقول الدين المعامله ) ما اجدناها سبحان الله نسينا امرهم ونسينا اصلن انهم بيننا ونسينا دنننيا وجاب لنا ربي وحده منهم كاثولوكيه تقول ابي شي عن الاسلام انا لما كنت با القصييم كانا نحضر محاضرات با الكتب يعلموننا عن الاسلام ا تقول هنا فيه ولا مافيه وهي عندها رغبه با اللاسلام بس تبي تعرف اكثر عشان تكون مقتنعه وشكله صرفت عن الموضوع بس الذنب علينا مو عليها يمكن المسيحيين احسن منا والله عيب تقلون فيه كان فيه وتقفل قلت الاموال عيب والله اقسم بالله عيب والله اني اكتب بحزن اقسم بالله عيب ما فيه فلوس تفتحون مكتب للدعوه اجل فيه فلوس بس لمهرجان كلنا للخفجي تعرفون تسوون مهرجانات بملاااااين الملاااايننن وتخيطون ثياب وتطبخون كبسه بكم ملون بس مافيه غرفه فيها شاشه مانبي حريم يدعن مانبي فلوس نبي غرفه فيها شاشه ومره با الاسبوع اصلن هن عاملات يعني مهن فاضيات كل يوم يجن للمكتب اقسم بالله عيب وين مهرجان كلنا للخفجي سوو شي يفيد الخفجي وين اهل الخير وين امه الاسلام (كنتم خير امه اخرجت للناس تامرون با المعروف وتنهون عن المنكر ) وينكم اليوم بكره بعده فيه حساب كلنا محاسبون بس ها اليوم عند العضيم الله العادل وحده والله عيب علينا تقول عاجزين نقول مانعرف ماعندنا مافيه فلوس مافيه داعيات مافيه امكانيات استحو

[الأسطورة 001]

لا يوجد عذر

اللهم ولي على المسلمين خيارهم وطريق الدعوة ليس مفروش بالورود

فمكتب الجاليات بالخفجي من المكاتب الخيرة والجيدة على حسب علمي ومشاهدتي لهم أمثال مشعل العنزي وفلاح المري وعبدالله باسرور

وفواز الراوي وان انشاء الله بيفيدونك

مشكورة أختي على هذا الاهتمام

والسلام عليكم ورحمة الله وبركاته

[بنت الشيخ]

وعليكم السلام ورحمه الله وبركاته
تسلم علي المرور
والله يجزاء كل من حمل محبه لله ولدينا كل خير وانا عن نفسي مالي غير الدعاء الله يرزق كل قلب محب وصادق الاسلام
كل من اراده الله يوصله له مافيه احد اصلن مهتم الله بس يرحمنا ويرحمهم
والله يسامحنا في كل شي مقصرين

[سمح المحيا]

الله يجزاك بالخير يا بنت الشيوخ

وجعله في موازين اعمالك

[بنت الشيخ]

الله يسلمك اخوي ويسعدني مرورك
كنت حابه احد بس يجاوبني لكن عرفت ان اصلن مو بقاموسهم يلاه الله يسامحنا بس