ويلي .. على أدري .. حبنا .. ويش تاليه ..؟؟ .. لـ محمد بن فطيس ..!!

[نواف الفهاد]

[align=center]:
:

صبــاح .. مساء .....!!
الورد ...!!



:
:

من دووون مقدمات ..


للمحيط الهادئ / محمد بن فطيس ..





,
,
,


ماهـو بكفـو الوقـت حـبـك يمحـيّـه
ياللـي تخـاف صـروف الايـام تمحـاه

ارتـاح ..مــادام المـواصـل يقـوّيـه
انـت انت..وانـا انا..وقلبـي هـو ايـاه

حتـى ولـو بتغيـب ذكــراك تكفـيـه
ياواحـدٍ تكفـي عـن الـنـاس ذكــراه

حبـك علـى رملـة خفوقـي مواطـيـه
ورياح عذلنـي عنـك مـا تمسـح خطـاه

واللـي يعـذل القلـب عـن درب غاليـه
الله بـمـا يـبـلا الموالـيـف يـبــلاه

اخفـيـه يابالفـيـت والـحـال يبـديـه
ادنـاة واحـد ينـظـر الـحـال يـقـراه

مخفيـه فيه..ومعتـنـي ٍ به..وحامـيـه
مـن كـل عيـن ٍ ودهـا تنـزل حـمـاه

قلـب ٍ يحبـك والهـوى الـذرب ماليـه
كانـك مكذبـنـي ؟؟ بعيـنـك تـحـلاه

شـرط ٍ تشوفـك فيـه منـت بحوالـيـه
ويمكـن تشـوف ديـار واماكـن ارعـاه

وبتشـوف بـه تمثـال والوقـت هاريـه
وبتشـوف زرع ٍ ميـت وواقـفٍ مــاه

وبتشـوف جـرح ٍ فيـه سكيـن راعيـه
راح ونسـى السكيـن والجـرح ينـخـاه

وبتشوف حصـن ٍ عـج الاقـدار سافيـه
وبتشـوف باقـي بيـت راعيـه خــلاه

لا تنـزعـج هــذا خفوقي..وبـاقـيـه
ولا تضايـق مــن تِـصِـدِّع زوايــاه

قـد زلزلـه فرقـا وهــزت عـراويـه
والله ستـر والـحـظ عـانـه وعـافـاه

وكانه صلح لـك واعجبـك زيـد تِبَنيـه؟
ابـنـه وجـهـز للمقـابـيـل مـبـنـاه

ابغيـك بـس مـن المـفـارق تـداريـه
(وازهل من يـداري شعـورك ويـدراه)

و(حلـل وحـرم) فيـه ياابـرك بلاويـه
وحلّه وراع رضاي..ورضاك.. ورضـاه

جعلك بعد بعض الوجيه..امحـق وجيـه!
نــاس ٍ مراتعـهـا الرفـيـق بتقـفـاه

انواع..واخطـر نـوع مـانـي بناسـيـه
نـوع ٍ علـى تفريـق الاثنيـن مسـعـاه

تلـقـاه دوم..وكــل يــوم ٍ تلاقـيـه
والـى بغيتـه صـدق مـا عـاد تلـقـاه

ولا انت ردك كـل مـا ادعيك..((لبيـه))
انشهـد ان منتـوا بفـي عينـي اشـبـاه

منـت بمـع العالـم ولا تقـول لي..ليـه
انـت ادرى منـي وش جوابـي وفحـواه

كذيـه..ومـن الله يـازيــن والـيــه
واغـلا طـروش القلـب ودواه مـن داه

الحـلـم ياتيـنـي بزولـك..واراعـيـه
وفـي كـل حلـم اقـوم قبـل (اتحفـاه) ,

اعشـق سميـك فـي البزاريـن وادعيـه
واقبـل خطـاه إلـى اخـطـا واتلـقـاه

واسمـك يروعنـي إلـى مـر طـاريـه
واحـب ملقـوف ٍ يسـولـف وطــراه

وامـر بيتـك مـن بعيـد ٍ..ولا اجـيـه
وانـا لونـه فـي يـدي (مـا اتـعـداه)

حتـى (توايـر موتـري) تلتفـت فـيـه
تبغـي تلـف ويستحـي العقـل والجـاه

وصلـك يخيـط الصدر..والبعـد يفريـه
(ويابـري حالـي كـان صديـت بريـاه)

ويلي على ادري حبنا ((ويـش تاليـه؟؟))
وويلي على ادري وش ورى الغيب ويلاه؟؟

عشـان اشـوف اذا محبتك..((ترفـيـه))
والله لا اقـفـي عنّك..((استغـفـر الله)) .................!!


:
:

لكم كل ودي .............!!
سلالالالام ...!![/align]

[مبروك زايد]

الله يازين نقلك ويازين كلامك ويازين قلبك ويازينك

قصيده رائعه من الشاعر الرائع محمد بن فطيس

ولكن مازاد القصيده روعه اللي نقلها

كل الود للك يالغالي

والسلام

[طليفيح]

نواف تسلم يمينك

على القصيدة الرائعه

وصح الله لسان محمد بن فطيس

[حنين]

قصيده رااائعه لابن فطيس


سلمت يانواف على هالنقل

[mύβαřαķ αlsαhli]

قصيدهـ رائـ ع ـه لابن فطيس سلمت ع الطرح الجميل وصح لسانك

[moveo=down]وتقبل مروري[/moveo]

[~أصداف~]

.
.

اقتباس حبـك علـى رملـة خفوقـي مواطـيـه ورياح عذلنـي عنـك مـا تمسـح خطـاه واللـي يعـذل القلـب عـن درب غاليـه الله بـمـا يـبـلا الموالـيـف يـبــلاه

صحّ لسان ابن فطيس ..
وسلم أحساسك على هذا الأنتقاء ..

لك أحترآمي ..

.
.

[شاقني]

,,

اقتباس قلـب ٍ يحبـك والهـوى الـذرب ماليـه كانـك مكذبـنـي ؟؟ بعيـنـك تـحـلاه

الله عليك يا ابن فطيس شاعر كبيررر
ولايستغرب منه هذه القصائد الراائعه

صح لسانه ,, وسلمت أخوي نواف
على النقل الأكثر من رائع ,,

[حلم]

؛
؛

الرائعون /
لا يكتفون بنثر الجمال ..
بل ينقلونه هنا و هناك ..
ليستمتع به الجميع ..


نواف الفهاد


انتقاء يرضي عطش ذائقتنا
و طرح في غاية التميز

ودي
؛
؛
..

[أبو رائد]

مبدع بحضورك .. ومبدع باختيارك


الله يعطيك العافية يا نواف الفهاد

وصح لسانك الشاعر الكبير .. محمد بن فطيس

[أبو الوليد]

[align=center].







قصيدة رائعة




وصح لسان قائلها ..




سلمت على الانتقاء الجميل .. .. ولا هنت على النقل المميز




الله يعطيك العافية .. .. ولا يحرمنا من كل جديدك القيم











::




وفقك الباري





.. .. ومضـــــــــــــــــــــة .. ..

إذا كان الأمس ضاع فبين يديك اليوم ...!
وإذا كان اليوم سوف يجمع أوراقه ويرحل فلديك الغد لا تحزن على الأمس فهو لن يعود ..!
ولا تأسف على اليوم فهو راحل ..!
واحلم بشمس مضيئة في غد جميل ..*

[/align]