رشيق الحرف والمعنى العميق ( جديد مطلق النومسي )

[أبو رائد]

السلام عليكم ورحمة الله وبركاته


الأخوة الكرام ..


قصيدة جديدة للشاعر مطلق النومسي

يسرني أن أنقلها لكم ..

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
(رشيق الحرف والمعنـى العميـق وروعـة التصويـر=ربيـع الشعـر وشهـور الربيـع وريحـة ازهــاره)
ونفحات الهوى البارد .. ليـا مـال الظـلال .. عصيـر=وبشّـة وجـه سطـح الأرض ..بالـبـراق وأمـطـاره
ورقّة جدول المـا .. والغصـون المورقـة .. والطيـر=ودمع العـود .. مـن ضحـك الأصابـع داخـل أوتـاره
وستر الليل.. وأنفـاس الصبـاح .. وصفـوة التفكيـر=وصدق الماضـي بـعيـن الزمـان .. وكـذب تذكـاره
ومطلق .. والشمال .. ونجد .. وطويق .. وإجا .. والنير=وبحـر الشـرق .. وبـلاد الحجـاز وهيـبـة ديــاره
جميع اللى ذكرتـه .. فيـك شفتـه .. والهـوى بكيّـر=يـادوب إنـا قرينـا الفاتحـه .. مـع بـدء مشـواره
تقول شلون صار ؟ أو مايصير ؟ .. أرجع وأقول يصيـر=لأنـك غيـر يـا نفـع الخفـوق .. ودفعـة أضـراره
تقول شلون غيـر؟ أقـول مـدري ؟؟ بـس والله غيـر=عموما .. أنت فوق الشعـر .. والشاعـر .. وأشعـاره
يجوز .. تقول تو النـاس .. والتعجيـل مـا بـه خيـر=أقول إخترت .. والمختار يكفـل حـال .. مـا أختـاره
غلط ؟؟ لو قلت فسّـر .. والزمـن كلـه يبـي تفسيـر=بعد مـا حـرّم الجيـرة.. وصـدّ الجـار عـن جـاره
وأنا ماني بـزير .. ولـو ساسـي .. ينتسـب للزيـر=تمّر أفواج .. تمسي بي .. غلا .. وأصبح لها .. كـاره
مضحّي .. للخيـال اللـى وجـوده .. مالـه أي تبريـر=ولكـن كـان موجـود .. ووجـوده يصعـب إنـكـاره
ما غير الياس .. يتسلـى بصـوت النـاي.. والتزميـر=يغنّي لـي جفـا سـاره .. وأغنـي لـه وصـل سـاره
على هالحال .. بين أرض الثبـات .. وكوكـب التغييـر=تشـع الأرض نـور .. ويدمـع الكوكـب مـن غبـاره
غريب أمري ؟؟ أنا وياك .. كنّـه طيـش عقـل صغيـر=ولكـن لـو تميّـز مـا حـدث .. مـيّـزت مـقـداره
أحبك .. إيه ..أحبك .. قبـل لا أحمـل زلّـة التاخييـر=وتجمعنـي مخاليـب الـنـدم .. صـيـده لـمنـقـاره
فديت .. الهمسة اللى خدّرت .. ليـل الغـلا .. تخديـر=وفديت .. الليل .. لاوصّلـت لـي .. يمنـاه بـيسـاره
وفديتك .. كل مـا مـارس دلعـك ..بـقلبـي التعزيـر=وفديـت الضحـك .. لاعانـق شفـاك .. وزوّد عيـاره
ترى مانـي .. بـمستعجـل .. ولكـن خانـك التعبيـر=وعذرك معـك .. مرهبـك الزمـان .. وسـرع تيّـاره
ولا تستكثـر اللـى قلـت .. لـو كـان الهـوى بكّيـر=لأنك غيـر .. يـا نفـع الخفـوق .. ودفعـة أضـراره [/poem]

[أبو الوليد]

[align=center].







أبو رائد




تسلم والله يعطيك العافية على النقل الرائع




وصح لساان الشاعر المبدع مطلق



لا حرمنا من جديد مواضيعك ولا عدمنا تواجدك



اللهم علمنا ما ينفعنا ، وانفعنا بما علمتنا ، وزدنا علما .


::




وفقك الباري





.. .. ومضـــــــــــــــــــــة .. ..

إذا كان الأمس ضاع فبين يديك اليوم ...!
وإذا كان اليوم سوف يجمع أوراقه ويرحل فلديك الغد لا تحزن على الأمس فهو لن يعود ..!
ولا تأسف على اليوم فهو راحل ..!
واحلم بشمس مضيئة في غد جميل ..*

[/align]

[mύβαřαķ αlsαhli]

صح لسانك يابو رائد



ومشكوور ع النقل الحلو يامديرنا الحلوو

[حلم]

؛
؛

وعليكم السلام ورحمة الله وبركاته


أبو رآائد


أنتقاء عذب .. لأحرف المبدع مطلق النومسي ..

أستمتعت كثيراً .. بـ عبث الأحساس هنا ..


لك كل الشكر


حلم

؛
؛

[فتى التحفيظ]

مشكور .,.,

الله يجزاك خير على هالنقل ؟.,.

[الساجدة لله]

وعليكم السلام ورحمة الله وبركاته

الشاعر مطلق النومسي فخر لقبيلته فقد اعطى قصائد جزلة المعنى ميزته كشاعر مبدع

جزاك ربي الجنة استاذنا ومدير منتدانا أبو رائد على نقل القصيدة الرائعة

[أبو رائد]

الله يعطيكم العافية

على مررووركم ..

[مبروك زايد]

قصيده رائعه بارك الله فيك يا أبو رائد

نقل جميل ومميز

[سعود العنزي]

الله الله راااااااااااائعة يبو رايد

[~أصداف~]

.
.

وعليكم السلآم ورحمة الله وبركاته ..

اقتباس أحبك .. إيه ..أحبك .. قبـل لا أحمـل زلّـة التاخييـر وتجمعنـي مخالـيـب الـنـدم .. صـيـده لمنـقـاره فديت .. الهمسة اللى خدّرت .. ليـل الغـلا .. تخديـر وفديت .. الليـل .. لاوصّلـت لـي .. يمنـاه بيسـاره

أنتقاااااء مميز ..
رآقني ما أخترت جداً ..


لك أحترآمي ..

.
.