تدري وش آكبر صدمه / تمر الانسآن ..

[عبدالعزيزالوادي]

بسم الله الرحمن الرحيم

:

السلام عليكم ورحمة الله وبركاته

:

لكم ولقلوبكم .. !!

حروف علها ترقا لذائقتكم .. !!

:

الوصل نعمه / والجفآ خيبة آزمآن ..
........................ وغدر الليالي لأسود الظلم / سآحب ..

وآنا انكويت وطحت / بـ(الهم) حيرآن ..
........................ بالجوف نآر / وظآهر الـوجه / شآحب ..

يا جآرحي وش عآد / وان قلت ندمآن ..
........................ لا باكيٍ قبري / ولا صحت / نآحب ..

تدري وش آكبر صدمه / تمر الانسآن ..
........................ صدمة حبيب / وطعنة ايدين / صآحب ..

:

الا الظلم ..

الا الظلم ..

:

:

الله ولا اللي يظلموني .. وانـا أشـوف
............. ناس(ن) بلاني بالي(ن) .. من بلاهـم

لا ما اشتكيت .. ولا بعد صابني خوف
............. دام العهـد يمنـع .. وطبعـي حماهـم

ماني بظلام(ن) .. ولا اجرح لهم جوف
............. لا وان حكوا فيني .. أنا احمـي قفاهـم

ماني بشذاب(ن) .. يحوف العرب حوف
............. يفرح اذا ضاقوا .. ويكشـف خفاهـم

انا ولد منهو على .. العـز بـه نـوف
............. يستـر ويرفـا نجـم .. لاح بسماهـم

أقولها وفي داخلـي .. سـر معسـوف
............. مثل الذي جاني .. ما أبي يقال جاهـم

النيه البيضا .. بهـا الصـدر ملفـوف
............. تسوقنـي واطيعهـا .. وآرد مـاهـم

معروفهـم مـا أرده .. الا بمعـروف
............. وافي معاهم .. والخطـا مـن رداهـم

أدري جهلوا .. لكنها ظروف و ظروف
............. صدري لها اوسع .. وان تزايد خطاهم

لو تجتمع هالخلق .. بأشكال وصنـوف
............. أعرف مطلاعي .. والاعـب هواهـم

ذيب(ن) سرى ولصيدته .. حيل ملهوف
............. كشر بنابـه غـار .. جـاب وكواهـم

فارس وسيفي ينطح .. رماح وسيـوف
............. أصطي عليهم لين .. ما أذبح صطاهـم

هذا اذا زاد الخطـا .. ذنـب مـردوف
............. وأغواهـم الشيطـان .. زاد بعمـاهـم

للهرج زبده .. والمنيـه لهـا حتـوف
............. يكرم جنابـي .. عـن مذلـة وطاهـم

ما جا خطا مني .. ولانـي بمكلـوف
............. اني اسوق العذر .. وارجـي رضاهـم

الله ولا اللي .. يظلموني وانـا اشـوف
............. ناس(ن) بلاني بالي(ن) .. من بلاهـم

:
:

:

محبكم

:

عبدالعزيز الوادي

[عزيزة نفس]

صح لسانك




وتسلم يمينك




عالقصيد الرائع

[أبو الوليد]

[align=center].






.وعليكم السلآم ورحمة الله وبركاته




تسلم يا ../ عبدالعزيز ...!!




















::


وفقك الباري



.. .. ومضـــــــــــــــــــــة .. ..

سُئل الإمام أحمد :

متى يجد العبد طعم الراحة ...!؟

فقال : عند أول قدم يضعها في الجنة ..!!

[/align]

[سند مطر]

تسلم ياعبدالعزيز


صح لسانك

ولاهنت


,,,,,,,

[حنين]

قصيده راائعه ياعبدالعزيز



سلمت اناملك على ماخطت

وصح لساانك

[ماجد العلوان]

عبدآلعزيز..~!!

حرف صآدق وكيبورد لآ يكـتب آلآ
مآهـوٍ جميـل نص سبق وآن عآنقته هنآك..~!!


جميل آنت يآ ( عبدآلعزيز )..!

صح كلك عزيزي
دمت بـ ود