نداء الى مسؤلين الخفجي وكبارها

[دروبي]

انا عرفت ان جميع مستشفيات المملكه الحكوميه نظاميا قسم الرجال لحال وقسم النساء لحال
ارجوا من مسؤلي الخفجي وكبارها النظر الى هذا الموضوع .

[بــ الخفجي ـنت]

هلا أخوي سؤالك مو واضح ..؟

أرجوا التوضيح أخوي ..


وطرح السؤال اللي تستوجب النقاش ..؟

أو سيتم نقل المووضع

تحياتي

بـ الخفجي ــنت

[كاريزما]

[quote=دروبي;1248922]انا عرفت ان جميع مستشفيات المملكه الحكوميه نظاميا قسم الرجال لحال وقسم الرجال لحال
ارجوا من مسؤلي الخفجي وكبارها النظر الى هذا الموضوع .

[center]قصدك قسم الرجال لحال والنساء لحال

طيب بأعتقادك وش الفرق اذا أصبحوا الاقسام مندمجه أو وش الفائده من عزل الاقسام....

لي عوده بعد الاجابه على السؤال....

على فكره بالنسبه بأن جميع مستشفيات الحكومه متخصصة الاقسام على حسب الجنس هذه المعلومه مغلوطه
البعض او بالأحرى القليل من مستشفيات الحكومه غير مندمجة الاقسام

وبعدين شكلك ماتحب الاطاله في الموضوع اتمنى كتابة وجهة نظرك كامله مع الاسباب...

أجمل ورده لألك[/center

[مطلق الشمري]

دروبي

اقتباس انا عرفت ان جميع مستشفيات المملكه الحكوميه نظاميا قسم الرجال لحال وقسم النساء لحال ارجوا من مسؤلي الخفجي وكبارها النظر الى هذا الموضوع .

بما انك تتكلم بالنظام
فا اتمنى انك تعرف انه هالمستشفى تم تشيدة وبنائة حسب نظام وتصميم واشراف مستشفيات المملكة الحكومية النظامية
يعني الوزارة هي اختارت التصميم
ونفس التصميم تم تشيدة في اغلب مدن المملكة
غرفة ملاحظة رجال وغرفة ملاحظة نساء وغرفة للنساء والولادة وغرفة للانعاش القلبي الرئوي
وغرف النساء معزولةويتم الكشف على المريضات بخصوصية تامة
والحمدلله ماقد سمعنا عن اي حاله كشف عورة او مضايقة لمريضة داخل ملاحظة النساء
ولو اخذنا اقرب مثال كـ مستشفى علميات الخفجي المشتركة
صاله كبيرة وليست غرفة ملاحظة لها باب واحد
وتستقبل جميع المرضى الرجال والنساء وما يفصل بينهم الا ستارة قماش
والحمدلله نفس الوضع اللي بمستشفى الحكومة
ماسمعنا باي حاله مضايقة او كشف عورة لمريض او مريضة
وان شاءالله راح يتم الانتهاء من التوسعه والمبنى الجديد قريباً
حسب علمي ان الاجهزة والادوات انطلبت من حوالي اسبوعين
وراح ترضي جميع المراجعين باذن الله

تحياتي

[عبدالعزيز الاحمد]

شكراً لك اخوي الغالي ..!!

وعندنا بالمستشفى فيه عيادات نسائيه وفيه عيادات رجاليه

وإذا كنت تقصد الوقوف أمام شباك حجز المواعيد ..!!

فهنا يأتي دور رجال الأمن بالمستشفى ...!!

فالكل منا يعلم أن المستشفى به رجال آمن سواء كانوا رجال أو نساء .!!!

شكراً مره اخرى لك ولاهنت ..!!

[دروبي]

اخواني اعتقد كلامي واضح .. اقصد الاختلاط ... فيكم احد يرضى ان زوجته او اخته يكشف عليها دكتور ؟؟ ليه ماهو دكتوره الله تكشف عليها ؟؟ وكل شخص فيه غيره ع بنات المسلمين ما راح يعجبه هالوضع ...
وش اللي يمنع ان قسم الرجال لحال وقسم النساء لحال ؟؟ واللي يقول ان معلومة انه نظاميا كذا ما يجوز يسأل زين وتحياتي لكم .

[ابن عماش]

اقتباس المشاركة الأصلية كتبت بواسطة دروبي اخواني اعتقد كلامي واضح .. اقصد الاختلاط ... فيكم احد يرضى ان زوجته او اخته يكشف عليها دكتور ؟؟ ليه ماهو دكتوره اللي تكشف عليها ؟؟ وكل شخص فيه غيره ع بنات المسلمين ما راح يعجبه هالوضع ... وش اللي يمنع ان قسم الرجال لحال وقسم النساء لحال ؟؟ واللي يقول ان معلومة انه نظاميا كذا ما يجوز يسأل زين وتحياتي لكم .

اولا : فيه دكتورات وممرضات بالمستشفى كله !
ثانيإ : اي تاختلاط انت قاعد تتكلم عنه ؟
مافيه اي شيء شفته بعيني من اللي مكتوب فوق ؟

وانا من المترددين عليه -> مااتعامل الا مع المستشفى .. بلا مستوصف بلا خاص .. وماشفت أي إختلاط ؟

:d

[دروبي]

الله = اللي << توني صاحي لحد يدقق:d

[لحن الحزن]

والله يالغالي سؤالك في محله وسبق في منتديات ذات مسؤوليه تحدثنا عنه ولكن لا حياة لمن تنادي

والسبب ان مشايخنا الله يهديهم ويصلحهم لا يعالجون في مستشفيات حكومية ولهم معامله خاصة

ولهذا اتوقع جواز الاختلاط في المستشفيات ولكن حرام الاختلاط في الجامعات

مازلنا نحن لا نستطيع ان نفكر او نميز الا بعد ان يفتي لنا الشيخ

وكأنما هي مسئلة معقده لا تستوي مع الفكره بل بحاجة الى زوايا مغلقة لايجاد الحل

لا اعلم ماهو الفرق بين الاختلاط في المستشفيات والجامعات ....!!!

فلقد اصبح اغلب الجمهور يجري خلف كل شيخ دون ان يفكر بما يقوله

واصبحوا مشايخنا اليوم يفتون في كل امور تعكس هوى الجمهور فقط

يعني مثل قيادة السيارة والجامعات ولكن المستشفيات من يهتم لها :d

مع انها الاكثر اهمية من غيرها وهي نظام اجتماعي انسانية بحت

ولكن حينما تقول لماذا الاختلاط حرام في الجامعات يقولك لانه فيه مفسده

طيب والمستشفيات الم يحصل فيها انحلال ومغازل وغيرها او لا يقع الفساد فيها


لا اعلم متى سوف يتم تطبق الفتاوي بكل حق دون اتباع الهوى والطابع الصادر من الجمهور

اتمنى ان يحدث هذا ويصبح لكل امرأه مسلمه في بلادنا اخصائية نسائيه لها

وتكون هناك اقسام خاصه في النساء والرجال

لكي نتخلص من الاستغلالات وغيرها والتحرشات والمفاسد التي تحدث في المستشفيات الحكومية والخاصة ايضا

ولك التحية


واقول لصاحب الموضوع ترا اغلب الجمهور اللي رد عليك لا يستطيع ان يقرر الا بوجود فتوى ودون هذه الفتوى فسوف يعارضك ويقول عنك ماعندك سالفة

فحاول البحث عن فتوى عن الاختلاط في المستشفيات وان شاء الله بوجوده سوف تجد تغير بمقدار 360 درجة

ولك التحية

[دروبي]

لحن الحزن اسعدني مرورك جدا واهنيك في غيرتك على بنات المسلمين , قليل من الناس في هذا الوقت يغار , قال الرسول عليه الصلاة والسلام الدين نصيحه فقال الصحابه لمن يارسول الله ؟؟ قال لله ولكتابه ولرسوله ولأئمة المسلمين وعامتهم

فأنا ولله الحمد جلست مع مشايخ ائمة مساجد وقلت لهم هذي الرساله لازم توصلونها ,, اللي هي الاختلاط في المستشفيات وثاني شي الموسيقه العسكريه ..

واسأل الله ان يري مشايخنا وولاة امورنا الحق حقا ويرزقهم اتباعه وان يريهم الباطل باطلا ويرزقهم اجتنابه اللهم امين

واشكرك على مرورك مره ثانيه اخ لحن


والسلام ختام