دونات (مُشآركه )

[الكتكوته.]

السلام عليكم ورحمة الله وبركاته
الكميه تصير تقريباً 50 دوناته من الحجم اللي انا عملته

انا عملت نصف كميه بس بعطيكم مقادير كميه كامله
يعني ام 50 دوناته



وهذي الصوره أثبات اني انا الكتكوته الأصليه مب مزوره أو تقليد لاسمح الله ^_*


بسم الله نبدأ:
بيضه
6ملاعق سكر
3 ملاعق حليب بودره
1 ملعقة خميره فوريه
أستكانة زيت
كأس ماء حار
4 كاسات طحين



نخلط المقادير مع بعض ماعدا الطحين



نضيف الطحين بالتدريج مو شرط 4 كاسات انا احط واخلط لين تصير العجينه مضبوطه



نعجها ونغطيها ونتركها ترتاح 45 دقيقه او على حسب متى تختمر وتشوفوها انها جاهزه للشغل
هذا شكلها لما تخمرت



وجهزوا الاغراض اللي بتشتغلو فيها انا اقطع الدونات بفنجان قهوه احبهم يكونو صغار









وهذا شكلهم لما خلصتهم


يالله الكل يرجع على ورا لاتحترقو من الزيت هههه




خلصت من القلي ^_^
ونجهز كيس ونحط فيه سكر بودره نحط داخله شوي دونات ونسكره ونهزه لين يتغطى الدونات بالسكر

[شوق الغلا]

ما شاء الله ..


طريقه حلوه مرره ..



تسلمين يالغلا ..

[goree]

سبق نزلتيها بمنتدى ثاني
صح يا الكتكوته ؟

رووووعه
وربي يسعدك

[الكتكوته.]

ايوه نزلتها في منتدى ومجموعه بريديه كمان

ليش مايصير أشارك بالطبخات اللي نزلتها من قبل؟

[goree]

طيب يالغلا
هالموضوع تمام


طيب الموضوعات الثانيه
اللي بتلاقيها كـ مشاركات ملغيه بقسم المطبخ

اللقيمات + اللفائف


اللي لقيتها بإسمك هي الدونات بس ..

اما اللقيمات واللفائف لا

والمجموعه البريديه ماتفي بالغرض

مو انه حنا مومصدقينك العفو

لكن الحق حق .. وماينزعل منه

واللي اوله شرط اخره نور

قلنا اذا كان الموضوع منقول من منتدى ثاني

لازم يكون اسمك بالمنتدى الثاني هو نفس اسمك هنا

مثل موضوعك هذا


لكن المجموعه البريديه .. ماراح تعتمد ..

لذلك

صوري الأغراض لكل طبخه

ولك علي أرجع لك كل مواضيعك .. واشتراكك.. وش تبين بعد

لاننا والله نقلناها وحنا ماودنا يعني كنا نطمح انها من شغلك

[الكتكوته.]

لحظه حبيبتي
ابحثي عن اي طبخه في النت
دونات من صنع الكتكوته
اي شي ضيفي عليه من صنع الكتكوته
تراني عادرتكم لان اكيد في وايد يسرقون وينسبون لنفسهم
بس حطيت في خاطري حسيت نفسي وحده مش ولابد

[goree]

اقتباس المشاركة الأصلية كتبت بواسطة الكتكوته. لحظه حبيبتي ابحثي عن اي طبخه في النت دونات من صنع الكتكوته اي شي ضيفي عليه من صنع الكتكوته تراني عادرتكم لان اكيد في وايد يسرقون وينسبون لنفسهم بس حطيت في خاطري حسيت نفسي وحده مش ولابد

هلا عنوني



ظهر الحق
وتم اعادة موضوعك
فآآآآآلك الفوز

والمعذره على الشوشره
بس لاتلوميننا و يلومنا احد
كل اللي نسويه والله عشانكم انتم
عشان اللي مشاركين كلهم
نبي اللي تفوز .. تفوز بجهدها وشغل يدها


وصآفي يا لبن

[الجورى الاحمر]

كتكوته قلبى

يعطيك العافيه

[الكتكوته.]

الله يعافيك حبيبتي
وماننحرم تواجدك

[شمس الرائدية]

شكلها رووعه وطعمها لذيذ
يعطيكِ العافيه حبوبه
تحيتي يالكتكوته
لكِ