والله قهر

[ابو وجدان]

السلام عليكم ورحمة الله وبركاته
اخواني الكرام ابغى اطرح عليكم موضوع فرحنا كثير لما قالوا فيه ارقام للتبليغ عن رفع الاسعار اللي قص ظهرونا وياحسااااااااااااافه اللي استغل الوضع عندنا المطاعم رفعوا اسعارهم بشكل غريب ومفاجئ حسبي الله ونعم الوكيل ولا لسان الواحد طويل لما نساله ليش صار السعر كذا وقلت ابلغ عنهم رافعين اسعارهم والسنتهم طويله وللاسف لما دقيت قالوا البلاغات عن المطاعم مو من اختصاصنا اختصاص البلديه والله قهر والمشكله اللي يقهر الهنود والعماله الزفت هم اللي السنتهم طويله كاننا نشحذه حسبي الله عليهم الله يورينا فيهم عجايب قدرته وش رايكم اخواني ......وهل لاحظتوا مثل ملاحظتي عليهم من ناحية ارتفاع اسعارهم والله المستعان

[الياسمين]

مالاحظت يمكن على الارتفاعه اللي قبل
يعني لو تحدد وش ارتفع نقجر نرد عليك
شـكــ وبارك الله فيك ـــرا لك ... لك مني أجمل تحية .

[روح البداوه]

موب كل شي تسمعه تصدق

وهم رابحين بهالزياده

والهنود ارفعوا خشومهم

معاد يهابون احد

[ابو وجدان]

الا قولي وش اللي ماارتفع كل شي واكثر المطاعم غيرت اسعارها متعذرين بارتفاع سعر الدجاج وحتى البيره ماسلمت من شرهم من 2 الى 2 ونص وغير البطاطس وغير الرز اللي بالشوايه واللي على الفحم ماخلو شي حسبي الله ونعم الوكيل

[عشق الشمال]

لو الناس يتفقون على المقاطعة لو أسبوع واحد بس

كان تشوووف النتايج بعينك .. عسى الله يعين ،،

[أنس بن مالك]

تصدق أن مطعم الشباب البخاري أيضاً رفع الأسعار إلى 14 ريال لنصف الدجاجة على الفحم , ولما تسأله يقولك الأسعار ارتفعت حسبنا الله عليهم

[جمالك سحرني]

وش رايكم...

نسوي حمله ضد ارتفاع الاسعار

ونحدد المنتجات والاسعار ..

ونقاطعهم لفتره نتعاهد احنا ..اعضاء الرائديه ..


..ونشوف الفرق؟


وش رايكم؟؟؟؟

[مشعل الخالدى]

[align=center]اولا اشكرك اخوى على رايك
ثانيآ والله ان المحلات بجميع نشاطاتها اذا شافو اهل المنطقه ساكتين
والله ماراح يوقفون عن رفع اسعارهم
واكثرهم يقول هذول مساكين ومايتكلمون ويرضون بأى شى
ياجماعه لازم تكون عندنا ردة فعل
واقل شى بالمقاطعه والملك ماقصر اصدر قرار للشكاوى

وهذا رقمهم 8001241616
والتحويله 50
والرقم هذا سجلوه بجوالاتكم وحاولو توزعونه على كل شخص تعرفونه

وهذا رابط لنموذج الشكاوى بوزارة التجاره

http://www.commerce.gov.sa/mok2/form.asp

المخالفات التي تستوجب الإبلاغ

زيادة الأسعار

انتهاء تاريخ الصلاحيه

عدم اصلاح اية جهاز عليه ضمان مثلا جوال سيارة او غيره

الامتناع عن البيع

قذارة المحلات

عدم نظافة الأطعمه

و اى شئ مشابه

واتمنى منكم بأى عمليه شراء تطلبون فاتوره حتى لو كانت ب 10 ريال
عشان تنرفق مع نموذج الشكوى
اتمنى محد يسكت عن المحلات اللى قاعده تستغفلنا
والله ماتاخذ من وقتك ثوانى اذا بتقدم شكوى بالموقع
وآسف على الاطاله [/align]

[جمالك سحرني]

اقتباس المشاركة الأصلية كتبت بواسطة مشعل الخالدى [align=center]اولا اشكرك اخوى على رايك ثانيآ والله ان المحلات بجميع نشاطاتها اذا شافو اهل المنطقه ساكتين والله ماراح يوقفون عن رفع اسعارهم واكثرهم يقول هذول مساكين ومايتكلمون ويرضون بأى شى ياجماعه لازم تكون عندنا ردة فعل واقل شى بالمقاطعه والملك ماقصر اصدر قرار للشكاوى وهذا رقمهم 8001241616 والتحويله 50 والرقم هذا سجلوه بجوالاتكم وحاولو توزعونه على كل شخص تعرفونه وهذا رابط لنموذج الشكاوى بوزارة التجاره http://www.commerce.gov.sa/mok2/form.asp المخالفات التي تستوجب الإبلاغ زيادة الأسعار انتهاء تاريخ الصلاحيه عدم اصلاح اية جهاز عليه ضمان مثلا جوال سيارة او غيره الامتناع عن البيع قذارة المحلات عدم نظافة الأطعمه و اى شئ مشابه واتمنى منكم بأى عمليه شراء تطلبون فاتوره حتى لو كانت ب 10 ريال عشان تنرفق مع نموذج الشكوى اتمنى محد يسكت عن المحلات اللى قاعده تستغفلنا والله ماتاخذ من وقتك ثوانى اذا بتقدم شكوى بالموقع وآسف على الاطاله [/align]

..شكرا جزيلا

[بنت الماجد]

يبلغ واحد ويسكت عشره