الوقـت والله مايحشـمـ المناعيـر
لاهو على كيفك ..ولاهـو بـودّك
تصيربه .. آشياء مـاودك تصيـر
والنفس عن شي ٍ يفيدك ... تلـدّك
اصبر على دنياك ... لو مابها خير
لاتشتكي حتى لو الوقـت ضـدّك
وان حدتك سود اليالي على الغيـر
لاتطلـب الا واحـد ٍ مـايـردّك
عليك .. باللي عالـم ٍ بالمقاديـر
اليا تعبـت وبيّـح الوقـت سـدّك
وان جات للواجب وجا منك تقصير
مالك نعم ... لو سالم الزير جـدّك
بعض المواقف ..ماوراها معاذيـر
اما بخـدّ العـذر ... والا بخـدّك
ومن قدّرك ... لابد تعطيه تقديـر
ولا تعدّه شي .... مـن لا يعـدّك
ولا تبرر للفشـل .... اي تبريـر
افهم .. وميّز بين ضحكك وجـدّك
للكل ند .... ولا يجي ندّك صغير
اعرف ترى مقياس حجمك بنـدّك
المواضيع المتشابهه
العرض المتطور
