هذي هي الدنيا حظوظ وتوافيـق
امـا وطـاك الحـظ ولا وطيتـه
تعيش في غيبوبه الوقـت وتفيـق
شـي تذكرتـه وشـي نسيـتـه
بس الوكاد انه بعد نشفت الريـق
مالك سـوا بنيانـك الـي بنيتـه
والظيق كل انسان به هم به ظيق
ولاكل واحد يسألـك بـه طريتـه
السـر خلـه دايمـا فالصناديـق
منشـان ماتصـدم بشـي هقيتـه
والحب لعبه حظ بين العشاشيـق
امـا نحتـه نحـت ولا محيـتـه
والطيب فعل وله دروب وطواريق
وسـوه لوجـه الله لامـن نويتـه
وفعلن مهو لـك لاتلفقـه تلفيـق
الحق يظهره الزمـن لـو كميتـه
كم واحدن صيته بروس الشواهيق
ولاتسـرك سمعتـه لانصيـتـه
وكم واحدن ماسمعته سمعت طويق
لكـن يقـوم بواجبـك لانخيـتـه
والي يحمل طاقتك فوق ما اتطيق
الي يلومك خبـل لـو ماعطيتـه
ياكثر مامـروا علـي المطافيـق
وانا الخطا مـن يمهـم مابديتـه
لو كنت ادقق في خطا الناس تدقيق
ماكان حب الناس فزت وخذيتـه
كم مطلبن حاولت اسوقه ولاسيـق
حاولت به لكن عجـزت وجفيتـه
وصك همي صك بيـن المعاليـق
خلـه مـدام ان المعاليـق بيتـه
الرزق عنـد الله رب المخاليـق
ماهو مخيب رجوتـك لارجيتـه
المواضيع المتشابهه
العرض المتطور
