الكل يعلم أن وزارة العمل لا تشترط أي مؤهل أو سنوات خبرة للذي يريد أن يعمل داخل ورشة بالصناعية سواء كان كهربائي أو ميكانيكي أو سمكري وغيره ولا حتى مقابلة أو اختبار مبدئي ، يعني لو تجيب عامل مزارع ولا دباغ جلود وتحطه بورشة على إنه كهربائي ولا ميكانيكي لا يوجد في النظام مايمنع ذلك وطبعا في الغالب يكون الكفيل ماله أي علاقة بالورشة ، متفق مع العامل على مبلغ شهري والباقي للعامل وغالبا ما يكون هذا المبلغ لا يتجاوز 10%من الدخل الشهري للمحل ، والشي الأكيد أن جميعهم تعلم المهنة من خلال التجريب بسياراتنا ( تعلم الحلاقة بروس اليتامى ) والملاحظ الآن أن الكثير منهم بات يركز على الطرق السريعة لجني المال بأسرع وقت وأقل جهد ممكن ، وأمثلة ذلك كثير منها ظاهرة استبدال القطع بدلا من اصلاحها وكذلك ظاهرة أجهزة فحص السيارات وغيرها من الأساليب والحيل إلى أن وصل الأمر إلى مرحلة الابتزاز وطلب مبالغ عالية جدا قبل أيام كنت بالصناعية عندي سيارة طفى كهربها بالكامل وقفل كل شي فيها وكل ماجيت ورشة قال هذي ما يعرف لها الا فلان ون رحنا لفلان ون وقالو مسافر ومالك الا فلان تو رحنا لفلان تو قال أنا ما أطلع معك الا ب200 ريال أنا بصراحة شفت أن المبلغ كبير على إنه يجي معي يشوف السيارة بس من غير حق القطع ومن غير شغل يده ومن غير حق السطحة ، طبعا تركته ورحت أدور وجا من بكرى ورجعت لنفس الرجال اللي هو فلان تو فقال على طول أنا ما أطلع إلا ب300 ريال ولا دور غيري وطبعا حق الطلعة فقط . شايفين وين وصل بنا الحال ،أجنبي وتعلم المهنة من خلال التجريب بسيارتي وأكرمته وأعطيته حقه رغم إنه ينصب علي وكنت أقول مسكين خله يترزق الله وآخرتها يبتزني ابتزاز ...... والله ما صارت .
المهم بلاوي الصناعية كثيرة لكن وينكم يافرع وزارة التجارة بالخفجي
المواضيع المتشابهه
العرض المتطور
