[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماعد لك قيمه ولاشي ياهيه=ارحل بعزة نفس قبل الاهانه
خلاص قلبي مات وش له تناديه=ليتك تحس بيوم طعم الخيانه
من يوم شفتك شابك ايديك بيديه=لعنت قلب حب قلبك وصــانــه
والمشكله قدام عيني تــداريــــه=ياقو قلبك كيف خـنـت الامـانه
بالك تحاول بالعتب والمشاريه=وقت العتب وياك قفى زمانه
لك عين راجع يم قلبي وتبكيه=واتهل كل الدمع هذا عشانه
تقول هاك القلب واقول مابيه=مليتها وياك ها الاسطوانه
جرحك مكن في خافقي وين اداويه=ماهيب دعوا ياحبيبي ميانه
خلاص مالك شي هاليوم ترجيه=عليت نفسي عن هواك وطمانه
قلبي عزيز ولايغير مباديه=اقطع رجاك انك ترد الحنانه
مادامني حاشمك عن شي ببديه=ارحل وخل القلب وانسى مكانه
ياهيه قلبي مات وش له تناديه=ليتك تحس بيوم طعم الخيانه
ياهيه كانك تفهم العلم ياهيه=ارحل بعزة نفس قبل الاهانه
[/poem]
كونو بخير
العرض المتطور
