مصخررره .. وربي .. مصخررره

[ابوشهــــاب]

السلاام عليكم ورحمة الله وبكاااته


كيف الحال


حبيت انقل لكم هذه المأساه التي حصلت لي

وهي :

كنت اتااابع مباراة القادسيه وفريق ابها

وكانت المباااراة بااارده نوعا ما

بس تابعتها من الطفش وش اسوي

المهم اشوي واسمع الصوت ينقطع

وانتظر الصوت يرجع المعلق ما ادري وين راااح

قلت في نفسي يمكن راااح لدورة الميااه يقضي حاجته <<<< طبعا عذر مقنع بالنسبه لي

ولكن المصيبه التي حصلت انهُ خلل فني من نفس القناااة

يا ناس يا عالم الى متى وقناتنا بإنحطاط دااائم <<< اول مررره اشوف قناة بالشكل هذا

المفروض يوم صار الخلل يحط المخرج اصوات خارجيه مثلا <<< اصوات جمهور يرقع فيها ,,,, وش نسوي

الله يعننا بس ما عندنا غير هالقناة

ومنتحبنا رابع مررره يتاهل لكاس العالم وهذي حالنا مع الاعلام الرياااضي المرئي


اعذروني على الاطاله ولكن هذا الحاااصل


ارجوا منكم السمااح


سلاااااااااااااااااام

[العطر]

الله يسامحك يااابوشهاب


قناتنا مافيه زيها بس انت اللي مانت متابع زين


اصوات الجماهير كانت واضحه وكانوا يقولون كلام غير لائق


عشان كذا انقطع الصوت للمحافظه على مشاهدي القناة


فهمت


بعدين بيني وبينك عندك اخطاء كثيره


من ستر على مسلم


ولك الشكر والحب والتقدير

[ابوشهــــاب]

هلا وغلا

العطر

تشرفت بمرورك الرائع

والله مت من الضحك على ردك ض8

بس نقول الله المستعان

لبست نظاره عشاان ادور الاخطااء وما لقيت

بارك الله فيك يا العطر

سلاااااااااااااااااااام

[الفيصل]

هلا وغلا ابو شهاب

إخراج بدون مخرج وشيء يحز باخاطر صراحه

على كثر الكاميرات اللي عندنا مهم عارفين يتصرفون ألا توجد خبره ؟؟؟؟

كثرة الإعادات على غير نفع وإنقطاع الصوت وتارة الصوره إلى متى

استديو تحليلي بااااااااااارد وديكور له سنين لم يبدل

لا أعلم إلى متى لكن ياليت قناة الجزيره تحتكر كل المباريات المحليه والعالميه شوف الفرق في مستوى التعليق والإخراج والإستديو وكل شيء.

حتى المعلقين معلقين كرة سله وطائره" وخيول"

يعطيك العافيه اخوي ابو شهاب على الموضوع اللي لنا سنين وحنا نشكي من هذا الشيء

[قسوره]

أفكر عندك سالفه أنت و وجهك

قال قناة رياضيه و دوري سعودي قال

ابو شهاب لا يكثر

القادسيه و أبها << يالله لك الحمد بس << قلت المباريات ولا وش السالفه


إحترامي

[Fahad]

اقتباس المشاركة الأصلية كتبت بواسطة قيصر روما أفكر عندك سالفه أنت و وجهك قال قناة رياضيه و دوري سعودي قال ابو شهاب لا يكثر القادسيه و أبها << يالله لك الحمد بس << قلت المباريات ولا وش السالفه إحترامي

[ابوشهــــاب]

اقتباس المشاركة الأصلية كتبت بواسطة قيصر روما أفكر عندك سالفه أنت و وجهك قال قناة رياضيه و دوري سعودي قال ابو شهاب لا يكثر القادسيه و أبها << يالله لك الحمد بس << قلت المباريات ولا وش السالفه إحترامي

من متى وعندي سالفه

اقول قيصر وربي انقهرت كنت اتااابع وطفشاان من جد والله وشوي وانقطع الصوت

انقهرت كنت خاااش جوا مع المذيع كان رومنسي بالمررررره

يعلق تقول قااعد يقول قصه كلاسيكيه هو ووجهه

اشكرك على المرور الرااائع المفرفش ض12


سلااااااااااااااااااام

[Bader]

لا والمباراه تسجيل بعد هههههههه
وبرنامج كل الرياضه مانقلوه امس عشان الخلل نفسه
ههههه برنامج يتكنس عشان خلل والله قويه
طيب اخروه وصلحو الخلل
يالله لك الحمد

[sul(7)tan]

القناة الرياضيه الى اين ؟؟؟؟

هل تصنف قناه ؟؟


لا اخراخ ولا مذعين ولا محللين ولا شي يميز هذي القناة

لماذا والله شي غريب ؟؟

سلاااااام.

[مشاري]

اخوي ابو شهاب يعطيك العافية والله يعينك


اما اخوي سلطان


لا اخراخ ولا مذعين ولا محللين ولا شي يميز هذي القناة

لا ياشيخ ونجيب الامام وماجد عبدالله وين راحوا

لا بها مميزات واجد

مشكور


باي

مشمشـ