يامفردات الشعر
يامفردات الشعر لاهبت النود
قمت اتخيّر فيك وابني بك عروش
حطيت لي في ساحتك رسم وحشود
وجيوش باغراضك على كيفي جيوش
والشعر له عندي مفاهيم وبنود
واحوش جزله في هل الطايله حوش
واللي نصيبه بالمواجيب معدود
قدره على راسي مزخرف ومنقوش
والمدح يزهى سيرة محمد حمود
ابن الجمايل والكرم وابن حنتوش
لْقدوم من زاره ممراته اورود
صدره من الترحيب والمسك مفروش
يفداه من بابه عن الضيف مردود
ومسوي العصفور في ركنه عشوش
ترفع له البيضا على كل جلمود
والنعم يحضابه من مقيم وطروش
الطيّب اللي وين ماجيته يزود
راسه على الفزعات حماي ويشوش
صيته يذكّر لي مع الناس ممدود
فعله ينومسني وانا منه منيوش
ماحط جواله على وضع موجود
موجود عنده لصعيبات ناتوش
من روس قومٍ فعلهم ماله حدود
اخوان شما فزعتك حزة الهوش
المواضيع المتشابهه
العرض المتطور
