السلام عليكم ورحمة الله وبركاته
هذي يالزاحفين قصتي وأنا زاحف >>> مشوها ضيف تراني ؟؟
هااااااااااااااكم القصه
المقدمه
أنا ابوي معطيني ثقه بالحيل و من ثقته بأخلاقي يخليني انام مع الخدامه في غرفتن وحده
وما حلفتوني يمين .. بس للأمانه معطيها ظهري
الموضوع ( لي ) ولـ ( !!!!!! ) ولـ ( !!!! ) وكلهن اسماء في شخصن واحد ... بس ذابحني التمويه
وتسحيب بعض الناس
الزبـــــــده << ولو اني مقاطع الزبده بس دام قناة المجد تجيب اعلاناتن له فالمطاوعه أبصر
باللي يسوونه وانا معهم على الخير والشر كود الله يهديني والتزم ثمن يحطوني معهم مذيع << يبي وظيفه بالتي هي احسن
1
انصحكم نصيحة لله أي شايب عمره تجاوز الستين لا تقعد معه اكثر من 10 دقايق << يعني ممكن تصب له القهوه وبعدين تستاذن ..
خاصه اذا كانت مرته ميته كود يصير لك مثل اللي صار معي بس الحمدلله طبيت في شايبن
يخاف الله ومسح سعبولته على رقبته وحلف انه ما يعلم احد
2
85% من شيباننا كملوا تعليمهم الليلي ... وثلاث ارباع الخمس والثمانين في الميه ماعندهم اولى ابتدائي ...
والبقيه معهم النصف الاول من ثاني ابتدائي .. اما الشايب حقي ثلاث سنين وهو كل سنه يسجل
بأولى ابتدائي وبعدين يدرس يومين وينحاش لين تبصر بهالأسهم ... صار الأول على الفصل
وكل يوم يورينا دفتره مرسومن عليه نجمه ومكتوبن على الدفتر وفقك الله يا بني ( حتى امي
صارت تعطيه المصروف ) و هج الكرسي اللي بركن الفصل وصار يقعد قدام
وقابض يدينه وحاطهن فوق الماصه يقالك مؤدب ومع الايام صار اكبر هامور بالأسهم ترى هو
اللي خمكم في بطاقات سوى < مثل الرجال اللي خنق ابوه قبل لا ينطق الشهاده
وسبب تكملتهم للدراسه !! ( قراءة اسم الشركات في تداول الأسهم )
يعني ماهو حبن في العلم والثقافه .. الله يهدي اللي كان السبب لو مخترعين الاسهم قبل
ستين سنه تسان شيباننا هالحين دكاتره وطيارين
ومهندسين .. يعني يمدي ابوي دكتور وابوك فراش << عادي الشغل مو عيب
وتعال شف صالات التداول كلهم شيبان ومعهم وغدانهم تقل معزومين لعرس ؟
ياناس يا عالم ياهووووه ربعنا طبوا بهالأسهم على عماها يحسبون كل التجاره مثل سوق
الغنم بع بع واشتر وخسروا مبالغ طائله لو صُرفت على الصومال او البوسنه والهرسك <<
ياقدمك هذولا تطوروا وصار معهم دراهم ...
او صرفوها على اخواننا المسلمين في افغانستان كانت خير عون لهم في حياتهم المآساويه << جزاك الله خير
قضينا من الزبده ونخش بالماضوع
في ذات عصريّه دخلت البيت ( معطوب ، مخموش ، مسطول ) شفت اخوي الصغير يطقطق كوره
ويسوي نفسه حريّف ( يعنني ) رحت لدولاب الملابس ( طبعاً ما معنا غير دولابن واحد كل ملابس
العايله فيه )
وادور على شورت ابي البسه واطقطق كوره مع اخوي واقلب الدولاب فوق تحت حتى لو البس
سروال اخوي الصغير ما يخالف اهم شي انه على شكل شورت يوم البسه .... وبالغصب لقيت
سروال اشك انه لخوي واتخبى ورى باب الغرفه ثم افصخ سروالي علشان البس السروال
الثاني
شوي إلا امي تجي تبي تدخل الغرفه وانا ( ؟؟؟ ) ورى الباب ...
والبس ما تلبس .. الحق ما تلحق .. من الحوسه حطيت رجليني بجهتن وحده وصرت انقز بالغرفه تقل كنغر... الرجلين مكتفه والجسم عريان
واسمع دربكة رجلين امي قريبه من الغرفه وانقز انقز للسرير ابسحب الشرشف واتستر به عاد
انا معطي ظهري باب الغرفه وبهاذي اللحظه تدخل امي ... وانا معطيها ظهري والعلوم اللي
تخبروها .. ثم تحط يدها علي عينها ... واخزياااااااه يالتسلب يالمارج يالملعون تمشي في
البيت عريان .. وانا وش اغطي وش أخلـّي .. حطيت يدي اليمنى قدام ويدي اليسار ورى . . << الشمس ما تنحجب بغربال يبو الشباب
ثم تنحاش اميمتي من الغرفه من هول ما شاهدته من مناظر .. واستغل هلفرصه واطلع رجلي
اليسار واحطها في مكانها الصحيح ثم ارفع السروال واشد المغاط .. بس ماش السروال ماهو الي ابيه
وقررت افصخ هالسروال
واقلب الدولاب نوبتن ثانيه واحصل سروال أبوي السنه .. يا سلااام هالحين الواحد يعيش الدور
وهو يطقطق كوره بالصاله والبس السروال ولا علي بالخير يدوب تقدمت خطوه إلا والسروال
ينزل للركب ( وسيع ) وارفعه لبطني وافكه ثم ينزل مرتن ثانيه .. الله النشبه هلحين لو العب
كوره قدام خواني ثم اسوي حركة رونالدينيوا تسان السروال بجهه وانا بجهه والكوره بجهه
يا رجال والله ما عني وعن سروال أبوي وامسكه بيديني وادخل الصاله
إلا واخوي رأفت << حاس انكم منتم هاضمين الأسم ...يعني عسل عسل أو يالله بندر وصل
يالله حيوووه
إلا وابوي داخل علينا بالصاله وانا مسوي فيها ابو يعقوب ويرفع ثوبه فوق يبي يتأكد هو لابسن سرواله ولا لا ؟
...ويناظرني بنص عين قلت له لا تناظر كذا ترى ماهو سروالك واناول له الكوره ( ابي اغير موضوع )
و على طول شاتها بوز من زود ماهو معصب نشبت بضفاره ويصارخ بوجهي وينك يا ؟؟؟
ضيوفي بالمجلس وانت تلعب بالصاله
رح يمهم عقب ماتغير ملابسك وصب القهوة والشاهي قلت سم سم ( ماهو من زود طاعتي لا
والله خوفي من الكفوف ) واهرول للمجلس واحد اثنين واحد اثنين
وادخل على الضيوف يالله حيهم كلن (بنكه ) توهمت اني داخل على تشات واخذهم من اليمين
واحدن اسلم عليه امطقه في الخد الايمن وأصف الايسر ... والثاني اقولووه هات خشمك واذا قرب خشمه اسحب وجهي
والثالث قلت له راسك يا غرم الله راسك وينزل راسه واعطيه واحد قفى احد مكذب عليك وقال
راسك الحجر الأسود؟ والرابع امد له يميني كفك يا رجال كفك وأول ما مد كفه احك خشمي
هههههاي واحد صفر
ثم يصيح أبي بصوت مرتفع وش بلاك ماتسلم على الرجال زين قلت يااخي خير السلام ماقل
ودل وبعدين شف وش كثرهم علي النعمه داخل على دار مسنين ماهو مجلسنا واذا ابسلم على
كل شايب ابجلس ساعتين وانا قاضبن ابوهم تبويس والواحد اذا بغيت تحب خشمه تسلم على
برطمه قبل ,,, وبعدين توني في سن مراهقه وسلام مثل هذا يثير غرائزي الجنسيه وانت ناظر
الشايب اللي جنبك من شافني لابس السنه وهو يحك شنبه ويغمز بعينه
عاد ابوي قالي ليش ماتغير ملابسك يا كلب قلت له أولاَ لا تسب الكلب ماهو علشانه حيوان ما
يقدر يرد عليك ثانياَ عشرين مره اقولك فصلي ملابس وانت منت راضي حتى في العيد اخذ
ثوبي سلف من ولد الجيران والبسه الصبح واخوي يلبسه في الظهر
وانت تكشخبه في الليل وبعدين ارفع سروالي الى نص صدري ( وفي هذه المناسبة ادعوا
شركة دروش الى تفصيل سراويل من غير خط في نص .......... علشان الواحد يرتاح اكثر لا
رفع السروال فوق )
واجلس في صدر المجلس واخذ مسبحة اللي جنبي واجلس اسبّح سبحان الله سبحان الله والوالد
يناظرني يبيني اصب القهوة قلت له يااخي لا تناظر بنص عين ما تشوفن اسبّح قم انت صب
القهوة وصب لي كاس شاهي ولا خل هاللي جنبي يصب القهوة من اول الجلسه وهو فاك
علينا ارانب قال ايه قال كنت بالطياره اللي ضربت برج التجاره وانقضني الدفاع المدني
الامريكي (ماهو دحسن) وانا اتتن تحت كفرها وبعدين ياخذ الفنجال وإذنك ماتسمع غير
زوووووووووووز < صوت الفنجال بالهوى وحالف يمين مايصفق غير بجبهتي
وبما اني متمرن في الصاله ومعي لياقه وجاهز من مجاميعه انزل راسي تحت ويصفق الفنجال
براس شايبن راقد في زاوية المجلس بس عجبني هالشايب راسه يابس ما درى وين الله حاطه
بوووه
يحسبن واحد حب راسه علي بالحرام لو تنشق دميجتووه ببلكه يحولوه على شركة بن
لادن يليسوا راسه بسمنت وهنا يكمن الفرق بين حليب الخلفات و حليب انكور...
قلت للوالد يااخي انت ما تقدّر ضيوفك ؟ تضربهم في بيتك على الحرام محد يشرب قهوتك وأفز
من المجلس قلت وش تشربون يالربع ببسي ، سفن، حمضيات ،بلاك ، آمرو بس اللي قال ما
ابي واللي قال الله يكرم النعمه ( يبون القهوة ) وألزم عليهم علي الحرام لشتري شاني يحمر
براطمكم يالعنبوكم ادخلوا لو مره وحده لعجايزكم بوجيه تفتح النفس كود العجوز يومن تشوف
الواحد منكم تلبس سروال (سترش) يبرز مفاتنها
واحد من الشياب رفع يده قال ياولد اشتر لي رندل بول ( ريد بول ) كوده ينشط عظامي واقدر
امطمطها في تالي الليل ( امحق من شايب يبي يخربها مع كهلته ) وانقز للبقاله واشتري واحد
سفن وبسكوت ابو التمر وارد للبيت وادخل المجلس وحاس اني ناسي شي بس وشو مدري !! ...
واقعد بصدر المجلس ماتسني إلا ابوهم وحاط رجل على رجل وشايبن جنبي ملعون جدف يمسح
فخوذي ويسألني ياوليدي وين الرندل بول ؟ وأزنده بفنجال قهوة قلت له ياعم دامك من
الصبح تمسح في فخوذي وانا بس لابس سروال صغير شرايك مااروح البس كلوت وتخطبني من
ابوي؟
واخوي الصغير قاعدن قدامي يكركر ويناظر فيني بشكل غريب حسيت ان بوه شي غلط
بشكلي واغمز له ابيه يقولي وشوله يناظرني ( بغيت الموضوع بيني وبينه ) ويصارخ بأعلى
صوته دكانك مفتوح يا ****************************
واناظر سروالي من تحت إلا صدز الدكان مفتوح وهلم جرى
قلت لخوي حرام الواحد يسوي فتحات تهوية ويتهبهب مع هالحر المزري عاد انا لميت نفسي
واستاذنت والوالد مالين قلبه علي بس يبي الضيوف يروحون ويتعلم علي الكونفوا على فكره
معه ثلاث شهادات دفاع عن النفس (كرتيل) متعلمها علي ( وجودو ) متعلمها على اخوي الضيط
(ومصارعه حره ) على العايله كلها
واروح لغرفتي أغير ملابسي وادخل عليهم مرتن ثانيه واخذهم باليمين يالله حيهم ويقوم شايب
بعكازه وارفسه برجلي وينكسر حوضه وباقي عظيماته في حاله حرجه واقوله استريح يبن
الحلال لا تتعب نفسك لا مواخذه يالربع توخرت عليكم بس مثل منتو شايفين غيرت اللوك
تبعي ... الوالد يدعي يامال البلكه اللي تشق راسك اقعد مع الرجال ولا اطلع من البيت
قلت له يااخي انت وشفيك حاط نقرك من نقري ماهو عشانك ابوي وانا محترمك خلاص مسوي فيها شديد
هذا وانا مهتم بمخلفات العصر الحجري تسوي بي كذا
واقعد جنب الشايب ابو طقاع ويالله متحمل الروايح واخذ منديل اسد به مكان التنسيم... قلت ايه
كذا ازين شوي صار يطقع مع فمه المهم
الشيبان مدهرين بسوق الاسهم اللي يقول والله حراج البنوك طايح ولي يقول هذولا الشريطيه
لا بارك الله فيهم ما خلو لنا شي بسهومات بعارين المكيرش ،،، وشايب مهايط يقرى جريدة
الإقتصاديه بالمقلوب
و يقول ازين طريقة نبيع سهوماتنا بالكمبوتر،،، يقال بوه زر ترعصه يجيك البنك الأهلي
بدراهمه بموظفيه بالشارع اللي قدامه بمواقف السيارات في الشاشه وبوه شي مثل لسان
التسلب( الماوس ) تحركه يمين ويسار لامن بغيت تشتري السهومات والله يالربع اني افكر
اشتري ذا الكمبوتر كودي اصير شريطي أسهم <<
،،، سبحان الله من بعارين للأسهم وش هالتحول التكنلوجي اللي طابن في روسهم قلت معي
قصيده يالربع قالوا اسلم ( ابي اغير موضوعهم مادريت ان الدعوه صدزيه ) قلت هاه << يبي
يخرش السالفه هذاك اليوم وانا مأجر السطح << مايدرون وش مأجر السطح يحسبون معي
عقارات وعماير
قال لي الوالد يابعد حيي ياولدي اجل وانا ابوك معك بيت مأجره ولا قلت لي طول هالمده<<
بدينا في شغل المصاريه
قلت يايبه لا تحط عينك على الإيجار هذولا من عبند الأفغان على شوية تكارين من باكستان
على شقرى اسرائيليه مأجر لهم سطحي << مهب تسنه بيت دعاره وانت عارف ان الرجال لازم
يكوّن نفسه علشان يتزوج ويبني مستقبله وانت خلفت رجالن سنع يبيض الوجه قالوا الشيبان
ايه اسلم وعقب ما أجرت السطح قلت طفيت الصاروخ قالوا وكلن ماسكن راسه يا كبرها عند
ربي صاروخ بكبره طفيته
قلت وش تحسبوني سهل ؟ صواريخ طفيتها ماهو صاروخ واحد وبس ،، انا اذا ماولعت خمس
صورايخ احس ان نقاصني شي( الوالد يحك لحيته ) والله وانا ابوك جيت من فوق اللي يقول
اتتن تحت كفر الطياره
قلت في خاطري بلاك ماتدري وشي الصواريخ ولا تسان معك الحين الحزام الاسود بالكونفو
ومعينك الاتحاد السعودي مدرب تايكوندو واقوم من المجلس واستاذن وهم ملزمين اقعد قلت
والله مااقدر وراي شغل واخذهم شايب شايب اسلم عليهم فمان الله يالربع فمان الله احب خشم
هذا وامطخ راس الثاني ومن زود ماني مرتبش من التبويس حبيت يد اخوي الصغير واحضن الجدار
ثمن قام ابوي يبي يسلم علي قلت له خير يبو الشباب من متى المعرفه ؟
وأسلم على رجلي احسبها رجل الوالد ثم الوح بيدي الكريمه بااااااااااي نشوفكم على خير
قالوا الله وياك وأوصل لين باب المجلس ثم أرد واقعد جنب الوالد واصارخ في وجهه باااااااااك
ويجيني بقس خطافي هد ضروسي ثم يصفقني بالثاني واحضن القاع يا ملعون الصلايب الحين
ما تقول تبي تطلع ؟ قلت يبن الحلال انت محد يمزح معك دمك ثقيل ؟ وبعدين تعال هذا احلاااا
باك عندك ؟
هذا وانا معتبر نفسي صاحبك من اليوم ،،، مار هات ولاعه خلني اشب الزقاره واهمس له
بالحتسي ( معك ورق شام ) قال ايه توني راسلن اخوك يشتري ورق عنب قلت كفووو تفهمها
وهي طايره
واشغل التلفزيون واقلب على قناة روتانا ( وضع المجلس اثناء متابعتنا لروتانا )
حليمه بولند تتميلح بالشاشه
جايب لكم اكثر من صوره مخمخوا عليها زين واياني واياكم تتبعون شهواتكم
انقطعت سواليف الشريطيه عن الأسهم
المجلس في هدوء ما قبل العاصفه
الوالد اويلااااه تهقون يالربع لو اخطبها بترفضني؟
اخوي الصغير هين والله لعلم امي
ابوي يحب راس اخوي خذ ريال وانا ابوك << <<
الشايب اللي يطقع في زاوية المجلس قام ومسح سعابيله وعيونه غدت فناجيل ويتمتم يا قلب
الشقا هالزين كله وانا دافنن نفسي ومقابل هالشواكيش
الشايب اللي يمسح فخوذي يناظر فيني ويتمتم سبحانه خلق وفرق بغيت اتهور مع هالشقفه
الوالد صرف اخوي الصغير
الشايب اللي ماهو قادر يمطمط عظامه في تالي الليل قام اخذ خمس لفات حول بيتنا
الشايب اللي اخذت منه المسبحه سدح قصيده بصوت منخفض واليكم مطلعها بصوت ماجد الشبل
( أبتس يا بنت بولند أردفيدزي فينارديتي العمر من شياب لمراهقينا )
رد عليه الوالد بقصيدتن واليكم مطلعها بصوت حسن كراني
( ارحمي الحال ترى عمرنا ماهو بيدينااعزمي المرواح يا بنت والفي علينا )
عاد انا شفت الدعوه بها قصايد وبها تصريف اثر الشيبان مبتلشين يبون الزواج
قلت يا لؤي << يزهم ابوه ( ماهو قايلكم من اليوم صاحبه )
ورى ما نقلب على ( الهوت بيرد ) قال ايه اقلب وانا ابوك خلنا نشوف اخبار الاسهم قلت ابشر
هالحين تشوف الاسهم اللي دوم مخضره ومرتفعه وارعص زر الريموت على قناة ماجنه ملعونة
ثوى يقالك هالحين امون عند الوالد وأول ما قلبت على القناة مدري وش صار بي
ما حسيت إلا وانا في المستشفى مخيطين رويسي بعشر غرز
النهااااايه
المواضيع المتشابهه
هجولهـ شيبان؟؟؟
العرض المتطور
