اصعب سؤال ؟؟

[نايف فهاد]

قصيدة للمبدع محمد جارالله السهلي ..



( اصعب سؤال ) اللي جوابه للأسف مثله ( سؤال ) !!

...................... ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )

.................. كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!

.................. لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال

................. اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال

.................... لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال

............... انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال

.................... لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال

............... وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال

.................. لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال

...................... وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال

................... واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )

............... ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال

................. يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال

............... للحب واحساس القصيد ان عانق الليل وسريت ..

ربي يصبرني على الفرقا مدام الحظ مال

............... وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))

.............. واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )

................ لا قلتلي ( وش ذكرك ؟ ) ثم قلتلك ( متى نسيت ؟ )


ولـــكــم خـــالــص أحتـــرامـــي وتــقـديـــري

[دخــــٌيل]

صح قلبك يبو فهاد..


الله لايهينك وصح لسان السهلي.. واختيارك دايم ممتاز..


وامانه فالك التوفيق..

[السـبيـعـي]

[glow=FFFFFF][align=center]صـح لسـان السهلـي

ولاتهـون يأبوفهـاد على نقـلك وأختيـارك

دمـت بخيـر[/align][/glow]

[كاتم الاحزان]

صح لسان شاعرها

الله لايهينك على هذه الرااائعه

مشكور والله يعطيك العافيه


لك خالــــــــص تحياااتي ،،،

[نايف فهاد]

اقتباس صح قلبك يبو فهاد.. الله لايهينك وصح لسان السهلي.. واختيارك دايم ممتاز.. وامانه فالك التوفيق..

صح إيــه ؟؟ !!! ..


ومن قال مايهون .. ومرورك هو الاميز ..


ومشكور على المرور يالغالي ..

[نايف فهاد]

السبيعي ..

اقتباس صـح لسـان السهلـي ولاتهـون يأبوفهـاد على نقـلك وأختيـارك دمـت بخيـر

ومن قال مايهون ..


وشاكر لك مرورك المميز ..

[نايف فهاد]

كاتم الاحزان ..

اقتباس صح لسان شاعرها الله لايهينك على هذه الرااائعه مشكور والله يعطيك العافيه لك خالــــــــص تحياااتي ،،،

ومن قال ..


شاكر لك مرورك المميز ..

[أبو فهاد]

صح لسان محمد السهلي .. ومشكور على النقل ..

[نايف فهاد]

هلا وغلا أبو فهاد ..


شاكر لك المرور الرائع ..