[align=center]" السلام عليكم ورحمة الله وبركاته "[/align]
[align=center]::[/align]
[align=center]مصيبه .. مصيبه .. مصيبه // إذا أكتشفت أنّ طيبتكـ كانت سبب في أنّكـ تقف بموقف الـ " غبـي "[/align]
[align=center]::[/align]
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
اللي يقول أن الجهل سبّة إشكال=أنا أقول أن الجهل .. به غنيمه
:
يعمي عيونك عن مشابيك الأنذال=ويحسّن أنظارك بناس(ن) سقيمه
:
البارحة // ليلي من مصيبتي طال=ليلة حزن !! فضّت على الخد غيمه
:
أسبابها / أن الجهل للأسف زال=وأني كشفت أحوال "ماهي سليمه"
:
كنت أحسب أن أحوالنا دائماً عال=وأن الغلط ذنب وعقوبه وخيمه
:
أثر الزمن ما تعجبه طيب الأفعال="والنفس لا طابت تسمى غشيمه"
:
كنت أحسب حساب القرايب والأطفال=وياللأسف كنت بنظرهم ( . .ـيمه )
:
قرّبتهم ! وبحزنهم مدمعي سال=وياللأسف // راح النديم ونديمه
:
نمت وحلمت بشيء لا يمكن يقال=هز البدن شوفه وولّع جحيمه
:
شفت الورود اللي بعيني // على حال=ما يطري فـ بال العقول الرحيمه
:
ورد(ن) وحاله غير عن كل الأحوال=شكله يسر / وباطنه دون قيمه
:
سهل(ن) وصوله / وأغلب الوقت ميّال=وأطيابها زينه / ولكن عديمه
:
بس المصيبه ما طرت لي على بال=أن الورود وجيه "ناس(ن) حشيمه"
:
صحيت من نومي وجرّيت موّال=من قلّة الحيله وشين القسيمه
:
وشلون ما ميّزت من بين الأزوال ..؟؟=زول البريئ / وزول راعي الجريمه
:
الظاهر // أن مالي بهالدار منزال=والظاهر // أن مابه عقول(ن) فهيمه
:
يا ليتني "جاهل" .. ولا شفت الأهوال=كان أسترحت من "القهر والظليمه"[/poem]
[align=center]::
تأخّرت كثيـــــ ـ ـ ـ ر .. !!
::
ماجــد المـــري[/align]
المواضيع المتشابهه
[/align][/align]
العرض المتطور
