زواج بالصدفه..؟ عبدالله شاب طيب وعلى نياته وكان محبوب من ربعه ولكنه فقير ... وسهام بنت حلوه وحبوبه..... وفي فصل الربيع كعادتهم قرايب سهام وجماعتهم يتجمعون سنويا عند ابو سهام ويخيمون ويقضون العطله في المخيم انتهت العطله وقام ابو سهام وقرايبهم يجمعون اغراظهم ويستعدون للرحيل وكانت الساعه الثامنه ليلا ومع الحوسه والاغراض والعفش تعبت سهام وغطت في نوم عميق ...... فتحت سهام عيونها وكانت لحالها في البر ...؟ قامت بسرعه تناظر يمين يسار مافيه احد ابو سهام كان يظن انها راحت مع احد اعمامها وعمامها يظنون انها مع ابوها وراحو وتركوها مسكينه ياسهام سهام جلست في مكانها بدون حراك مرت الساعات ولكن ماحد رجعلها . ناظرت سهام وشافت نور بعييييييييييييييييييد عنها ترددت سهام وقالت ليه ماروح اكيد بلقى احد يساعدني وتوجهت سهام بتجاه النور خطوه ورى خطوه مره تركظ ومره تمشي ومره توقف هذى النور كان نور مخيم شباب وكانو في حالة سكر شنيعه ماعدا شخص واحد وهو عبدالله .....................وصلت سهام للمخيم وكان فيه شخص واقف برا المخيم يغسل ابريق شاي تقدمت نحوه سهام وقالت السلام عليكم .. الشخص هذا اول ماشاف سهام حط رجله داخل الخيمه وهو يقول ياشباب صيده برا ...؟ وكلهم راحو يشوفون الصيده هذي اللي برا وش تكون .......... طلعو برا المخيم وماصدقو عيونهم بنت في المخيم اخر الليل ....؟ قالت سهام انا ضايعه هنا واهلي راحو واتركوني الله يخليكم انا داخله على الله ثم عليكم شوفولي حل ........... الشباب قامو يناظرون بعض وقال واحد منهم وهو يظحك الحل داخل الصندقه هههههه صاح عبدالله وقال ولا واحد منكم يلمسها ... وقالوله ماهي على كيفك يابطل المهم كلمه من هنا وكلمه من هنا وصلت المساله لمد اليدين بين عبدالله وربعه وسهام متسمره في مكانها حوالي ساعه ... المهم تعب عبدالله من الرفس والظرب وقدر يتملص منهم واخذ سهام وركبها في سيارته المتواضعه وانحاش وهم وراه بسياراتهم ..... عبدالله اطفاء الانوار وظيعهم في البر وبعدها شغل الاظاءه الداخليه وكانت عينه وارمه وسنه مكسور وهو يناظر لسهام ويظحك ويقول شوفي وش سويتي فيني ههههههههه وصل عبدالله وسهام لبيت ابو سهام .... نزل عبدالله وسهام جالسه في السياره ... عبدالله دق الجرس بس ماافيه احد طلع ولد الجيران وقال ابوسهام في المستشفى الله يعينهم بنتهم ضايعه وامها في المستشفى تعبانه .... رجع عبود للسياره وماقال لسهام اي شي راح للمستشفى وقال لسهام خليك في السياره ............... توجه عبود لقسم الطواري وشاف رجال جالس وباين عليه الهم والتعب وقال السلام عليكم انت ابو سهام ؟؟ ابو سهام كان جالس وقام وقال معاك ابو سهام قال عبدالله بنت معاي في السياره ....... تغيرت ملامح ابو سهام وقال وش صار بينكم اكيد انت خاطفها من المخيم و و و و و قاطعه عبدالله وقال بنتك مافيها شي معززه ومكرمه واذا راح تفكيرك بعيد بيني وبينك فحص المستشفى .... في هذي اللحظه دخلت سهام وعانقت ابوها وحكتله اللي صار عن المخيم والشباب وشهامة عبدالله ........ ابو سهام مد يده في مخباة عبود وطلع منها 21 ريال وقال لعبدالله هذى مهر سهام وهي زوجتك على سنة الله ورسوله ................ السؤال هنا لوكنت مكان عبدالله ياترى بتسوي مثله ولا لا.................. بنــــــــــــــــدر
المواضيع المتشابهه
العرض المتطور
