السلام عليكم ورحمة الله وبركاته
الأخوة والأخوات الكرام ..
من إبداع إلى إبداع .. ومن تميز إلى تميز
الشاعر المبدع
( مطلق النومسي )
يحلق في سماء ( هلا فبراير ) ليلة البارحة ( الاثنين )
ويرمي قنبلة الموسم ـ لكل متابعي الساحة الشعبية
ولكل من يشكك بشاعرية مطلق النومسي
( وهذي جماهيري يا ناصر وعينك تشوف )
إليكم القصيدة بصوت مطلق النومسي
وتسجيل خاص لمنتديات الرائدية
للاستماع
[rams]http://www.alraidiah.com/rid8/mtlak/mtttttt.mp3[/rams]
للتحميل اضغط يمين الماوس ثم حفظ باسم
..
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لمثل هـذا اليـوم يـا ناصـر يحـدن السيـوف=وحنـا رجـال ٍ بالمواقـف مـا تغيـب سيوفهـا
وأنا ليا من جيت بيـن النـاس شاعـر ومعـروف=الحمـدلله مـا طلبـت مـن العـرب معروفـهـا
وإليا بغيت اغيب ما احط العـذر فـوق الظـروف=أغيب من كيفي وكيـف النـاس حسـب ظروفهـا
وإن شفت ملزوم الوقوف وشفت ممنوع الوقـوف=أقـول نفسـي مـا تحـدد لوحتـيـن وقوفـهـا
ما أعرف حد إلا السمـا والأرض مليانـه زروف=والبحر سطحه فوق الأرض وتحت الأرض وجوفها
وإن شفت بحر الأرض تسبـح في سكـان الكفـوف=اسبح سمـا مـا بيـن حبـات المطـر وقنوفهـا
اعشق بلوغ المستحيل اللـي بالأخطـار امحفـوف=وإن خافـت عيونـي لهـا قلـب يبـدد خوفـهـا
طيري يا عيني في عيون الشمس وإن جاها كسوف=شدي عيون النار كـان الشمـس طـال اكسوفهـا
والنار لاصارت رماد ونامت عيون الضعوف=ترفعي عن نومة نذال العرب وضعوفها
ياطيبها واقفى على عزه وتبديله ...=خير من وقفه يدربها الرجا ويعوفها
وانا واللي يقدرني على راسي من فوقه الكتوف=والناس ماتدرك رضاها لو معك مصروفها
وانا معي شعر وفكر واهداف وابعاد وشفوف=وقلب رضي ماعذرب الدنيا وسب صدوفها
ولا اقول مثل الناس ابحط النقط فوق الحروف=اقول ابخلق لي نقط بين النقط وحروفها
شاعر يهيضني صدى الصاله وتصفيق الكفوف=واحرص على تجميل مرسل دعوتي بظروفها
على الهواء يا ناصر كريدي ولك عين وتشوف=هذي جماهيري وشفني وإن حضرت تشوفها
اجملك وانا ابن ابوي ولاعلى الغيبه حسوف=واجمل شيوخ البلد واهل البلد وضيوفها
واللي مايحمي كلمته عده زهوف وابن زهوف=انا حشا ماني من ختوش العرب وزهوفها
الى هنا واستأذنك واستأذن كبار الضيوف=بغير الموضوع وارد الكتب برفوفها
برسل انفاسي سلام جلال لعيون الهنوف=واللي تزخرف من حروف اسمي طرف نفنوفها
كأني اناظرها ورى الشاشه ومتعبها الوقوف=وان صفق الجمهوور حطت حيلها بكفوفها
فديت وشاة موقد نار غيرتها وهي خلقه عيوف=وادناة كلمة معجبة تحرق جوفها
فديت غيرتها وغلقتها وخافقها العطوف=وفديتها من اظفر اصبعها لحد كتوفها
دايم تحب تشوفني على مقدمة الصفوف=حتى ولو كانت بعيدة والفراق يلوفها
فراق تعبنا ولا اظن التعب فيه مخلوف=انا ضحية شهرتي وهي بلشت بظروفها
لكن وعد لاساعد الله وانقلت بعض الظروف=اني لاجي ومن دونها الموت الحمر واشوفها
[/poem]
المواضيع المتشابهه
العرض المتطور
