.
.
من غاب صوتك .. عن مدى السمع كنـّـي
... ارسم على لوحة غلاك .. اندهاشــي
لو شفت صدري كيف من رحت عنــّـي
... في ذمتي ما كن ّ .. وسطه و لا شي
كيف انتوادع و انت فيني .. و منــّـي
... يااغلا من الزلــّـه على قلب .. واشي
لابد ّ اعاف النوم لا نمت .. لنـّـي
... انثر طواري غيبتك في .. فراشي
و اصحى و في بالي سؤال امتحنــّـي
... وشلون .. اقاسي نظرتــك و انت مـــاشي
00
يا ضيقة الفرقا على البال .. حنـــّـي
... و اليا لمحتي دمع عيني .. تلاشي
عيب ٍ على مثلي يطيح .. و يونــّـي
... و انا البداوه عيشتي .. و اعتياشي
عايش و اجاري هالزمن و ادري انــّـي
... اخفي معالم ريبتي .. و ارتعاشــي
00
يا ليت قلبك يوم غاب و طعنـــّـي
... يذبح غلاك و يقبره وسط .. جــاشي
دام الليالي .. عن وصالك غشنـــّـي
... مابغى يموت العشق بايدين غــاشي
يمكن لو انهيته بايدينك .. اغنـــّـي
... و اعلن على سمع العذول انتعـاشي
بكذب على احزاني معاك .. و كـأنــّـي
... اكبس على شمس الضحى .. في فلاشي
اي والله اكذب كان قلت امتهنـــّـي
... شفني غريق بضيقتي .. و ابتلاشــي
00
وا ذكريات ٍ لا طرن .. عذبنـــّـي
... وا صبري اللي راح كله .. بلاشي
وا قلبي اللي حب ّ من صغر سنــّـي
... ما حصــّـل بدرب المحبـه .. معاشي
اخيل مزنك مرتقب .. و امتعنــّـي
... لو ما لمزنك .. فالنواظر مناشي
ابسألك بالله
ابسألك بالله ... لا رحت عنــّـي ,,
.... وشلون ابنسـى نظرتـــك و انت ,, مــــــــاشي
.
.
محمد غنام الشمري ..
المواضيع المتشابهه
أبسألك بالله ...} محمد غنام الشمري ..!!
العرض المتطور
