ممكنـ حضنـ يضميـ .. ؟؟

[فتى الأحزان]

[align=center]السلام عليكم ورحمة الله وبركاته
وأسعد الله جميع اوقاتكم

في الحقيقة لا يهمكم عنوان الرسالة
انا مدرس جديد وجاء تعييني في محافظة الخفجي.. وانا محتاج سكن
مثل ما انتو عارفين ... لكن هناك مشكلة هي أني (( عزوبي))
فهل من الممكن تعرفوني وين مكان شقق أو غرف للعــزاب اقدر اسكن فيها ؟؟

وتقبلوا تحياتي
وخالص تقديري[/align]

[غلفص]

حياك الله بين أخوانك !!

تعال قبل الدراسة بخمسة أيام وراح تسنع نفسك ان شاء الله !!

أمحق حل صح !!

الزبدة دبر عمرك !!

[فتى الأحزان]

[align=center]اهلا وسهلا بالجميع
أخوي/ غلفص
مشكور وماقصر والله يعطيك العافية[/align]

[ابتسـ ألم ـامة]

هلا وغلا





إن شاء الله يفيدونك الأخوة من سكان الخفجي



مبروك التعيين


الله يوفقك بعملك



التدريس أمانة أسأل الله أن يعينك ويقدرك عليها




دمتم بحفظ الباري

وعلى الخير بإذن الله نلتقي


كلمــات مـن ذهـب
إياك والعجلة

إياك والعجلة فإن العرب كانت تكنيها (( أم الندامة )) لأن صاحبها
يقول قبل أن يعلم ويجيب قبل أن يفهم ويعزم قبل أن يفكر ويقطع قبل أن يقدر
ويحمد قبل أن يجرب ويذم قبل أن يخبر
ولن يصحب هذه الصفة أحد إلا صحب الندامة واعتزل السلامة

[فايز العنزي]

حياك الله

مبروك التعيين على العموم فيه شقق بس الاهم قرب الشقه للمدرسه تختصر لك الشي الكثير في المستقبل يمكن تتعطل السياره واختصار لمسافة الدوام دور اقرب شي للمدرسه وحنا حاضرين بس اذكر اسم المدرسه ونقول لك اقرب الشقق لها

[سامي الشمري]

مبروك التعيين أخي الكريم



و أهلاً بك في محافظة الخفجي



و الشقق وااجد .. بس لازم تجي بدري قبل الدراسه

[نايف عايد]

هلا وغلا اخوي وحياك ..

الف مبروك التعيين هناك شقق كثيره السنه الماضيه قمت بحجز شقه لأحد أقاربي هو من خارج الخفجي شقه متواضعه للعزوبيه 1100 ريال موقعها بسوق الذهب تحتها محل الفواحه وهذا مع التخفيض أما السنه هذه فلا نعلم كم أسعار الشقق ..

لكن الشقق كثيره وتكون هنا بالخفجي قبل بداية الدراسه بشهر لتحجز الشقه قبل الزحمة أما أذا كنت تريد رقم مكتب لدية شقق فأنا حاضر لكي تتفاهم معاه لكن أين موقع مدرستك لكي أبحث لك شقه قريبه.


تحياتي لك واشواقي..

اخوك نايف عايد

[عافت زويد الشمري]

لله يحييك اخوي ... ومبروك التعيين .

بالنسبة لشقق العزاب فهي متوفره ولله الحمد ... لكن أسعارها غاليه شوووووووووووي .

مايهم حاول تجي قبل بداية الدراسة على الأقل والأخوان ماراح يقصرون معاك .


تحياتي

[فتى الأحزان]

[align=center]اهلا وسهلا ..بالجميع
ماقصرتوا ويعطيكم العافي

اختي/ إبتسامة ألم.. الله يبارك فيك
والله يعينا على حمل هذة الامانة ونؤديها بكل صدق واخلاص

اخوي/ فيز العنزي.. الله يبارك فيك
وبيض الله وجهك يالنشمي ,,, أما بخصوص المدرسة
فحسب التوجيه الذي تلقيته من ادارة التعليم إسم المدرسه: ثانوية الخفجي

اخوي/سامي الشمري...الله يبارك فيك
وانشاءالله بأجي اكيد..لكن ابي معلومات عن اماكن الشقق في الخفجي

اخوي/نايف عايد.. الله يبارك فيك
بخصوص الشقة اللى تتكلم عنها ما اعرف موقعها عن المدرسة,,لكن
المدرسة اللى وجهة لها مدرسة: ثانوية الخفجي.. بالقرب من محكمة الخفجي (على حسب الوصف اللى جاني).
أما بخصوص ارقام المكاتب اللى قلت عنها والله كذا تسوي فيني معروف ما انساه..على الاقل تكون عندي معلومات ولو بسيطه عن الاسعار ومواصفات الشقق او الغرف في الخفجي ..والله يعطيك العافية وماتقصر

اخوي/الكاتب الجديد.. الله يبارك فيك
والله يعطيك العافية تقول اسعار شقق العزاب غالية يعني توقعاتك كم اسعارها في السنه؟ وهل كلها على نفس المستوى(يعني تفصيلها واحد او يختلف اختلاف كبير)؟ وشكرا


للجميع بالنسبة للمدرسة اسمها :(ثانوية الخفجي) بالقرب من محكمة الخفجي(على حسب الوصف اللى جاني -في التوجية-)
والله يعطيكم العافية وماقصرتوا بيض الله وجيهكم
وشاكر ومقد جهودكم وحرصكم واهتمامكم

وتقبلوا تحياتي
وخالص تقديري[/align]

[عزيزوغالي]

اقتباس المشاركة الأصلية كتبت بواسطة فتى الأحزان [align=center]السلام عليكم ورحمة الله وبركاته وأسعد الله جميع اوقاتكم في الحقيقة لا يهمكم عنوان الرسالة انا مدرس جديد وجاء تعييني في محافظة الخفجي.. (( عزوبي)) [color=#FF0000] [/align]

ممكنـ حضنـ يضميـ .. ؟؟ ........................................... الله يستر.................................. "أه يالتعليم" ....................................!!!!!!!