هذا موضوع يحكي براءة الأطفال, وأجوبتهم الغريبة والخيالية أحيانا ً
شاركونا , <~ مقدمة النهاية ..
:
:
:
:
اختي تشرح لأخوي الموت,
وتقول له تدري إن كلنا بنموت وما في أحد بيبقى ..
قال : نصابة
:
:
:
:
أمي له أسبوع تقول لاخوي: ياوليدي رح ذاكر,
كل يوم, المهم بنهاية الاسبوع, سافرنا للشرقية
تعرف عليه واحد وقال له: أنت من أهل الرياض ؟
قال اخوي: ايه
قال الولد : حتى أنا, أنتم وين ساكنين
قال أخوي: حنا بالسويدي <~ دليل الفهاوة الزايدة اللي تقووطر
طبعا كان اخوي يقول السالفة هذي لاهلي بالسيارة وحنا نسمع
قال له امي : وأنت كل من تشوفه تخق له كل شي !!
تلقاه يقول وش هالغبي كل ما سألته مجاوب,
كل ما سالك سؤال على طول تجاوب ؟
قال: ايه مذاكر
:
:
:
:
ولد خالتي توه داخل المدرسة, وخايف ورافض إنه يداوم
فـ راح معاه ابوه للمدرسة, عشان يشجعه, ويبعد عنه هيبة المدرسة
ويوريه الساحة, ودورات المياة - وأنتم بكرامة - والفصول
إلين وصل لفصل ولده
قام قال له باسلوب تشجيع : شششففف هذاااا فصلللللك
طاااوللاااات,
وكرااااسي
وسبووووورة
قام ناظره ببرود واستحقار: طيب وراك متحمس ؟
:
:
:
:
مرة وحدة ولدها ماشاءالله ياكل كثير,
وكان حاط صحن الحلى قدامه,وياكل وياكل
قالت له: ترى مب رز !!
قال : أحسبه رز << ياحرااام تفشل ^^..
:
:
:
:
جاني أخوي صغير يسألني إذا أباشر عليهم وأعشيهم من حسابي
قلت : من عيوني
راح شوي, بعدين رجع لي : يعني إيه وإلا لا
<~ هذا دليل إني أول مرة أقوله
:
:
:
:
اخوي يقول لأمي: ماما تكفين ادعي لي إني أصير أعرف العب بالسيكل
قال اللي أصغر منه بفهاوة غريبة: ماما لا تدعين لي, انا اعرف أفحط
:
:
:
:
اخواني صغار, واسولفهم مهعم
قال أخوي: إذا جيت تدخل الحمام تقول : ( اللهم إني أعوذ بك من الخبث والخبائث )
وإذا خرجت تقول: ( غفرانك )
قلت : شاااطر ماشاءاالله عليك بطلل
طبعا أخوي اللي أصغر منه, حس إن هذا مب أذكى منه عشان يصير بطل
فقال: إذا جيت تدخل الحمام تقول : ( اللهم إني أعوذ بك من الخبث والخبائث )
وإذا طلعت منه تقول : ( شكرا ً لك )
تراني قلت له شاااطر بعد
:
:
:
:
مرة أخوي يكلم خويه يسأل عن الواجب
قام يسأل وش قاعد تسوي, ؟ صح قاعد تلعب بلاي ستيشن ؟ شريط درايفر ؟ مين اللي يتضاربون ؟ باي صف ؟ يضرب أختك ؟؟ مين اللي صفق الثاني ؟ أخوك صفق أختك ؟
قلت : ما صار سؤال عن واجب, تسأل عن أحواله
سكر منه, ودق على خوي ثاني
وتروع من الصوت, وقال : (يـ)ـمكن محمد ؟
قال له : ايه ممكن
ورجعت حليمة لعادتها القديمة, قام يسولف بعدين قال: ما تدري مين انا ؟؟!
ياسبيكة تسولف معي ولا تدري مين انا؟
طيب وشو حل الواجب
يووه صعب خلاص أرسل الدفتر مع السماعة هاهاها
من بعد شوي, قال لحظة أبهاوش خواتي <~
قال بصوت واطي بعيد عن السماعة : قصروا أصواتكم تراكم فشلتوني
قلت الصراحة إنك هزأتنا
:
:
:
:
مرة كنا بالشرقية ونمتشى, والظاهر فيه ناس جوعانين بالسيارة ويدورون اي مطعم عشان يقولون وقفوا عنده
الزبدة انهم شافوا ( برجر كنج )
طبعا من الحماس قال : ( برجر " كـَ نـَ ـجْ " ) بحرف الجيم لو سمحتوا
طبعا ً ما أحد يفهم وش يقول وسافهينه لأنه فجأة استلج
يوم استوعبت أنا قلت: اهاااا برقر كنق, يهووودي ترااه
قال ايييه ابيي يهووودي
<~ ماصدق إن أحد عطاه وجه, اللي هووو
:
:
:
:
دخل علي أخوي ذاك اليوم بآخر الليل, نصه نوم ومتوهق عنده واجب
يطلب منه ( جملة مفيدة ) في كلمة " جوعان "
قال ناظري صح علي
أنا قريت وش مكتوب مت من الضحك
؟؟؟؟؟؟؟
[ قال الأول: أنا جوعان ]
وغاشها من القطعة هو وجهه
:
:
:
:
صديقتي يوم إنها صغيرة, ابوها قاعد يشرح لها,
وأختها جالسة على الكنب قدامهم
يوم شافت إن أبوها منزل راسه على الكتاب ويكتب ويشرح ومب يمها
رفت راسها لأختها اللي بالكنب, وقالت بهدوء: تحديني أطلع لساني على أبوي
وطلعت لسانها,
تقول وأنا أطلع لساني ابوي رفع راسه فجأة بوجهي
نشب لساني, عجزت أدخله من الروعة <~
مادريت إلا جادع الكتاب ويصرخ: انقلعي
تقول أنا أفكر: عادي بس طلعت لساني ماسويت غلط !
:
:
:
:
اخو صديقتي فارس صغير, يسولف على بنت خالته جود
أول ليلة رمضان سمع أهله يقولون بكرة بيجي رمضان,
يقول له بكل جدية وذكاء وحنكة:
جود جود حنا بيجي بكرا عندنا رمضان ينام عندنا وانتم بيجي لمكم ؟
قالت جود:: لا بس اذا جا لمكم قل لي عشان اجي
المواضيع المتشابهه
تقليعات عفوية
العرض المتطور
