ياأصدق الدمـع هـلّ وجّـدد أحزانـي
يا أصدق الدمع هـلّ وهـلّ واعمينـي
مـادام خلّـي جـرح قلبـي وبكّـانـي
هّــل وتنـثّـر وبكيّـنـي وبكّيـنـي
علمي بنفسي معـه أضحـك وينهانـي
يقـول وقًـف أبشرحلـك مضامينـي !
أنا أعشقك حيل واللـي فيـك أغرانـي
أنا أعشقك حيل ( ركُز بالسبب زيني ) :
(صوتك يذكّرني بحـب ٍ مـن أزمانـي
وحتـى بكاكـي بنبـراتـه يناديـنـي
مـن ذبذباتـك تعلّـق فيـك وجدانـي
وأصبح أسير لشبح ماضـي يخاوينـي)
ونفس الشقاوه وطيـب القلـب خلّانـي
امـوووت لوتبعـدي عنـي وتنسينـي
خيّـم علـي السكـون ولعثـم لسانـي
مات الحكـي وانتثـر دمعـي يواسينـي
وطاحن صروح الأمل واحد ورا الثانـي
واجتاحت جيوش يأسي عـرش غالينـي
أنا الضحية !!! وجـلاّدي وسجّانـي ..
من كنت أظنّه فيوم أصدق محبينـي !!!
أنا ... أنا هـي ؟؟ أو طيفـه تغشّانـي
أو أني احلام صعبـه عاشهـا فينـي !
أنا أنا هـي ؟؟ أو طيـف أول إنسانـي
عاش وتوفى وجثمانه وسـط عينـي !
تناسـخ أرواح وألا أفكـار شيطـانـي
قامـت تنازعنـي اهجوسـي وتغرينـي
مدري لها القلب وألا بجـد يهوانـي ؟!
ضاعت ملامح غرامه بينهـا وبينـي !
لاتقول زلة لسان اخطيـت مـن شانـي
بعض الخطا كفّـه بوجهـي يصحينـي !
خـلاص ماهيـب مثـل اول ترّضانـي
ماهي بلعبة عيـال ازعـل وترضينـي
المسألـة غيـر خبـرك لا ترجـانـي
ان طاعك القلـب ... عافنّـه شرايينـي
ذي عـادة الوقـت يالغالـي ألا شانـي
ماينفعك لو زعجـت الصـوت بهجينـي
ماقلت لك روح ياأبن النـاس وانسانـي
ولاقلت لك ذوق طعم المـر واسقينـي !
ولاقلت لـك وقّـف بدربـي تحرانـي !
ولاقلت أرجـوك أعشقنـي وصافينـي !
( جابتك الأقـدار ماجبتـك لبيبانـي ) !
شـي مقـدّر أحبـك وانـت تغليـنـي
لاترفع الصوت تكفى أرجـوك يافلانـي
أنـا مـن المـوت أقـرب لا تنادينـي
فـي غرفتـي أنتظـر وأرتـب أكفانـي
وأن غابت الشمس قلت آمين وآمينـي
ياعل ماتشـرق بعينـي ألا انـا فانـي
ياعـل ماتشـرق ألا المـوت حادينـي
تعبت مـن همـي وضيقـي وحرمانـي
( وتعبت من ناس مهنتها ... تبكيني )!!!
وتعبت مـن دنيتـي وحـزن ٍ تحدانـي
وتعبت تمسـح كفوفـي دمـع عينينـي
وتعبت مـن قولتـي : يابنـت لاتعانـي
بكره تزين الليـال وتضحـك سنينـي !
لا زان وقتـي وهمّـي صـار ديّـانـي
ماغيـر دمعـي أسلـيّـه ويسليـنـي
ينـزل علـى كفـي الدافـي وينخانـي
وأصيح يادمع تنخى؟وش فـي إيدينـي؟
أطلق رصاصة علـى قلبـي وجافانـي
راح وتركني جريحـة مـن يداوينـي ؟!
يآآآضيعة العمر يآآآ بلواي ياآآحزانـي
يآآآ رحلة الهم ويـن أول عناوينـي ؟
أنا أعترف بالخسـارة وانـت كسبانـي
عجزت لاأنسيك حبّك بس ... نسّينـي !
ياوالي العـرش فـي عطفـك تولّانـي
وأنزل علـى قلبـي الرحمـة وعزينّـي
المواضيع المتشابهه
العرض المتطور
