يا ليتني حاكم على معظـم النـاس
والله لأجيب اللي بعـد كـل ناسـي
واروح انا ويـاه لنـدن وتكسـاس
وناخذ لنـا جولـه وفيهـا وناسـي
واليا مشينـا حولنـا كـم حـراس
وجعل الوجيـه المفلسـه للفلاسـي
هذا مُنى روحي ولو كـان هوجـاس
تاخذنـي السجـه واطيـر عماسـي
مير استمع مني وانا حـر قرنـاس
واخذ الكلام اللي كما الضلع راسـي
لا حاصت الدنيا ولا ضاقت انفـاس
ما انته بشايف غير راسك وراسـي
والله قايلهـا وانـا رافـع الــراس
ولا قلتها يا كود مـن قلـب قاسـي
قاسي لا شاف الوضع بالحيل محتاس
و ليّن لا شاف الوضع ما به نكاسي
يا روح روحي يا بعد كل الاجنـاس
ياللـي ملبسنـي ثيـابً قيـاسـي
ولبستهـا تـاجً مرصـع بالالمـاس
وجلستها من فوق سبعـة كراسـي
باني لها قصرً بقلبي علـى سـاس
كبـر الجبـال النايفـات الرواسـي
تامر وتنهي فيـه مقرونـة الـراس
وعندهـا سايـق يسـوق التكاسـي
وليا بغت تطلع على السوق لا بـاس
تشري لها كحل وعطـور ولباسـي
عندي خبر فيهـا تحـب التونـاس
عوبا خجولـه هرجهـا دبلوماسـي
رفلـه وطيّـوره وملـزوم تحتـاس
خبلـه حكيمـه بالكـلام السياسـي
حلوه ودلوعـه وتاخـذك بسيـاس
وعيونهـا خرسـا كبـارن نعاسـي
و لها قذلة شقرا لا هـب النسنـاس
قامت توامـى والهبـوب انتكاسـي
والطول ما به شك طـولً ومقيـاس
متوسطـه مستعدلـه بمتسـاسـي
وعذروبها لا صارو النـاس جـلاس
هـي الطويلـه بينهـم بالمقاسـي
والخاتمه مني من الـراس للـراس
جتك القصيده من هواجيـس راسـي
المواضيع المتشابهه
العرض المتطور
