السلام عليكم ورحمة الله وبركاته
مساء الخيرات
بما اني مبطي عنكم
قلت مابي اجي ويدي فاضيه
وجيت ومعي قصيده
واتمنى ان تنال ع اعجابكم
الناس تنشد عن وفا الناس للناس
والكون غايم بالنكد والتعاسه ...
والانفس القشرا مفاليس وإفلاس
والحظ الآقشر يصتدم بالخساسه ...
نظرة تشاؤم او تمٌرد للأحساس
بين إنفتاح الجو ولا عماسه ...
تعبت آرسم للأمل طاحت الفاس
بين العقول المشبعه بإنتكاسه...!
النيه البيضاء مضامين وآلماس
تتعب تدور للعقول إحتراسه ...
الواقع الأغبر يزيدك بوسواس
والوضع عادي مايبدل حماسه ...
يالله تنجي طيب الذكر والساس
اللي تونس صحبته وإلتماسه ...
زحمة مشاعر والقواميس نبراس
تفضح مفاهيم الفكر والدراسه ...
ليه الكلام رخيص والجرح دساس
ووقت الصراحه تنتهي بإختلاسه...
يسعد مسا جرح القرايب والأجناس
ويسعد صباح الحب بعده وناسه ...
الجرح يشبه حٍدته رمح جساس
يومه يسدد طعنته بإفتراسه ...
والغبن هم وصار بالبال هوجاس
يمسي ويصبح في هجوم وحراسه...
ياللي تعاند واقعك ارفع الراس
وجرب تطيع الوقت واقنع مقاسه...
وحٌد قراراتك بعٌزه ونوماس
واسلك طريق الخير واترك يباسه ...
ان صار حب وود واحساس لاباس
ولا مفارق طيب صدق وسلاسه ...
ابيات شعرٍ تضرب اخماس واسداس
والحرف غارق بالعتب والشراسه ...
المواضيع المتشابهه
العرض المتطور
