طَبخآت لـ وقت الأزمآت .. ~

[goree]

- تراميسو -

المقادير :

" أ "

1 ونص كأس ماء
4 ملاعق حليب بودرة
2 باكيت كريم كراميل


" ب"

1 بسكوت شاي الكبير أو 2 من الحجم الصغير.
1 علبة قشطة
1 ملعقة نسكافيه
1 كرتون كيك اليمامة
شوكولاته بودرة مرّة "


الطريقة :

- نجمع مقادير " أ " وتحرك وتوضع ع النار لين ماتغلي مع التحريك | لازم تغلي !
- توضع مقادير " ب " في الخلاط ويصب عليها " أ " | بعد غليها وتخلط جيداً .
- يفكك كيك اليمامة بحيث يكون الجزء الخارجي من الكيك للأسفل .
- نصب الخليط على الكيك ثم مباشرة وهو حار
نقوم بنخل الشوكولاته البودرة بواسطة المنخل الناعم فوق سطح الحلى.
طبعاً ليه وهو حار ؟ عشان يكون شكله مثل الشاموا
- يترك 10 دقائق دون تحريك او نقل من مكانه حتى يتماسك .
- ندخله الثلاجة ويترك الا موعد التقديم .

</B>




- الفّتة | سلطة -



المقادير | ..


- حزمة خسّ .. مفروم بشكل طولي ,
-حزمة بقـدونس .. مفروم ,
- مكعبات باذنجان مقلي ,
- مكعبات بطاطس مقلي ,
- حمصّ حبّ " تبع البليلة "


الصوص للوجه | ..

- 2 زبادي .
- ملعقه مايونيز .
- ملعقة طحينة
- عصير ليمونة .


الطريقة | ..

- نحط الطبقات كالتالي بصينية التقديم ,
خس \ بقدونس \ مكعبات البطاطس + الباذنجان \ الحمص ..
- نغطي الوجه بالصوص وملاحظة كبر قريح ,
لاتحطون أي نوع بهارات مع الصوص لأن الّذة كلها بالليمون بس ..
- نرش السماك ع الوجه + قطع الخبز المحمص أو المقلي .
بكذا تـاكلون أطيبّ فتّـة :$ ,


















مقدار يكفي صينية تيفال المدوره مو الصغيره لا اللي اكبر منها "



5 حبات توست مطحون
نص كاسه سميد خشن
اكثر من النص شوي اصبع زبده

نذوب الزبده ونفرك فيها التوست ونرص ثلاث ارباع التوست بالصينية كويس
" الصينية اكون داهنتها بسمنه "

اللحين نجهز القشطة

3 م ك حليب باودر
1 م ك نشاء
كاسه مويه

نجلس نقلبها ع النار لحد ما تثقل بعدين نرفعا من ع النار ونخليها دقايق لحد
ما تبرد ... بعدها نضيف علبه قيمر صغيره ونحرك ونضيف كم برشه جبنة قشفوان
وهنا السر

,اللحين بس نضيفها ع الصينية .. ونغطيها بباقي التوست .. وع الفرن


كيكه الطبقات


كرتونه كيك شوكلاه العلايلي او بيتي كروكر
ومثلها بالفانيليا
1- تفتحين الفرن من تحت
2- تسوينهم مثل ما مكتوب في الكرتونه او اذا الكميه شويه وتبين الطبقات شوي
تسوين كيكة الفانيليا بعدين تقسمينها قسمين القسم الثاني تضيفين له بودرة شوكليت
3- تجيبين الصينيه ( ذات قاعده متحركه ) وتصبين مقدار مغرفه ( على حسب كبر صينيتكم )
من الخلطه البيضا وتدخلينها الفرن دقيقتين او 3 بالكثير بتكون استوت , تطفين الفرن من تحت
وتفتحين الي فوق بعدها تصبين الخلطه البني وهكذا ....... كل هذا وانتي جنب الفرن لا تروحين لانه
تستوي بسرعه
4- تجيبين 4 جالكسي ريبل فيه صورته فوق وتذوبينه في حمام مائي بعد ما يذوب تحطين عليه
واحد قشطه وتخلطينهم بسرعه وتصبينه فوق الكيكه وبس
عاد قبل هالمره سويت شكل فوق شخطت على الشوكلاه بالشوكه طلع وجه الكيكه كأنه خشب

عصيرالتفاح الغازي



المقادير :

تفاحه , او اي فاكهه حابتها
عصير تفاح
سفن اب
بيرة التفاح

الطريقه :

- قطعي التفاح قطع صغار

- جيبي جيك وحطي فيه العصير والسفن اب والبيره
وحطي عليهم قطع التفاح

حاولي تسوينه قبل التقديم بوقت قصير عشان ماتروح الغازات منه

بالعافيه عليكم






</B></I></B></I>

[goree]

- سلطة الزهرة -



هذي السلطة من أختراع وحده :$ ,
لكن يمي بشكل ألييييم + شكلها يواجه وكلها الوان !

المقادير | ..

- جزر مقطع بشكل طولي .
- بصل أخضر حلقات .
- كوسا مقطعه بشكل طولي + مقلية .
- باذنجان مقطع بشكل طولي + مقلية .
- زهرة مقطعة لزهرات صغيرونات + مقلية لين ماتتحمر بسّ .
- الملفوف الي لونة موف " مدري وش اسمة خخ "
- زيتون أي نوع عندكم | أنا حطيت أخضر + أسود مقطعين حلقات ,
- علبة صغيرة ذرة .
- بطاطس عيدان ,


الصوص | ..

- 2 زبادي .
- 4 ملاعق لبنة .
- ملعقة خردل .
- ملعقتين مايونيز ,
- زيت زيتون .
- ملح + فلفل أسود .


الطريقة | ..

- نخلط الخضار مع بعض ..
- نحطها بصينية التقديم ,
- ع الوجه نضيف الصوص + بطاطس العيدان .
" أنا ماحصلت بطاطس العيدان وجبت نوع ثاني يشبه له "


وبالعافية ,

- ورق العنب -



ياعالم هالطريقة تبكي من لذتها
يذوب بالفم + صغيرونات مره " بيبي ورق عنب " + حامض !
أنتحر أنـا من هالعذاب


أسهل طريقة له ع وجه الأرض + مضمونة من أول مره ..


المقادير | الحشـوة ..

- بصلة كبيرة مفرومة ناعم أو بصلتين متوسطة الحجم ,
- حزمة كزبرة مفرومة فرم نـاعم ,
- عصير طماطم بالخلاط تقديرياً ممكن 8 طماطم
أو أكثر أنتم وقياسكم وتضيفون له مكعب ماجي وهو بالخلاط ..
لان هذا الشئ الي رح ينطبخ فيه الرز بس بدون موية !
- كاس رز مصري مغسول ..
- نص كاس زيت زيتون
- بهارات + ملح وفلفل أسود ..
- للي حاب يضيف فلفل يابودره أو طازج " للنكهة السبايسي "



الطريقة | ..

- نحمس البصل بالطنجرة لين مايذبل معانا ,
- نضيف الرز المصري + عصير الطماطم ..
نخليه يطبخ 5 دقايق بس !
لين مانحس انه صار نص أستواء
- نطفي النار ونضيف الكزبرة المفرومة ..
- نضيف للخليط زيت الزيتون + البهارات .



ملاحظات مهمة + المرحلة الثانية | ..

- أول شئ ناخذ ورقة العنب الوحدة ..
ونقصها لأربع مربعات أو مستطيلين " حسب حجم الورقة "
بشكل " + " طبعاً ,
نبدأ نحشي كل قطعة ومانكثر الحشوة كثير
نحط مقدار معقول تقريباً نص ملعقة صغيرة ,
ونلفها كويس ونبدأ نصفهم بصينية بايركس مبطنة بحلقات البصل بس!
لاتحطون لابطاطس ولا أي شئ ثاني ..
لأن البصل يضيف نكهة للورق عنب خيالية ,
واذا حطيتوا بطاطس رح يمتص كل الصوص بعدين وبيطلع طعم الورق عنب بايخ !
أذا خلصنا من حشّي كل الورق عنب .. نضيف له الصوص المكون منّ ,


الصـوص | ..

- كاسين موية مغلية ,
- مكعبين ماجي
- نص كاسة زيت زيتون
- عصير ليمون " الكمية حسب ماتحبون الحموضة "


نقصدر الصينية زين زين زين !
ونحطها بالفرن من تحت ع درجة حراة متوطسة ..
ونخليه يطبخ ع راحته ممكن ياخذ مننا من ساعتين - ثلاث ساعات ,
وبعد مايخلص الطبخ لاتشيلون القصدير !
خلّوه ساعتين يبرد ع راحته عشان يكسب اللون ولايسّود وتكون والنكهة أكثر , وتدخلونه الثلاجة بعدها ..
يفُضل تعملونه قبل العزيمة بيوم ..

- البعض يحتار وش أفضل براند للورق عنب ؟

أنا أنصح بهالنوعيين ..
1- قلب الطبيعة
2- العلالي

وبالعافية ,

فته اللحم








المقادير:-
بطاطس
باذنجان
خبز
حمص
لحم مفروم
بصل
ثوم
خل
بهارات
ملح
لبن طحينة
سماق
صلصة
بصل





الطريقة :-
نقطع البطاطس والباذنجان والخبز وتقلي
الحمص يغسل ويصفى
يخلط اللبن والطحينة والثوم والملح
نطقطق اللحم المفروم مع بصل وثوم وصلصة وبهارات وملح وخل بلسمك
نضع في صحن التقديم البطاطس والباذنجان والحمص
والمفروم واللبن ورشة سماق
واخر شي الخبز المقلي

كـب كيـك التويـكس





هالطريقه حلوه وسهله وتنفع لقهوه المغربيه بعد ..

الطـريقه :

- نفتح كب كيك لوزين ويصف بالصينيه ثم يفرغ من الوسط ..

- نخلط بالخلاط ( ظرف دريم ويب + علبة قشطه + 5 حبات تويكس )

- نحشي الكب كيك بهذه الخلطه ويترك يبرد بالثلاجه قبل التقديم ..

* يجمل الوجه بالفليك المبشور والهيرشي ..

وبالعافية


كيكة بالصوص





هالطريقه اعتمدها دائما وباضافات متنوعه وصدقووني مع كل شئ تجنن بجد والنتيجه باذن الله مضمونه ..
وعلى فكره سبق نزلت صورتها بالمجلس بشكل الكب كيك ..

الطـريقه :

- بالخـلاط :

4 بيضات مع رشة فانيليا ثم نضيف كاس ونص سكر
ثم علبة زبادي ثم ثلاث ارباع كاس زيت
ننخل كاسين دقيق وملعقتين صغار بكنج باودر ثم تضاف للخلاط ملعقه ملعقه حتى ينتهي ..

- نصب الخليط في صينيه مدهونه وتدخل الفرن تقريبا نص ساعه ..

- لما تبرد الكيكه نحط عليها اي اضافه تفضلونها ..

اللي اضفته لكم اليوم هو عباره عن (2 سنيكرز + علبة قشطه / مذوبه بحمام مائي ) وتزين بخطوط من الهيرشي ..

* ممكن تقدم باي صوص تحبوه مثلا تووفي او ممكن بدون اضافات ..

</B></I></B></I>

[goree]

الجبنية

المقادير

بيضة
م ك جبنة سايلة
م ك خميره
ربع بياله زيت وزيدي عليها مويه لحد ما تمتلي البياله
شوي سكر ، شوي ملح
دقيق حوالي تقريبا 1 1/2 كاسات ..

اعجنها وتكون معاي طريه وما تلزق وافردها بدقيق واخليها ترتاح شوي قبل القلي ..



لقيمات( عوامة)



المقادير/

2 ك دقيق
شوي ملح
شوي حبة سوداء.


في الخلاط:

بيضة وحدة
1 م ك خميرة فورية
نصف بيالة زيت
1 كاس لبن
ثلاث أرباع كاس مويه
(إذا كان اللبن بارد .. تحطين المويه حاره، وإذا كان اللبن دافي يعني زي درجة حرارة الغرفة إذاً المويه نفس الشي يعني من الصنبور مثلاً)


* اخلطيهم .. و"اخبطيهم" زييييييييييين ! لمدة 5 دقائق أقل شي(ترى الخبط سر هشاشة أي عجينة)

ولفيها بنايلون .. وفوطة .. وخلي العجينة ترتاح ساعتين .

















وحـلا البف باستري
المقادير
عجينـة البف باستري مقطعـه + ( يعني 4 قطـع )
جبن كيري
والدوائر اللي فوق :
2 كاس سميد .
1 كأس سكر بودرة .
1 كأس حليب بودرة .
1 كأس جوز هند .
2 علبة قشطة .
1 اصبع زبدة .
وللتزيين :
فستق مبشور .
حليب نستلـه مركز أو شيـره .
شرايح لوز محمره شوي .
..
الطريقـه
1- تخلطين مقادير الدوائر اللي فوق مع بعـض لين تتشكل معاك عجينـه .
2- تصفين قطـع البف باستري بالقوالب وتحطين فوقهـا قطعـة جبن كيري مكعبـه .
3- تشكليـن العجينـه لكـور صغيره ( غلطتنا انو خليناها كبيره شوي ومع الفرن كبرت زياده طلعت تخرع خخخ ) فحاولي تصغيرنها قد ماتقدرين اهم شي تغطـي الجبن .
4- تطلعينها من الفرن بعد ماتتشقـر وتصفينها وتزينينهـا


</B></I></B></I>

[goree]

المقـآدير :

( العجينه )

2 كـآس دقيق
1 م سكر
نصف ملعقه خميرهـ
رشة ملح
1 بيضه
ربع كـآس زيت
نصف كـآس مـآء

( الحشوهـ )

شوكلآته هيرشي kisses اللي بـ اللوز

( للتغطيه )

نصف كـآس سكر بني
3 ملآعق قرفه مطحونه
ربع آصبع زبدهـ

( للتزيين )

نصف علبة حليب نستله
4 حبـآت جبن كيري
شوكولآته مـآلتزرز

الطريقه :

- نخلط العجينه و نخليهـآ لـ حد مـآتخمر
_ نشكل العجينه على شكل كور صغيرهـ بعد مـآ نحشي كل وحده حبة شوكلآته هيرشي
- نغمسهم في خليط الزبدهـ المذوبه + السكر البني + القرفه
_ نصفهم في صينيه الكب كيك بعد مـآنحط ورق البليسيه
_ ندخلهم للفرن لـ حد مـآيستوون
_ بعد مـآيطلعون نتركهم يبردون شوي بعدين نصب عليهم خليط الحليب المركز + الكيري
و احنا نصبه نحاول نحطه في النص عشـآن ينزل من جميع الاطراف
_ نزينه بـ حبـآت المـآلتزرز













نحتاج الى /

كاس ونص سميد / كاس حليب بودره / كاس سكر طبعا ناعم
<-- نشقر المذكورات اعلاه عالنار لين تصير شقراء

همن نضع عليها ملعقة ونص شوكولاطه بودره / ملعقه نسكافيه


ونعجن جميع المذكورات اعلاه بعلبة قشطة,,

خمن وهو حار نكوره علطول ونفتحه بالوسط ويصير زي الغضاره

همن نحشيه بالدب المرتكز بتوقيعي

صديقي الحبيب [ النوتيلا ]


ويتم التزيين فتافيت الفليك


</B></I></B></I>

[أبو الوليد]

[align=center].








الله يعطيك العافية على الموضوع المميز



لآ حرمنا من كل جديدك



ولآ عدمنا هالتواجد










::


وفقك الباري



.. .. ومضـــــــــــــــــــــة .. ..

من شجرة واحده تصنع مليون عود كبريت ..!!
ويمكن لعود كبريت واحد أن يحرق مليون شجرة ..!
لذلك
لا تدع أمر سلبي واحد يؤثر على ملايين الإيجابيات في حياتك .

[/align]

[لأجل اشتياقي]

فيه اشياء جدا خطيره

خصوصا سالفه طبقات الكيك مدري كيكة الطبقات جالسه عند الفرن وحط وشغل وحط وشغل

اجذبتني ابجربها :d وشكلها يواجهه




كل الشكر

[عاشق القمم]

...
رآآآآئعة
الله يعطيك 1000 عااافية
...

[حنين]

ماشاء الله عليك


موضوع كل شي فيه


تسلمين جوري

[بلقيس]

رووووووووووووعه

[نوني الامير]

مجهود قيم


الله يعطيك العافية وصفات رائعه