بـدع الـمـثل يا سعود ما قد حــداني
من ضيّــع المــعـروف ودّي يـدلّه
لا صـار بـعـض الـنـاس سمّ المحاني
يا كـيـف طـب الـسـمّ لا زاد عـلّه
يـخـدع طـويـل الحلم راعي الاماني
و من يطلـب الارزاق يتـرك محـلّه
ان جا في بعض العمر عسرٍ كواني
صبر الفـتـى يا سعود اجداه خلّه
كـسـبـت شحيح البذل ذل و هواني
و كم يندمح للـجـود عـوجا و زلّه
نـلـقـا عـديـم الـجــود مـعدود فاني
و لاّ رفـيـق الـجـــود مقــبول كلّه
يـخـسـا بـخـيـل الكـفّ سر و بياني
و يسقي كريم الـكـف غـيثٍ يعلّه
شـفـنـا غـشـيش القلب ما له عواني
و اما صحـيـح الـقـلـب كــلٍ يجلّه
وش لـك بـدار الـذل تـبـنــي المباني
ارحـل لا عاد العيش عيش المذلّه
انـصـا قـصـيـد الطـيب جزل المعاني
و اترك هزيل الهرج و اجيب جلّه
ابـغـي كـريـم الـنـفـس لامـن لـقاني
يـقـول صـح الـقـلـب قـلــبٍ تشلّه
كلمات راقت لي جدا فعسى ان تروق لكم
المواضيع المتشابهه
وفقك الباري 
العرض العادي
