كلية الخفجي،،،،مهزلة

[كلي خفجاويه]

شاكره لك طرحك اختي حلا الخفجي

وبالنـسبه للكـلية يااااما بكـينا دم منها ..

ومـشكلتك انك ما تدرين عن النظام وانك لازم تدرسين المتطلب

لان فيه بعض البنات يسوونها متعمدين

وانا معـاك .. فيه تقــصير من الكلية

وانا صديقتـي نـفسك بالضبط .. طلعوا لها ماده من غـير
ما تدري وقالوا انها حاملتها

هي انهبلت وقالت كييييف ما كنت ادري اني حملت المادة ..

بس اللي رحمها انها نظااام قديييم يعني مو على نظام البانر

والحمدلله راح تختبرها هالاسبوع وتعديها ان شاءالله

واذا على الاداريات مدري ليش اذا بغينا منهم شي يسوون انفسهم مشغولات

انا مره رحت ابي اكلم الاداريات للأسف قاعده تقرأ جريدة وساحبه على ام ديني

يعني فيييييييه تقصييييير وااااضح ..

لكن ..

شوفي مالك الا ان تنتبهين لموادك وكل يوم تراجعينهم

حتى لو طفشوا منك غثييييهم ما عليك اهم شي مستقبلك

صح راح تتهـزأين لكن ما عليك تحملي وانا اختك

وفي هالكلية يبيلك تشدين حيلك وتتخـرجين وما عليك كل الامووووور محلوووله بأذن الله

والله يوفقك اختي ومالك الا الصبر

واعذروووووووني ع الاطاله

بس دام الكلام عن كليتنا الحبيبه ما عندي مشكله أألف كتـاب بعد

[حلا الخفجي]

[align=center]مشكورين اخواني على الردود...


بس حبيت اوضح لبنت الخفجي...ان الكلية تقدمت شوي و لاحظنا كلنا هذا التقدم...

بس ردت انتكست للورآ ...


إذا ما دريتي فأنا بخبركـ و هذا مبني على واقع اليم انا الحين اعيشه...

الكلام المكتوب ببداية الموضوع هذا عن اختي و تخصصها دراسات

اما انا تخصصي رياضيات لما وصلت سنه ثالث و انا راسبة بمادة وحدة بس من ثاني ..وركزي على وحدة بس...

ردوني لأول بدون سبب مقنع و حولوني علوم مو تربية وحذفوا سجلي الاكاديمي للسمستر

هذا ... يعني ادرس من اول وجديد ما عدا كذا مادة .. اتوقع ما في افشل من كذا...

و أنا معدلي مرتفع مو شين و المادة مو اهمال مني رسبت فيها ...

يعني لو يقفلون الكلية اشرف لهم من انهم فاتحينها وجايبين المرض للبنات..




حسبي الله و نعم الوكيل


اللهم اجرني في مصيبتي و اخلف لي خيرا منها...[/align]

[حلوة الإحساس]

واااااااااااااااااااااااي
حطيتي يدك على الجرح
شوفو حبيباتي انا راح اكتب وربي اني
صادقه في كل حرف اكتبه

كليتنا كل سنه لها قرارات جدييييدة
وكل سنه واحنا في حاله جديدة

في وحده من الطالبات وصلت لسنه رابعه وعليها مادة
من سنه اولى تخيلو يا جماعه انهم رجعوها سنه اولى بس علشان هالمادة
وربي يابنات البنت تركت الكليه تقول تعب 4سنين واخرتها
يرجعوني اول
وفي بنااااات كثييييير من سنه ثالث رجعوهم ثاني وهكذا
وطبعا" غير سالفة التسحيل في البنر
كل الجامعات الثانية تسجيل المواد يكون من نفس الكليه واحنا
نركظ وراء هالبنر نشتغل مخابرات بس نكتشف ان البنر فتح
على طول انتفاظه وغير ان البنر يعلق من كثر الزحمه
ومانقدر نسجل واذا فاتنا التسجيل نحمل المواد الي ما سجلناها
والعام قالو لبنات سنه ثالث ان الي ماتنجح في طرق تدريس ما تطبق
في المدارس سنه رابع
ولما نجحنا فيها قالولنا لا لازم تنجحون في طرق تدريس ووسائل التعليم
وهالمادة كثير من البنات احذفوها بسبب التظارب
وهذا غير بنات سنه اولى اللي جننوهم مسجلين في كلية الخفجي وراحو ارسلو
ملفاتهم لكليات الدمام والجبيل
ورئيسات القسم الي ما يدرون وش السالفه انا
رحت عند رئيسة قسمي كل ما اقولها في جامعة الملك فيصل مكتوب كذا
تقولي:
صحيح مكتوب كذا والله ما ادري!!!

يا ناس ما تدري وشسالفه هذي رئيسة قسم وربي حرااااام

وهذا غير موظفات القبول والتسجيل
الي كلهم ما عندهم غير شهاذد ثانوي
وما يدرون عن الكليه غير اسمها
ما فيهم سنع غير منال السبهان لأنها ماشاء الله عليها خريجه
((قل هل يستوي اللذين يعلمون واللذين لا يعلمون))

حلا الخفجي
ما خطته اناملك نزف دم قلمي قبل حبرة


مع كل الحبــ

[الياسمين]

انا رحت اطلب من وحده سعوديه قالت مستحيل اعطيكي اياها اليوم
لازم السبت قلت ورقه عاديه قالت اعرفها بس لازم السبت مستحيل اعطيكي اياها صعب
قسم بالله رحت لوحده مصريه اعطتني الورقه بغيت اروح اقوم على السعوديه
بس خفت اني احتاجها بعدين
الكليه مشكلتها بشوفة نفس موظفاتها مو الدكتورات لا الاداريات.

[srab]

اللي يقول الكليه قاعده تتطور

للاسف يضحك على نفسه

الاداره فشلت فشل ذريع بالتقدم بالكليه انمله واحده

هي هي

من اول زياره لها

حتى اليوم

اقسم بالله ماكأنها كليه

المعهد الاهلي ارقى منها

تعامل - مبنى - اداره - اجراءات

حتى البنات مساكين فقدو الامل فيها

اختي باول ثانوي من الحين تبكي تقول ماابي كليه الخفجي

لانها قاعده تشوف معاناه البنات قدامها

وملاحظه / المبنى هو اللي درست فيه 3 متوسط و 3 سنوات ثانوي

ودرست برى ورجعت والمبنى هو هو

ماتحرك شبر

انتظروني اخلص الماستر والدكتوراه واستلم العماده فيه

اقلبه جنه

انتظرو بس

... طبعا الكلام موجه لبنات اولى متوسط

لان الباقي خلاص مايمديهم

[زهرة اللوتس]

اقتباس المشاركة الأصلية كتبت بواسطة ڜـــ ۾ ـــڛۜ ๛ اللي يقول الكليه قاعده تتطور للاسف يضحك على نفسه الاداره فشلت فشل ذريع بالتقدم بالكليه انمله واحده هي هي من اول زياره لها حتى اليوم اقسم بالله ماكأنها كليه المعهد الاهلي ارقى منها تعامل - مبنى - اداره - اجراءات حتى البنات مساكين فقدو الامل فيها اختي باول ثانوي من الحين تبكي تقول ماابي كليه الخفجي لانها قاعده تشوف معاناه البنات قدامها وملاحظه / المبنى هو اللي درست فيه 3 متوسط و 3 سنوات ثانوي ودرست برى ورجعت والمبنى هو هو ماتحرك شبر انتظروني اخلص الماستر والدكتوراه واستلم العماده فيه اقلبه جنه انتظرو بس ... طبعا الكلام موجه لبنات اولى متوسط لان الباقي خلاص مايمديهم

يسسلم بؤؤؤكـ..
معك حق والله انا درست به متوسطه..
إلى الآن هي هي ماتغيرت..
خيتي بنت الخفجي انتي قلتيها تخررررررجتي قبل سنتين يعني ماجربتي اللي جربنآه وان شاءالله ماتجربينه..

صرآحتن ودي آشكي وآطلع اللي بدآخلي من قههههررررر من هالكليه بس مآبي أضييييق خلقي<<وآنا وربي اللي شفته كفآآني..
آخآآآف آن تكلمت آنفجـــر
بس بقووولـ ه الجملهـ..

"مآيحس بـ آلجمرهـ الا وآطيهـآ"

دمتم بلا ألم...

[طيوفه]

بنات صج الخبر الي سمعناه ان بنات ثالث ورابع يبون يرجعونهم يدرسون من اول والا بس الي عليهم مواد

[sweety]

وعليكم السلاام ...اختي..!!!

والله الكليه مشاكلها ماتخلص ابد ..ولا فيه يوم بيجيها تطور ..!!

درست فيه اربع سنوات كرهت سيرة التعليم من بعدها ..

لانظام ولا خلق زي الله وتعامل سيء ..تقول اشحذ عندهم مو ادرس ..!!

والسنه هاذي يقولون تطورت ويوم دخلت اختي تقول انواع المهزلة ..مثلا .!!!

من واقع الحدث..!!

1- يوقفون العالم سرى لازم رقم جامعي وبعد الزحمه يقولون ماجاء من الدمام كان من اول..!

2- يعطون اوراق لفتح حسابات في البنك لهن والبنك يقول وين الرقم ..

3- المحاضرات من ربي خلقهم ماينتظمون يعطون اختي جدول ومسوين زحمه والمشكله انها ماتطلع بالوقت المطلوب تتاخر وله كل هذا تقول الدكتور جاء بيبدأ محاضره شاف مافيه مراقبه ..

جلس يستنى الاخت متى تشرف ..يحسبون كل العالم فاضين يسنترون على الباب

4-فوق هذا كله تبي تسأل ماتلقى احد معطيك وجه الغرفه اللي فوق مايدرون عن اللي تحت والعكس صحيح..

بالله عليكم وين تتطور هالكليه ...والله ولا حولها التطور ..

عذرا على الاطاله ..

[Al -T a m i m i]

شئ مؤسف للكلام اللي نسمعه عن الكليه

حتى سمعت ان النظام المطبق داخل الكليه ليس اكاديمي !
أقرب مالها مَدرسه
بمعنى اللي تحمل 3 مواد ترجع تعيد من السنه الاولى
معقوله ... !


.
.

[N2010]

نشكر أختنا حلا على هالموضوع المهم جدا

وأنا صراحة احس فيها اجحاف لطالبات الخفجي لأن ما في بالخفجي الا كلية واحده والمفروظ طالبات الخفجي لهن الاولولية بالقبول

أنا اذكر معاناة اختي خريجة السنه الماضيه وقدمت على الكلية السنه هذي ولم يتم قبولها وهي نسبتها الثانوي 89 والتراكمي 67 و تضف الى ذلك ان فيه بنات واجد من اهل الخفجي لم يتم قبولهن
واختي راحت للكلية الأسبوع الأول من الدراسة وكلمت شؤؤن الطالبات وقالت ان العدد الذي تم قبوله قلييييل جدا واضافه الى ذلك انه الى حد الان 30 منسحبه

راح عمي (عنده بنته لم يتم قبولها)بعد الى الجامعة بالدمام في الاربعاء الأول من الدراسة وكلم مدير الجامعة وقاله اكتب معروض ويجيك الرد

طبعا ماجاء الرد

وانا والله العظيم اني اليوم عندسكرتير المدير ما رضوا يدخلوني على المدير وقالي نفس الكلام اكتب معروض وراح يجي الرد بكرا او يوم الأربعاء

تكفوووووون ادعوا لأختي وبنات الخفجي بالقبول لأن ما عندنا كليات