كلا يقول سلبياته

[دانة الكون]

اهم شيء شفتها
ومتى جاري التنفيذ

سو مثل الناس كل موضوع ادخل وحط شكرا او موفق.

[أبووصال]

متى جاري التنفيذ .... حذف بعض ردود ابووصال ... ودانه الكون :d

[أبووصال]

الظاهر يادانه باقلب عليك .... لانه تبين لي شي مهم في شخصية المغموره بالمفاجأت.....

[دانة الكون]

ليش تقلب علي وش سويت وايش الي اتضح لك بشخصيتي.

[أبووصال]

بس بدون زعل

[دانة الكون]

بدون زعل
مع اني متاكده انك فاهم غلط
بس نقراء

[أبووصال]

صراحه تابعة ردودك في جميع اروقة المنتدى ولاحظت شي مهم الا وهو انك تتسرعين في بعض الحالات وتندمي بعدها بوقت .... وعندك اتضاد بشخصيتك مما اسهم بانك تدخلي في امور كثيره في المنتدى كانك مشتت الذهن ...وتشتت الذهن هذا يعتبر امر نفسي بحت يستدعي النظر والعلاج المترابط والمتلازم .... طريقة كتاباتك كانت دائما اخر الليل ... ومرات العصر ,... ومرات الصباح ....مما يعني عندك عدم تنظيم لوقتك ونومك ... وهذا من الامور التي توضح بان الشخصيه التي امامي غير محددة الاهداف في الحياة ...مع العلم بانه يوجد اشياء اخرى ماحبيت اتكلم فيها ..... وشكرا ...... وجايك يانايف لتحديد شخصيتك.....


المحلل النفسي ابووصال

[هدوء المطر]

ياحياتي يادانه انا اتكلم بشكل عام سواء حلو ولا جيكر الرياجيل مخابر مو مظاهر,بالنسبه للزواج لا والله في اشياء ودك تحققينها قبل الزواج تو الناس علينا ..وانا اقول للبنت من باب النصيحه لايغرها الشكل بس, والمثل اخطب لبنتك... ما ينطبق عندنا ولو تسألين ليش وهو موحرام كان بزمن الرسول والصحابه يخطبون للبنت هذا الزمن غير,,
لو بزمنا هذا اكيد يقولون البنت فيها شي ولا ليش ابوها يدورلها رجال.


وابو وصال انت ذكرني بخوي وهو بعد من سكان الرياض حتى اني شاكه انه انت

[kaiji]

سؤال هدوء المطر ؟ انتي او انت اصح قول

[دانة الكون]

وجهه نظرك واحترمها
ما اذكر اني تسرعت وإذا قصدك على التعديل
ادري تقول سبب تافه بس ارجع اعدل إذا كان فيه خطأ إملائي ولا حسيت الجمله مو مفهومه وابي اوضحها يعني مو لاني تسرعت
وإذا كنت ابي امسح شيء واعدله فتأكد انه لمصلحه غيري.وفيه شيء اتعمد اكتبه ولما احس اني المقصود قراه مسحته.
واني ادخل في امور كثيره عادي بما اني اقدر وش المشكله والتغيير والتنويع حلو يجدد الروتين في الحياه.>>> بعدين انا قايله لك احجز لي عند الدكتور وانت نشرت السالفه.
ووقت كتباتي صح اغلبها بالليل لاني ما انام بدري والعصر اشيك لما ارجع من الدوام وإذا لقيت شيء يشدني اكمل اما الصبح توني صرت ارد من الزهق بالدوام.
امااااااااااااا تحديد الاهداف فانا اقول لك انك غلطاااااااااااااااااااان
والهدف الي احدده اول شيء ادرسه من جميع النواحي واشوف سلبياته وإيجابياته بعدين احط الخطط البديله للحلول لو فشل الحل الي ببالي وبعدها ابداء بتنفيذ الخطوات حرب حشى
بس فعلاً الدراسه تاثر في حياته الانسان
ومن اهم الاهداف هدف لي حوالي السنه وبعد عده دراسات مني وطبعاً اخذت استشارات متخصصين في عده مجالات وتم تنفيذه بعد سنه شفت ان بالي طويل
وإذا حددت هدف اوصل له ولو بعد حين.
والنوم الي ما عنده شيء ولا وراه مسؤوليات ينام متى مايبي ويقوم متى مايبي >> علشان كذا تختلف اوقاتي.
بعد كل هذا وباقي اشياء زين والله مابي شيء سليم.

اصبر اتفرغ لك واحلل شخصيتك بالملي .
استعد يا نايف "جاك الموت ياتارك الصلاه" عاد انت بيحط مع التحليل حقائق ووقائع.