جدل طريف حول الزواج من مغربيات و أردنيات

[لبى جنوني]

اقتباس الشباب: ما لنا إلا السعوديات لولا المهور .. الفتيات: طيّبتوا خاطرنا جدل "طريف" بين قراء "سبق" حول الزواج من مغربيات وأردنيات أيمن حسن – سبق – متابعة: أبدى الشباب السعودي تمسّكه بالزواج من سعوديات، وإن عتبوا على غلاء المهور في لجوء البعض إلى الزواج من خارج المملكة، فيما رحّبت الفتيات بآراء الشباب، محذِّرات من مشاكل زواج الأجانب. جاء ذلك تعقيباً على خبر "خليجيات يتخوّفن من زواج الخليجيين بأردنيات ومغربيات" عقب الترحيب بانضمام المملكة الأردنية الهاشمية والمملكة المغربية إلى دول مجلس التعاون الخليجي، وتصريح المستشار الأسري الشيخ الدكتور غازي الشمري لـ "سبق"، أنه تلقّى الكثير من الاتصالات من نساء سعوديات وخليجيات، أبدين فيها تخوّفهن من ارتباط أزواجهن بالنساء الأردنيات والمغربيات؛ لأن الانضمام إلى دول الخليج يُسهِّل الارتباط منهن. مبدياً استغرابه من النظرة الضيقة التي تنظر بها المرأة لهذا الأمر، وداعياً إلى أن تكون المرأة لديها الثقة الكافية بنفسها، ولا تخاف من ذلك"، ورغم ذلك تحوّل الخبر إلى جدل طريف بين قراء وقارئات "سبق" حول الزواج من شباب وفتيات من هذين البلدين. وبداية أبدى الشباب السعودي تمسّكه بالزواج من سعوديات، يقول القارئ مهندس عزوبي: "بصراحة ما في مثل بناتنا السعوديات دين و أدب و جمال، وخاصة يوم تشوف الوحدة بالسوق أو أي مكان عام ملتزمة بالحجاب الساتر وما تشوف شي منها، هذي بالذات تفتح نفسي يا لبي قلبها بس". ويقول القارئ مهند: "والله ما تزوج غير بنت ديرتي"، ويقول القارئ أبو مجدولين: "والله إن الزواج من الثانية والثالثة طيب، لكن أم مجدولين بتزعل، وأنا ما أبغاها تزعل .. بالتالي وفائي لها وإخلاصي معها عندي أفضل من الزواج من الثانية، وفي الأخير الدنيا رحلة قصيرة .. أموت وأنا مرتاح ولا أموت وزوجاتي كل وحده تدعي عليه وتتظلم مني". يؤكد القراء أن غلاء المهور هو سبب لجوء بعض السعوديين للزواج من خارج المملكة، يقول القارئ فهــد: "شباب اصحـوا شوي، ليه يتزوجون شبابنا من غير السعودية، بشكل عام شف المهر فيه فرق كبيير، السعودية مهرها 50 ألف وأنت طالع، فيه ناس ما تقدر تدفع 50 ألف، طيب ما يتزوج اللي ما يقدر؟ ولا يتزوج عوانس ومطلقات؟ فكروا شوي يمكن بعد ما ينضمون المغرب والأردن ينزلون بالمهر". ويقول القارئ خالد الحربي من مكة المكرمة: "الحمد لله راح ينضموا، عشان المهر في السعودية يقل، حرام عليكم المهر غالي على، 50 ألف وربي غالي، يوم يدخلون المغربيات والأردنيات المهر رخيص، أتمني تنتظرون في المهر يا سعوديات"، ويقول القارئ الزهراني: "لا خليجية ولا سعودية، الوضع ما يسر يا سبق، شبابنا مشكلتهم المهر". أما القارئ عبدالحميد الحربي فيؤكد أن البطالة وضعف الأجور ستمنع الشباب من الزواج حتى من الأردنيات والمغربيات ويقول: "لا تخافون دام متوظفين على رواتب 2000 ريال، ونص الشعب عاطل، ما راح نتزوج سعوديات ولا أردنيات بنجلس عزابية". أما القارئات فقدَّمن الشكر للشباب الذي فضَّل الزواج من سعوديات، تقول القارئة بندورة: "الله يوفقكم يا شباب السعودية، اللي تقولون إن السعودية أفضل عندكم، ريحتوني وطيبتوا خاطري، الله يسعدك ورقعة الثوب منه وفيه". الطريف أن العديد من الشباب وجد في انضمام الأردن والمغرب فرصة للزواج من هذين البلدين، يقول القارئ سعودي من البدو: "بصراحة أنا ودي أتزوج أردنيـــة، أبي نشمية جيدة، وتكون من البادية، يعني بدويـة، وبحب الأردن زي ما أحب بلدي، وكل بلد فيها نساء زي القمر، دين وأدب وأخلاق وجمال وشريفة". ويقول القارئ فهد السعودية: " اللهم لك الحمد كما ينبغي لجلال وجهك وعظيم سلطانك، بداية الغيث قطرة، إن شاء تنفرج وأتزوج من بنات النشاما وحده مزيونه"، ويقول القارئ تصافينا: "شكلي بكنسل البحرين وأروح المغرب"، ويقول القارئ أحسن خبر: "وربي إنه خبر حلو بالنسبة لي وأنا من زمان شايل من رأسي إني أتزوج سعودية، مهور غالية وطلبات تكسر ظهر الواحد، يا رجال آخذ لي أجنبية ما تأكل علي، وتصونني طول عمري، وفي الأول والأخير نصيب". الطريف أن البعض طالب بضم دول أخرى من أجل الزواج، يقول القارئ مهند صنت: "ليتهم ضموا لنا لبنان وتركيا"، وتقول القارئة شيهانه بغضب: "الرجال إذا حط برأسه زواج، والله ما جاب خبر زوجته لو هي توب بالجمال والأخلاق والوفاء، بعض الرجال الله يهديهم غدارين الله يستر بس". وبغضب ردَّت بعض القارئات بأنهن أيضًا سيتزوّجن من خارج السعودية، تقول القارئة البطة السوداء: "أحلى خبر سمعته، انضمام الأردن لدول الخليج يعني مسموح لنا نتزوج أردنيين وناسه"، وتقول القارئة سعودية عانس: "يعني فرجت، ممكن أتزوج من مغربي أو أردني، يتمنونا نوافق هم ودهم فينا، وبسبب العنوسة راح نضطر نوافق وبس وراح نشوف الدلع أخيراً". وتتساءل القارئة أميرة العشاق: "الحمد لله، بليز فهموني، يعني أقدر أتجوز أردني أو مغربي؟ ياه أحسن من السعودي يطفشني وتقليدي، خصوص الأردني جمال وطيبة ووفاء الحمد لله يا رب ألقى أردني وأكيد حلقي بأي أحلى خبر سمعته"، فيما ترد القارئة عشقي الرياض: "على الفتيات اللاتي يرغبن بالزواج من أردنيين ومغربيين أقول: اللي تقول تزوجن أردنيين ومغاربة لا شكراً أنت تزوجي مغربي ولا أردني بنات السعودية الأصيلات ما يرضين إلا بالسعودي يكفي إنه رجل بكل ما تعنيه الكلمة من معنى". أما القارئة دانة الأديبة فترى أن الحوار في مجمله طرفة تدعو للضحك وتقول: "والله الموضوع هذا حماس، قاعدة أقرأ وأضحك وربي عالم فاضية، وين راح تفكير بعض الحريم ما خلو رزقهم على ربهم، بصراحة شدتني الردود أكثر من الموضوع نفسه".

http://sabq.org/sabq/user/news.do?section=5&id=24037

هههه والله انهم نووووكته
بعدين مو كل الشباب يبون اجنبيات
والبنات مو كلهم يبون أجانب
واساساً اذا الولد اخذ من برى حنا من بيآأآآخذنا

[امجاد]

يالليل الليل
وكل سالفة سياسية ولا اجتماعية ولا فنية لازم بيصير الزواج هو هاجس هالشعب

ليه دائم تفكيرنا محصور فيهذا المنحى



مدري وش كل هالخوف يالسعودية خايفة على الدنجوان

[شمس الرائدية]

وإذا المهر غالي ..!!
يفدانا
خل إنتف رموشهم من آول الزواج
وخليهم يآخذون من برى راح يطحن
بــ تسبودهم

[فاصله]

اللحين يقالهم لو خذوا اردنيه والا مغربيه بيقل المهر ؟؟!!
والله بيصير اضعاف اضعاف مهرها + تكاليف العرس + سعر فيزته هو اذا بيروح وفيزته أهله اللي معه + فيزة زوجته + اثاث الشقه وووو الخ ...
كلها بتطلع أكثر من تكاليف الزواج من سعوديه ...
وغير ان الاجنبيه بتتشرط عليه كلما راحت وجت من عند اهلها هدايا رايحه وهدايا جايه لاهلها وجماعتها وكل الحاره
خلو ان المهور غاليه انتم لو تبون اخر موديل سياره او بتسافرون اقرب بنك وتحط من هالديون على ظهرك قال ايش ماما مهر السعوديا غالي

يعطيك |العافيه|

[أزف الرحيل]

جبتيها يا فاصله



الله يقدر اللي فيه خير ومصلحه لوطنا الغالي

[دانة الكون]

ههههههه
فاصله

كفيتي ووفيتي ناسي بعد العرس بيدفع فيزه زياره ، واخوي يبي يشتغل هنا ، اهلي محتاجين مساعده ....الخ.

[ديم المحبة]

خخخخخ

ردود طريفة

مشكورة صاحبة الموضوع تكفين عضيلي خدود باللي بالصورة

[احبك الوفاء]

[align=center]السلام عليكم ورحمة الله وبركاته .

بسم الله الرحمن الرحيم


حبيت اشاركم بالموضوع وانا حبيت عبر عن رايي شخصيا بالنسبه لي

لا مغربيه ولا اردنيه شنو عشانه عشان الكلام الجمال والله ياالبنت السعوديه انها احسن ست الحسن والدلال شيخه ملكة جمال بعدين الو احد يفكر اذا جاه عيال بكره اول ميسال عن خواله من هم يقول حمزه او مجسوم ليلى


تقبلوها مني هديه

والله لو جابو ا جميع المزايين ........من الخليج من اليمن وارض لبنـــــــان...

والقاهرة مع ليبيا ما تكفــــــين ........ودمشق والمغرب وتونـــس وعمـــــــان ..

وبنت الجزائر والعراق وفلسطين.......وبنات افريقيا وبنجلادش والافغــــــــان ..

واسلام اباد وهندها والفلبيــــــن........ وبنات جاكرتا مع الترك وايـــــــــــران..

والبوسنة مع كوريا وبنت برلين .........وبنت البرازيل وفرنسا والالمـــــــــــان ..

وبنات واشنطن ولندن وبكيـــــــن......... وبنت السوفيت واوربا واليابـــــــــــان ..

ولو اجمعوهوم قدام عيني ملايين ........ ولو خيروني كلهم عندي ما لها شان ..

يا جعل فدوة لمدعوجة العين ..........اللي خذت قلبي لها القلب ولهــــــــــــان ..

يا سائل عن دار محبوبتي وين ............ترى وطنها موطني عز الاوطــان ..

شعارها نخلة وبالوسط سيفين..................المملكة هي دارها ما لها اثمـــان[/align]

[/ خط أحمر /]

كل اللي ردو على الخبر بنات



المهر يفدى بناتنا حتى مليون لكن النبي عليه الصلاة والسلام يقول سددوا وقاربوا


و الحكم في الزواج يكون على ما قاله المصطفى " من ترضون دينه خلقه فزوجوه " ولم يقل وماله


أتمنى للشباب والبنات التوفيق والسعادة في الزواج

[مجموعة أنسان]

قرار عجيب وبعدين وش معنى الاردن والمغرب!
أو عشان عاقليين ماعملوا مظاهرات
بس أذا القصد هو الزواج أجل
حتى البنات المفروض يضيفوا لهم دولتين من أختيارهم
ومافيه احلى من بنت بلادي اصل ونسب
وششششيء يرفع الراااااس