--( زهور متناثرة .. من بساتين الحياة )--

[الدووووخي]

استر ظنون الياس .. لو هـي بليـده
واقول : غلطه .. والسبايب ظروفـي

ماعـاد تقليـب المواجـع يفـيـده
ولاعاد وصف الامس .. يشبه وصوفي

تعبت .. ياليـل الهجـوس المديـده
جف الكلام .. وضايقتنـي حروفـي

[الدووووخي]

[الدووووخي]

[الدووووخي]

اللي تكونَ الحيآة أقصـىَ مدى " مجدَه "
.............. ألهآه وقتـَه وضآع بوَسط دوّامه !
مسكين ! مآيدريَ إن " الدمع " فالسجَده
.............. يَبري همومَ الزمآن | ويرفَع الهآمه !

[الدووووخي]

ماينجبر خآطر/ ولا ينشرح صدَر
إلا لمـن عني/ رضو وآلدينـي


البر والإحسآن/ فيهم علي أمَـر
شي ٍ من الله/ والملا عآرفينـي

أنا لهم من جيت/ لين أسكن القبَـر
وهم مسآكنهم/ في قلبي وعينـي

[الدووووخي]

هيه ياللـي مبتلينـي صـد ّ ... واخطائـك .... كثيـرة
مانشدتك .. وين رحت ؟ .. وليه رحت ؟ . وويش ناوي !

ماأبي تنشد خفوقـي .. عـن بـلاه ... وعـن مصيـرة
وانت تدري .. حب مثلك .... / سيئ ! ... وكله بلاوي !

كنت احسب إنـك عشيـر ٍ مابخـص قيمـة .. عشيـرة
لين ماشفت بعيوني ... كيف خيّبت ... / .... الهقاوي !

أدري إن الحـظ مايـل ! .. والظـروف اللـي تـديـرة
ماني بقاوي .. عليها .. لو كذبت وقلت ..... : قـاوي !

رح فمان الجـرح .. ياللـي .. نـاوي ٍ فرصـة أخيـرة
رح وانا ادري راح ترجع .. منكسر / خجـلان / ذاوي !

رح وانا ادري .. راح اخاوي .. جرح ودمـوع ٍ غزيـرة
واوعدك من بعد .. جرحك ! / لاأحـب ... ولا أخـاوي !

[الدووووخي]

لا تآمن الطيب ولا تآمن الشين
خلّك فطين وخل نفسك حريصه

حنّا بزمن فيه اختلاف الموازين
ما عاد تعرف غاليه من رخيصه

بخل و كبر كذب و نفاق وحسودين
وكلٍ على شفّه يدوّر قنيصه

[الدووووخي]

إن العمل الجيد أفضل بكثير من الكلام الجيد ...

[الدووووخي]

علمتني دنيتي { أڪْتِم } - غرآمي
وإن لقيت - إنسآن بآيعني , أبيعه !!

وعلمتني ڪْيف . . أحوّل / إنهزآمي
لأنتصآري . . . وآتحآيل عـ آلخديعه !

مهمآ أعطي للـ زَهَر ڪْل إهتمآمي
مآ يفتِّح , غير . . . في موسم ربيعه

[الدووووخي]

ثوب الزمن قامـت تزيـد شقوقـه
........................... ولا لقينـا مـن يخـيـط فتـوقـه
نجيبـهـا مـنّـا وتقـفـي مـنّـا
........................... لاهـي بمطـروده ولا ملحـوقـه
علـة وريـد ماعرفـت دواهــا
........................... مـن صابتـه بتضيمـه وبتعوقـه
عشنا وشفنا فـي الزمـان التالـي
........................... شـي يتـلّ القلـب مـن معلوقـه
كـل علـى ليـلاه قـام يغـنـي
........................... ويجر فـي راس الجبـل طاروقـه
شرايحـك يامجتمعـنـا واجــد
........................... مشحونـه ومنخولـه ومسحـوقـه
و الموت وضعك يالشباب الطايـش
........................... أرقابـكـم بالعولـمـه مشنـوقـه
يجرفكـم التيـار لآخـر صيحـه
........................... والغـرب جتْكـم طاقتـه مطبوقـه
تفكيركم في الموضـة المرفوضـه
........................... والطرد والترقيـم ماشـيٍ سوقـه
والبنز راعي الجنـز قـام يحوفـه
........................... مطفـوق يطـرد صيـدةٍ مطفوقـه
والسن الأزرق ميـزةٍ فـي طيـره
........................... طيـرٍ يهـده مايـفـك سبـوقـه
يهـد فـي (قــزاز) وإلا (زارا)
........................... محميتـيـن وعـالـم مرمـوقـه
والصدر فاتـح والجفنشـي فايـح
........................... والمشكله من تحتـه ومـن فوقـه
تبـرمـدو ياشـلـة الـبـرمـودا
........................... وأشنابكـم وذقونـكـم محلـوقـه
واللي سواكم يمكـن أشلـى منكـم
........................... والا بْركتهـم مثلـكـم ممحـوقـه
لان السهر طـول الدهـر مذهبهـم
........................... وهروجهـم مقصوصـةٍ ملـزوقـه
مركـى وملبـورو ودش وشاهـي
........................... وأختـر قنـاه وتابـع الممشوقـه
فتنـة دريـم وفاتـنـة روتـانـا
........................... إقـرأ الشريـط وغـازل المنتوقـه
وإنقز مـع نقـزات هيفـا وهبـي
........................... وإرقص مـع الطقاقـه المطقوقـه
ضيعك يالفاهـي حـلال الساهـي
........................... قـدام عينـه خزنـتـه مبيـوقـه
أقـرب مثـل بولنـد جتـه الدنيـا
........................... كيف أشغل العالـم بـذا الغرنوقـه
وغيره وغيره رايـح فـي يدهـا
........................... قـدم لجمهـور الغنـج معشـوقـه
وراحت علوم اهل السهر في الرحله
........................... ولا عاشت رجـال تضيـع حقوقـه
مادام هي من شاشـة فـي شاشـه
........................... فـ شاشات الأسهـم سلعـةٍ مفروقـه
بيع وشرى والرزق مـن عنـد الله
........................... حتـى لـو إن التوصيـه موثوقـه
يالبورصيّـه بورصتكـم بـرْصـا
........................... وكـم بورصـيٍ جبهتـه مفلوقـه
نصف الدراهم في اللجين وسابـك
........................... ونصفٍ بقى في الرايـد وصندوقـه
والسوق خضّر والوجيـه تخضّـر
........................... وان حمّـر فكـم خـدةٍ مصفوقـه
نـاسٍ يوصيهـا نديـم الشـاشـه
........................... وناس تسـوق وماهـي بمسيوقـه
ونـاس تسيـر بطقهـا وإلحقـهـا
........................... هز النخل يمكـن تطيـح عذوقـه
هـذي شرايـح مجتمعنـا الحالـي
........................... كـلٍ يـدور ماينـاسـب ذوقــه