مطلوب موظفين بالخفـجي

[بيسآن]

والنساء مالهم وظايف ؟

[& خفجاوي &]

هههههههههه
استحلفك بالله كم هي الاجور المجزيه الى راح تعطيه للمتقدمين
وايش المميزات في وظيفتك على المدى البعيد ؟؟
هل فيه زياده فالراتب مع الوقت ؟ هل فيه عمولات ؟؟؟!
والاهم والادهى من هذا كله هل هناك احترام للمتقدم في التعامل بينه وبين صاحب الحلال على قولتهم

والله العظيم اني عارف كل شئ عن التخليص الجمركي وعن الشباب الى ما يأخذون لهم فتره طويله ويطلعون
انا لي صاحب يداوم فترتين من 8 صباحا الى 2:30 مساءا ومن 7 الى 10
واشوف كيف ينكرف ويتعب عشان مبلغ ما يستاهل كل هالتعب الى يسويه لكن لولا ظروف ما كان اشتغل هالشغله

اغلب اصحاب مكاتب التخليص مستعبدين موظفينهم ولو بيدهم يوظفون بنغالي كان وظفوه وخلوا السعودي

اتقوا الله في انفسكم

[الراهي]

..
>>
صح قبل لا أنسى ..؟!
تسلم يدينكـ خالد على الموضوع
ماشاء الله عليك
والله يعطيكـ العافية
وفعلاً أغلب المكاتب بـ حاجه لـ ( مخلصين )
والله يجزاك خير
.
وبالنسبة لـ وقت العمل
تقريباً من الساعه 8 إلى قبل آذان الظهر
< وبسسسسسسس
ومرة بـ الشهر تجلسس لـ الساعه 1 أو 2 الظهر فقط
وعافاك الله خيووو على المووضوع
والله يسعد أيامك
..
.

[أبو الهنـــــوف]

هناك امور تجبر الشخص على امور

لا يرضها العقل..!!
لكن يجبر عليها ... فالجلوس امر و اصعب بكثير
من تلك الرواتب الضعيفه ..!!
راتب ضعيف خيراً من جلوس بفلس ..!!

نتمنى ان ترفع رواتبهم لانهم يقومون بمعاملات

تدر على المكتب بــ ؟؟ من الريالات .. !!

[مدرع ـمه بشويش]

اللي اعرفه ان الملك عبدالله الله يطول بعمره

قال انو أقل راتب بـ3000

يعني هالاشياء من وراهـ ولا شنو ؟؟

يعطيك العافيه على الموضوع ..

تقبل مروري..

[نقش حناء]

الله الغني عنكم

خبر سيءويضيق الصدر

حرام زيدوا ع الاقل الراتب
لاحول ولاقوة الا بالله
كل ذا طمع ترى أبن الوطن يستاهل
محد راضي ب2000 واذا رضى شهر شهرين وتطلعون روحه وبيهرب
غصب عنه وهو محطم نفسيا

أتقوا الله فيهم
كل شخص يفرح بالوظيفه ومحتاج وظيفه لكن لاتحطمونهم

شباب ضاع عمرهم أعمارهم وصلت 30 و40 سنه وهم رواتبهم 2000او 1600 لاترسيم ولا زياده

كل شاب وشابه يبي يتأهل ويتوظف وظيفه محترمه ويكون له دخل معقول
ويبي أستقرار وأمان وظيفي وراتب محترم اقلها بالشهر 3000بالبدايه

مو معقول
تحرقونه وتستهلكون طاقته وجهده وبالاخير 1200 أو 2000

ماترضونها لنفسكم ولا لإخوانكم ولا لعيالكم
ماتسوى

والله شهر شهرين وبيهرب منكم بعد ماتحطمونه وتذلونه محد صابر على الظلم والضيم
وأنتم هذي شغلتكم كل شهرين موظف جديد ليش طيب ؟

أتوقع أنكم قبل توظفونهم عارفين انهم شهر شهرين وبيجي غيرهم مو خسرانيين شئ ...طبعا


يازين الترسيم بس والوظائف الحكومية

الله الغني عنكم

وأقول للأخوان العاطلين انتظروا حافز أبرك

الله يوفقكم ويغنيكم عن هالوظائف

[المعقب]

وينك ياخالد القباني رد على الناس ولاتنحاش

[خالدالقباني]

اقتباس المشاركة الأصلية كتبت بواسطة المعقب وينك ياخالد القباني رد على الناس ولاتنحاش

انا ما انحاش ولا شي وش تبيني ارد عليهم يعطيهم العافيه كلهم

وليش انحاش وش مسوي انا

انا حطيت الموضوع بعلم الشباب ان فيه وظايف بالتخليص الجمركي

واشوف الموضوع تشعب الى عده مواضيع كل واحد وحر في رايه

ويعبر عن رائيه بكل حرريه

ردي عليهم (ماقصروا الاخوان والاخوات على مرورهم الجميل

والمميز ويعطيكم الله الف عافيه )

[الدلال كله فيني]

اقتباس المشاركة الأصلية كتبت بواسطة مدرع ـمه بشويش اللي اعرفه ان الملك عبدالله الله يطول بعمره قال انو أقل راتب بـ3000 يعني هالاشياء من وراهـ ولا شنو ؟؟ يعطيك العافيه على الموضوع .. تقبل مروري..

عذرآ الله يجزآ صآحب الموضوع خير
لآن في نآس محتآجه فعلآآ


بس تعليـقي إخوي ع كلآممك إنو الخفجي مومحسـوبه على السعوديه فـ اغلب الامور

على قولة وحده ( وتبــقى الخفجي في عآلم النسيـآن )

[خالدالقباني]

اقتباس المشاركة الأصلية كتبت بواسطة الدلال كله فيني عذرآ الله يجزآ صآحب الموضوع خير لآن في نآس محتآجه فعلآآ بس تعليـقي إخوي ع كلآممك إنو الخفجي مومحسـوبه على السعوديه فـ اغلب الامور على قولة وحده ( وتبــقى الخفجي في عآلم النسيـآن )

اللهم امين يارب وياك

بالفعل في ناس كثير محتاجه لو 1000 ريال

والخفجي المدينه او المحافظه (علشان لايزعلون بعض من الناس )

منسيه ويبيلها اشياء كثيره

شكرا لمرورك العطر