بين طيشة عطف وعقول حكما ********بين عزة نفس ومفارق خليل
العقل والعين والقلب خصما ******** والمنام يمرني عابر سبيل
مادريت شلون وقتي بي رما ********مادري المزبن اناولاالدخيل
وانت يازين الصبا عذب الما ********جايني هالحين بترد الجميل
مالحقت الحب يوم انه نما ********يوم عاد البرق في عرض المخيل
جايني والوقت بالسان وجما *******شايبٍ لاشوف لاكلمه لاحيل
جيت لك ظامي وعودت بظما ********مكرمك في طعن قلبي يابخيل
جيت بالكحله وزودت العما ********تحسب ان كلمتك بترد القتيل
غلطتي حبيت بعيون غشما *********وغلطتك قفيت ودموعي تسيل
صدقيني لو بدل دمعك دما ******** مارجعت وصرت في قلبك بديل
خاب ظنك في مردي مثلما *********خبت فيك وصرت سابع مستحيل
يوم شفت القلب في حبك زما********انصدمت بواقعٍ ماله بديل
حن كبرنا واستوت قاع وسما******وصرنا قصه قالها جيلٍ لجيل
ومارجينا الحق من عند ظلما *******ولا يرد الثار رجالِ ذليل
والغلا بيعوووودياحلوه لما ******** قامت الاجداث من بطن النثيل
اخواني /رواد واعضاء وزوار المنتداء
اتمنى اني اكون عند حسن الظن وما اخيبكم ابد
لاني والله اللي لقيته منكم ومن الترحيب يخجلني اني اقدم كلمة شكر
لكن احيان يكون السكوت ابلغ من الكلام
واتمنى من الله العزيز القدير ان تكون القصيده اعجبتكم
وانا اوعدكم انشاء الله بالجديد دائماً
واقول كل عام وانتوا بخير ومن العايدين
اخوكم / مسفر حسين اليامي
العرض العادي
