البارحة سافرت يوم أبطيت عن حلو السفر(( للشــــاعر سعد المطرفي ))

[الدووووخي]

البارحة سافرت يوم أبطيت عن حلو السفر .... للشــــاعر : سعد المطرفي .......

يقول الشاعر : سعد المطرفي إن فيه واحد من خوياه .. يسمي سعد دائماً : حظيظان ....


وكتب الشاعر سعد هالقصيدة بالقصة اللي حصلت له علشان يبيــن حظه لخويه ....



بسم الله نبــــدأ ...




ـ
ـ
ـ
ـ
ـ
ـ





البارحة سافرت يـوم أبطيـت عـن حلـو السفـر
وأخـذت أقلّـب بالسنـيـن المقبـلـة والزايـلـة

اللي مضى والله طفـر واللـي يجـي داري طفـر
خلك معي وإسمـع قصيـدي والحظـوظ المايلـة

رضيـت بالمكتـوب والمكتـوب مامـنـه مـفـر
لكن على قـول المثـل ( شـيء فقدتـه حايلـه )

مبطي وأنا حظي صفر من وين ما أضربها صفـر
وإن كـان ودك تقتنـع بأذكـر بـعـض فعايـلـة

لي صاحب يوم إن سمع بإجازتـي قـال : الظفـر
قال:أطلبك .. قلت " إطلب اللي وش تريده .. نايله "

قال أطلبك يومين من عمرك عسـى عمـرك وفـر
وأركـى علـيّ موبايلـة وأركـى علـيّ موبايلـه

مهـم بأنـي ماقـدرت أخذلـه وأفرفـر وأفــرّ
مبطـي أنـا سنتيـن عنـه مـا قـدرت أخايـلـه

والشوق يجبرني عـن اللـي حافـر بقلبـي حفـر
والموتـر اللـي لا ركبـتـه مـاوجـد مثايـلـه

وإن كان تنشد وشو الموتـر تـرى الموتـر شفـر
هـذاك فـي درب الشـوارع تنذكـر خصايـلـه

وقضبـت خـط السالمـي والحـظ شمّـع بالكفـر
حظـي وأعـرفـه لا بغـاهـا بيّـنـت عمايـلـه

وجلست وحدي سـت ساعـات ولا عنـدي مفـر
إليـن جانـي واحــد كـثّـر عـلـيّ جمايـلـه

سوى بي المعروف والمعـروف مـو بأيّـة نفـر
لا والله ألا مانكـرنـي جعلـنـي مــا سائـلـه

المشكلـة مـو بالكفـر .. المشكلـة قبـل الحفـر
عنـد المنافـذ زحمـة تظهـر نـجـوم القايـلـة

وآخذ كـذا ساعـة إليـن أقبلـت للضابـط خفـر
يمـار ينظـر لـي مثـل منهـو مضيّـع فايـلـه

وطق البليّة وقال لـي ممنـوع مـن ريـح السفـر
إنكـس لبيـتـك وإنتـبـه للمنطـقـة والعايـلـة

يمـار يضحـك لـي بسنّـة جعـل سنّـه للدفـر
تقـول كنّـه حظـي اللـي تنـعـرف وسائـلـه

ماقلت لك حظي صفر من وين ماأضربهـا صفـر
عنده علـى قطـع الرحـم قـدرة عجيبـة هايلـة

حتى عشيري يوم قمت أحكـي لـه القصـة طفـر
سكّـر جهـازة وإمتنـع حتـى علـى رسائـلـه

[ஜ]¦[‗ـ−Ξ المستـحيــل Ξ−ـ‗]¦[ஜ]

صح لســـــــــــــــــانك

[بشاش]

صح لسان الشاعر


ألف شكر لك دخ دخ

[صانع الإبداع]

..
>>
↓
صح لسان الشاعر .. ولسان ناقلها ..
والله يعطيك العافية ..
تحياتي ..
..
^ _ ^

[دانة الكون]

صح لسان الشاعر

الله يعطيك العافيه.

[عاشق القمم]

* صح لسانك ع النقل ..
شكرا لك ..

[الدووووخي]

اقتباس المشاركة الأصلية كتبت بواسطة ஜ]¦[‗ـ−Ξ المستـحيــل Ξ−ـ‗]¦[ஜ صح لســـــــــــــــــانك

1000 شكــــر على حضـوركــ ومروركــ ..

[الدووووخي]

اقتباس المشاركة الأصلية كتبت بواسطة بشاش صح لسان الشاعر ألف شكر لك دخ دخ

1000 شكــــر على حضـوركــ ومروركــ ..

[الدووووخي]

اقتباس المشاركة الأصلية كتبت بواسطة صانع الإبداع .. >> ↓ صح لسان الشاعر .. ولسان ناقلها .. والله يعطيك العافية .. تحياتي .. .. ^ _ ^

1000 شكــــر على حضـوركــ ومروركــ ..

[الدووووخي]

اقتباس المشاركة الأصلية كتبت بواسطة دانه الكون صح لسان الشاعر الله يعطيك العافيه.

1000 شكــــر على حضـوركــ ومروركــ ..