مدير المرور

[تايه الخطوه]

السلام عليكم ورحمه الله وبركاته
اليوم راجعت مرور الخفجي واذا انا اتفاجاء من موقف صاير قدامي الا وهو مدير المرور بيض الله وجهه والله يكثر من امثاله جالس في الاستقبال ويشتغل مع الموظفين واول ما شافني قال لي وش نخدمك فيه طبعاً انا ما اعرفه واول مره اشوفه على الطبيعه وخدمني في أقل من ربع ساعه وطلعت من المرور وانا راضي واقول في نفسي ياسعد من هو موظف تحت إدارته او يكون المدير حقه 0
وتقبلوا خالص احترامي وتقديري ،،،

[eng_riy]

الله يكثر من امثاله ان شاء الله

[ولد الشرقية]

صح كلامك رجل مجتهد ومتواضع ورجال خدوم

بيض الله وجهه

[الهلالي2010]

شكرا اخي الحبيب على الخبر وش مفرح فاتحة خير ان شاء الله
لكن عندي سؤوال وش مقعده في الإستقبال ليه وين الموظفين هنا علامات استفهام ؟؟؟؟ وعلامات تعجب !!!
أنا بصراحة استغرب كثيرا من الناس اللي يتركون عملهم الأصلى ويقومون بعمل غيرهم !!
هذا ماهو من عمله يااخي المدير عموما في علم الإدارة عمله اشرافي وليس تنفيذي ولكن عدم معرفة كثير من الناس بمهام عمله هي مايسبب الفوضى بالعمل وتأخير المعاملات وتعطيل مصالح الناس !!!!!
بالله عليك لو جاء مراجع ودخل مكتبه وماحصله وش يقول !!!
عموما لنكن متفائلين بالخير ياليتك مثل مااثنيت عليه تروح له يوم السبت وتزوره بالمكتب وتعرفه بنفسك وتشكره على ماقدم لك من خدمة وتقول شباب الخفجي كل يوم يجتمعون على طريق الكويت قرب الجمارك للتفحيط ويحصل ازعاج وفوضى وتفحيط وتجمهر واصابات ووفيات هناك ياليت يعمد الدوريات بحل المشكلة وحينها سوف نشكره ونصفق له0
وجهة نظر !!!

[بركات]

اول شي هذا الرجل دائما بالاستقبال وقليل مايجلس في مكتبه
وثانيا هو الان ينوب عن الموظفين الذين ذهبو الى موسم الحج
يعني ببساطه لااحد يدور وراه شئ
هذا الرجل متواضع الى ابعد الحدود
وبعدين ياهلالي اليس من الاولى ان توجه نصائحك لاولياء امور المستهترين
وبعدين يااخي روح شوف حجز المرور امتلئ عن اخره بسيارات المستهترين والمخالفات باالاف يعني نريد حل لمشكلة التفحيط بدل نقدك لموظف يتقيد باوامر وصلاحيات محدوده

[دانة الكون]

الله يكثر من امثاله
و من لا يشكر الناس لا يشكره الله
شكراً لك على بادرتك الطيبه

اقتباس المشاركة الأصلية كتبت بواسطة الهلالي2010 شكرا اخي الحبيب على الخبر وش مفرح فاتحة خير ان شاء الله لكن عندي سؤوال وش مقعده في الإستقبال ليه وين الموظفين هنا علامات استفهام ؟؟؟؟ وعلامات تعجب !!! أنا بصراحة استغرب كثيرا من الناس اللي يتركون عملهم الأصلى ويقومون بعمل غيرهم !! هذا ماهو من عمله يااخي المدير عموما في علم الإدارة عمله اشرافي وليس تنفيذي ولكن عدم معرفة كثير من الناس بمهام عمله هي مايسبب الفوضى بالعمل وتأخير المعاملات وتعطيل مصالح الناس !!!!! بالله عليك لو جاء مراجع ودخل مكتبه وماحصله وش يقول !!! عموما لنكن متفائلين بالخير ياليتك مثل مااثنيت عليه تروح له يوم السبت وتزوره بالمكتب وتعرفه بنفسك وتشكره على ماقدم لك من خدمة وتقول شباب الخفجي كل يوم يجتمعون على طريق الكويت قرب الجمارك للتفحيط ويحصل ازعاج وفوضى وتفحيط وتجمهر واصابات ووفيات هناك ياليت يعمد الدوريات بحل المشكلة وحينها سوف نشكره ونصفق له0 وجهة نظر !!!

الله يعطيك العافيه يا الهلالي
يمكن الموظفين باجازه
او زحمه عمل عندهم
الله اعلم
هذا اولاً
ثانياً:
لو جاء احد ما يحتاج يدور عليه
لانه جالس قدمه بالاستقبال

و اتمنى منك مثل ما طلبت
من صاحب الموضوع
تسويه انت بنفسك و تروح له
و تقول اللي بخاطرك
لان صاحب الحاجه يقدر يوصلها افضل من غيره

الله يعطيك العافيه.